[愛情診療室] 我重應唔應該等??

elvisfong2003

我鐘意左呢個女仔3年,3年前我係夜校度識佢,佢好好人,讀書好叻,好關心我,慢慢我鐘意左佢,我有諗過好唔好同佢講,身邊好多人都叫我唔好咁,怕如果有咩事就連朋友都無得做,但唔知點解我好有勇氣咁同佢講,當然,最後既結果都係比佢拒絕,幸好呢個女仔無嬲到我,我地仍然係好好既朋友,但我心仍然好鐘意佢,唔止想做朋友咁簡單!但我明知呢個女仔唔鐘意我,我亦都配佢唔起,因為佢好快就係大學生,我呢?不過係個ive學生,但我可以點??每次我見佢同另外一d男仔玩既時候我就有d酸溜溜的感覺,特別係佢有一個男仔朋友同佢好熟,而且好多話題,咩到可以講到一餐,我除左電腦之外,就咩都唔識,我地就好似活係唔同既世界入面咁!我好想我就係個男仔朋友!但我知道幾時都唔輪到我,無論我點進步,我同佢都好似有好大距離!我重應唔應該等??

boston6a

咁你就應該努力啦
學多d野 望遠d
冇野叻 點會有女仔鍾意

kalos

Bro, 就算你就係個男仔朋友又點? 你咪又係有d酸溜溜既感覺...
我諗你應該讀好d書, 有返d一技之長先再說la...
Feeling d 野好難講ga... 老實d講, 有就有, 無就無. 幾耐心等待都無用...
為自己未來打算下la~ Good luck my fd~

Legendrick

死勒  你咁似我既!

specificness

Originally posted by elvisfong2003 at 2007-8-17 10:57 PM:
……我亦都配佢唔起,因為佢好快就係大學生,我呢?不過係個ive學生,但我可以點??...

呢種態度本身就好唔應該。你係ive學生等如沒有資格跟大學生談戀愛？等如大學生不會接受你？你這樣一就是為自己找借口，一就是為她找借口。如果你是為她找借口的話，你是覺得她除了你的學歷以外再沒有拒絕你的理由，她既拒絕你，除了表示她沒眼光之外，只好認為她是為你的學歷。如果你是為自己找借口的話，就是你不願意面對自己的不足，如好委過於學歷。她可能有足夠的理由拒絕你，但那不應是因為學歷的距離；若是的話，這個人不要也罷。與其只想「做她的男朋友」，不如想想她真正需要的是甚麼，作為一個愛她的人，甚麼才會讓她最好過。如果自己是配合這些條件的，當仁不讓，就去讓她知道你有多適合她，告訴她你怎樣去給她幸福；如果自問條件不足，那就放過她、也放過自己罷！因為這樣做，不但對你自己好，令自己好過些，而且也是真正的為她好，令她好過些……這才是一個愛她的人的做法。「重應唔應該等」這個問題的答案，就在你檢討過以上的考慮後，就自自然然的浮現了。

希望幫到你。

elvisfong2003

Originally posted by Legendrick at 2007-8-18 02:09 AM:
死勒  你咁似我既!

你講下你既情況我知

自由神

籍口，你完全係幫個女仔搵籍口
你所嫉妒既果個男仔係咪大學生？
唔係既話，你知道學歷呢個唔係原因啦
係既話，我話俾你知，學歷都唔係主要原因
其它原因你知唔知？
你至少知道其中一個
你同佢話題少囉。

你問我地你應唔應該等？
等咩？等你升大學？
根本個理由就唔o岩
佢有講過你升大學既話，佢同你一齊咩？
佢有講過，只要你成就好過佢，佢就即刻愛上你咩？

elvisfong2003

嫉妒既果個男仔唔係大學生,不過同呢個女仔好熟,識左好耐,好信佢

coolbbowen134

其實人地唔受你''你就唔好再去等''因為我同你一樣''倒頭來我等左4年''我先知道我唔應該再等落去!

kuru

等就唔好等喇, 當係將來既回億咪算囉,
唔係好覺你嫉妒, 反而覺得有少少自卑多d,
時間係最好既解決方法, 3年唔得咪4年,5年
總有一年會淡左架lu~