"波士文條例"真係對球會,球員,國家隊好嗎？

yokoyoko

波士文條例（Bosman Ruling）是影響歐洲足球最深遠的條例之一，在這條例下，球員在約滿後便可自由轉會。波士文是比利時乙組球會列日RFC的球員，他在1990年約滿，希望轉投法國的敦克爾克，不過，由於敦克爾克沒有提出足夠的轉會費，列日RFC便拒絕放人。波士文最後無法轉會，亦不能再當一隊成員而大減人工，於是便告上歐洲法院。1995年，他終於獲勝訴。

自始，所有歐盟國家球會的球員，在約滿後便可自由轉會 (過往是必須原屬球會同意後方能轉會)﹔波士文條例同時禁止歐盟國家的足總及歐聯、歐洲足協盃等歐洲賽設歐盟國家外援限制，認為有歧視成分。但各地仍可設非歐盟球員的外援限制。

－－－－－－－－－－－－－－－－－－－－－－－－－－－－－－－－－－－－－－－

就係因為呢條條例，令到歐洲足球產生變化
有＄的球會，就因為其心儀的歐盟球員沒有國籍的限制，投其所好，大幅加人工吸引
於是，可見的是球員人工水漲船高，而球會的轉會費就屢創新高。

有些球會為求有＄，把球會上市集資以抗衡其他球隊
當然，亦會加票價，同埋抓sponsor

足球愈來愈商業化
而班後生仔，除非真係好好波，唔係都好難係高水平聯賽上位
因為球會為求收入增加以加強競爭力，唔會咁沙膽用新仔，拿戰績閞玩笑

代價當然係高水平聯賽所在國家受害啦
西班牙，意大利，英格蘭．．其國家隊好似巴西阿根廷勁嗎？
西班牙國腳係唔係好多個踢緊皇馬巴塞？
意大利英格蘭有多少國腳出外學法？
巴西阿根廷呢ｄ就唔同，閒閒地都可以分別砌出有水準的１隊２２人國外聯賽隊和１隊２２人國內聯賽隊係度玩４角賽都得

有無發覺１９９８，２００２的World Cup Winner
ｄ勁野都係四大聯賽球會既球員嗎？


條例益左球會，但害左國家隊

我諗如果而家仲有外援限制，車路士陣中可能大部分都唔係車路士了
摩連奴還可以用咁多好野嗎？

大家討論下呀～




Really really good topic
+4

[ Last edited by brightlee on 2005-10-8 at 09:44 AM ]

ciger

Originally posted by yokoyoko at 2005-10-8 01:15:
波士文條例（Bosman Ruling）是影響歐...

代價當然係高水平聯賽所在國家受害啦
西班牙，意大利，英格蘭．．其國家隊好似巴西阿根廷勁嗎？
西班牙國腳係唔係好多個踢緊皇馬巴塞？
意大利英格蘭有多少國腳出外學法？
你係咪想講西班牙，意大利，英格蘭球員冇基會在球會打正選?

chicken

For highest level leagues like Spain, Italy and England, their national teams are affected more due to more EU players in their league. But they still benefit from more people outside their nations watch their league.

For lower level leagues like Protugal, France, Holland,... their naional team become stronger and stronger due to more players go to the highest level leagues. And their teenagers can get more chances in their local league.

So I think the only way to balance the situaion is more spain, english and italian teenagers goto other leagues to gain more experience... The best exsamples are Gattuso & Hangreaves.

edifier

Originally posted by chicken at 2005-10-8 04:20 AM:
For highest level leagues like Spai...

雖然波士文條例可令歐盟國家球員的流動性大大提高,不過某些大聯賽的球員轉黎轉去只會留在本土國家,佢地出國的困難度唔比大陸的球員低...

各位有幾何見到英格蘭年青球員出國踢波??? 因為英國的生活水平在歐洲屬最高級,人工高,難以吸引英格蘭球員出國.夏格維斯???佢唔係英國年青球員出國踢波的好例子,本身在加拿大打波,之後比拜仁發掘先至去左德國,佢從未在英格蘭任何一個級別的聯賽上過場的.

至於意大利,除左人工問題,而係佢地的球員打法跟本唔適合其他聯賽(正如英格蘭球員出國後表現低沉一樣),近年有幾多個意大利球員出國打波打出名堂?最重要的係會影響到入選國家隊的機會,意大利唔同巴西及阿根廷,中國人有一句說話好0岩意大利球員用,就係"人離鄉賤".

西班牙及法國球員比較好一點,因為佢地的打法混合了巴西同阿根廷那類南美式,可塑性較高,去到邊個國家的聯賽都0岩用.

唔好意思,好似離左題,不過純粹發表意見,各位睇左就算啦

[ Last edited by edifier on 2005-10-8 at 06:28 AM ]

edifier

其實我個人覺得波士文條例本身的動機係0岩的,因為既然一個球員已約滿,點解重要比球會留難而轉唔到會??? 本身有合約就話唔可以私自同第二間球會傾轉會姐,但約滿後自主權應回到球員之上都好應該.

當年的球會為求保障自已,將球員的去留權牢牢地握在手上,球員根本無自由可言.
不過今日的球會估唔到會比這條例玩殘!

ciger

Originally posted by edifier at 2005-10-8 06:38:
其實我個人覺得波士文條例本身的動機...

我覺得問題唔係出自'波士文條例',係歐洲一體化,有歐盟出現先有這種情況,冇歐盟根本唔會係咁
至於話大量外援湧入影響國家隊水平就唔同意,日本都係引入大量外援,本土球員先有咁大進步,當年蘇拿都曾經話過在拿玻里時馬勒當拿教左佢唔少野,其中射罰球更係獲益良多,但'波士文條例'的確令球隊實力拉開,阿積士等自'波士文條例'之後就淪為歐洲二線球隊

jordi

睇下 ~ 麥馬拿文 ..... 下場未知o羅 ~
害母會 , 害自己 !~

edifier

Originally posted by jordi at 2005-10-8 04:39 PM:
睇下 ~ 麥馬拿文 ..... 下場未知o羅 ~
害母會 , 害自己 !~

唔好話麥馬拿文的下場唔好,你以佢的角度諗,當年佢在利物浦已達職業生涯的樽頸,有皇馬這等大球會比高薪你,你係佢你走唔走?去到西班牙話唔定有突破呢!

雖然最終老麥在皇馬只係板凳球員,不過佢好多時後備上陣都有好表現,就好似上季的奧雲咁,而且佢又係在皇馬的全盛時期加入,攞過西甲冠軍同歐冠盃冠軍,記得在01年歐冠決賽對利華古遜一役都有上陣(唔記得有冇攞過西班牙盃冠軍)...

這些金錢同榮譽,都係當時的利物浦無辦法比到佢,你係佢的話,你會點???

[ Last edited by edifier on 2005-10-8 at 06:00 PM ]

edifier

Originally posted by ciger at 2005-10-8 01:02 PM:

我覺得問題唔係出自'波士文條例',係...

你講得好0岩! agree!

hkcitywong

Originally posted by edifier at 2005-10-8 05:57 PM:


唔好話麥馬拿文的下場唔好,你以佢...

Owen幾時係皇馬攞過西甲冠軍？