繼重推送中後，蔣麗芸又出醜，元老點評?

電騙男

豬隊友


查看相片



面書唔易玩，尤其是呢啲敏感時刻。

唔知老細咩顏色就出post抽水固然會出事，
另一種錯誤係……唔記得轉account。

話說九龍西立法會議員蔣麗芸，喺自己嘅facebook專頁出圖，
話喺近期嘅示威當中，有個外國人經常出現仲指手劃腳，
思疑人地係「外國勢力」喺現場做指揮。

其實事後都有人發現，呢名洋人係居港多年嘅網路紅人Hong Kong Hermit，
向來都有去示威遊行拍吓嘢開直播，有過萬人追蹤佢個twitter。
至於被指係「喺現場做指揮」嘅動作，
佢就話係……搲肚腩。
查看相片



呢個point已經夠有趣，亦惹來唔少網友嘲笑，估唔到喺留言位置，見到蔣議員留言︰
為什麼Ann姐發放了這位外國人的短片，招來咁多網民為他掩飾，真是欲蓋彌彰！

Ann姐即是蔣議員嘅「暱稱」，點解有個咁有趣嘅留言？
原因不外呢2個︰
1，面書管理員唔記得轉account，用咗蔣議員帳戶扮第三者留言；
2，面書管理員想用返Ann姐account留言「導正風向」，但係唔記得加返句提醒，
係管理員留言，唔係Ann姐自己留嘅。
仲有個死罪︰
出咗事咁耐都唔刪留言，究竟係坦白定警覺性低？我分唔清了～～

呢單嘢令唔少網友諗起「Kelly話得我好啱」嘅潮文，
即係有個毒L喺自己facebook同分身account嘅「女友」互相留言打情罵悄，
結果其中一句唔記得轉account，被人發現係自說自話。
查看相片
唉呀，乜咁唔小心呀，要唔要搵Kelly鬧下你？

電騙男

阿爺強項︰乜撚野都係外國勢力

電騙男

共X主義本身就係外國勢力