|
- 帖子
- 40777
- 精華
- 5
- 威望
- 18931
- 魅力
- 1745
- 讚好
- 0
|
137028#
發表於 2011-7-25 10:08 PM
| 只看該作者
好! 終於都食完海鮮返嚟喇........
點解食咁耐? 多謝呀Ruby 姐咯.
嗰日話去食海鮮, 佢好呀好呀完之後, 我就繼續上網啦, 佢就出咗廳, 諗住佢都係扮吓呀差做吓瑜珈甚至乎打吓六通拳啫, 點知........
到咗第二朝, 10點.
我呢頭跑完步, 身水身汗諗住沖個涼, 一入房就聽到浴室有水聲.
咦? 佢咁早起身嘅? 不嬲都係我返嚟叫醒佢咖
咁我於是就出廳個浴室沖啦, 沖沖吓隻雄霸就踢門入嚟喇.
"老公做乜你唔入嚟同我一齊沖呀? "
"我shower 之嘛, 妳泡泡浴我就梗係唔同妳玩啦~ "
"咁你沖完未呀? 沖完我地差唔多出門口喇"
"出門口? 喂妳咪打開度浴門先得咖!!! " (我真係唔明, 佢每次同我講嘢都要打開度浴門, 講嘢用口講用耳聽之嘛!!!!)
呢個時侯我發現佢已經裝好身, 隨時行得咁款.
一路換衫一路問佢, 佢都係笑咪咪咁講: 祕密
到出門口嘅時侯, 見佢唔孭平時嘅小手袋, 孭個大手袋, 心感不妙.
"喂! 妳老老實實講想去邊? 如果係要去機場嘅話我要執嘢咖!"
"我幫你執埋喇, 快d 行啦~"
"吓? 執埋? 喂......"
我直情係比佢推出門口嘅.
一落樓, 的士站
不出所料, 真係去機場.
"呀大帝, 無啦啦妳又想去邊呀? "
"我地去食海鮮吖嘛~ "
"食seafood 唔駛去機場吓話?"
"呀邊個邊個話有度d 海鮮好好食咖~ "
"咁呀邊個邊個有無話叫妳徵求家長同意先呀??? "
結果............5個鐘頭後, 本來諗住舒舒服服留喺香港嘅我, 去咗泰國.
本來去西貢, 結果去咗市隆, 芭堤雅嘅海鮮市場.....
呀Ruby 姐死唔蝕, 就梗係"順便"留多幾日啦.
食海鮮都食咗兩日, 最後仲有人皮膚敏感添........真係淒慘, 因為最後搵醫生嘅又係我!
不過話時話, 無過泰國都有幾年, 依家連芭堤雅都成個曼谷咁, 睇嚟呢個地方都會越嚟越被污染.
囡囡嘅質素有上揚嘅趨勢, 不過都係嗰句, 我老婆靚d....... (呢句絕對係被迫講嘅!!!) |
|
禾害羞添
發表於 2011-7-25 03:04 PM
| 
