杏兒有新歡

中出男

黃宗澤同楊崢嘅戀情快來快去，唔夠一個月就由曝光變散水，女嘅被傳嘅負面新聞越揭越多，仲要向商台申請停工；男嘅就收返架車，甚有斬纜味道！

「崢澤戀」見光之後，好多人都仲係話Bosco最襯嘅始終係舊愛胡杏兒。不過就算係又點？杏兒似乎已經搵到新男友！
今日杏兒喺微博PO相，見佢疑似攬住個男子，一臉冧爆甜笑，仲寫住「我找到了」另加3個心心。寫到咁白，應該係搵到新男友啦……唔好話係搵返部電話呀吓。喺呢個時候出相，食正告一段落，Timing非常好！其實之前杏兒承認同Bosco分開之後都有拍拖，而家亦都有追求者。女仔人家，杏兒有拖拍自然想公告天下啦，保持神秘都好嘅，高調嘅後果，睇吓個EX就知。
不過咁，從張相嘅角度睇，自拍定搵人拍都有點兒那個，究竟點影嘅呢？真係一個謎團。