<<新主題 | 舊主題>>
娛樂滿紛 26FUN » 戀愛起義 » 戀愛版 Live Chat ~~ 得閒可以隨時入黎傾計!
返回列表 回復 發帖
本帖最後由 ThomasKoon 於 2016-12-15 01:02 AM 編輯

今日覺得佢好似唔多理我咁,所以唔覺意發咗佢脾氣....搞到佢嬲咗我....收工whatsapp佢,佢話我無啦啦發咁大脾氣,好辛苦...問我係咪連最後2日都想見,如果係嘅佢會請假.....我同佢講,我唔開心,係因為覺得佢唔理我...因為佢對我好重要,只有重要嘅人,至會影響到我嘅心情....佢叫我唔好諗咁多,咁樣佢會好大壓力...我同佢講,我明白同佢唔會有啲乜嘢,我只係當佢係朋友,但佢一定會係對我最重要嘅朋友......佢話好多謝我對佢咁好,亦好開心識到我呢個朋友....

隔咗一陣之後,我whatsapp佢,同佢講雖然見埋嚟緊呢2日之後,唔知仲有冇機會再見,但我真係好想同佢做一世嘅朋友....

我仲同佢講,將來佢嫁嗰陣,希望我有幸可以見到.....佢笑住話如果有人要一定話我知....
尋晚嘅對話仲有下文.....
我同佢講開佢將來嫁嗰樣嘢,佢話有人要我一定話你知,我話你已經有啦,佢話係講有人娶嗰種,我話你係個好女仔,一定大把人爭,佢回我“你唔好諗得我咁好,我好煩㗎”,我話鍾意你就唔怕俾你煩,佢回個emoji俾我

之後我同佢講,我想同佢可以keep到一世,又或者如果佢唔介意,佢當我阿哥都冇所謂.....(之前我每次“哦”佢,佢都話我老豆上身,我話我大你10年㗎喳,阿哥得唔得,佢話我阿哥唔會理我,所以係老豆.........)所以我同佢講,可唔可以做阿哥,唔做老豆.....佢話多個阿哥都唔錯吖,但你唔好再成日哦我,我話佢而家叻喇,話你兩句就話返我轉頭....佢喺度笑.....


今日返工見面,冇乜特別,好似平時咁傾計,如果時間可以停喺呢一刻,就好啦.....

不過諗起星期六,會係見佢嘅最後1日,真係好唔捨得....
本帖最後由 ThomasKoon 於 2016-12-17 09:21 PM 編輯

終於都同佢講咗bye bye.....任何形容詞,都形容唔到我有幾唔捨得佢.........
呢個世界,原來真係細得好誇張....
話說我個妹佢今日同個fd,2條女搭機去上海,再轉去哈爾濱,咁我自己未去過,就諗住喺whatsapp啲group度,問下有冇fd去過啦.....咁其中有1個group, 成班仔其實係打某隻手遊識嘅.....當中有2個都去過,仲俾咗啲意見,同埋有個仲俾埋一個喺當地從事導遊嘅朋友嘅聯絡電話,話有需要可以提供協助....

咁好啦,講下講下,我就俾咗張相班fd睇....唔睇好地地,一睇就嚟喇...首先有個fd問我,佢係咪有個家姐,仲問我佢係咪讀緊U..我問佢點解咁問,佢話唔肯定,但可能係識嘅.....之後另一個fd直頭私人whatsapp我,問我個妹係咪喺邊度邊度做過嘢,同埋喺某間U讀緊書....原來呢2個fd都識得我呢個掛名阿妹,之前做過同事......仲要已經識咗幾年....

之後我同呢個fd, 圍繞住我阿妹嘅事,喺whatsapp傾咗2粒鐘.....我好多年冇試過同男仔fd傾計傾2個鐘.....
本帖最後由 ThomasKoon 於 2016-12-19 12:02 PM 編輯

尋晚同個fd傾計嗰陣,講下講下,佢問我其實係咪未死心,仲話男未婚女未嫁,其實冇嘢係冇可能......當時我好肯定咁答佢“唔係”,但佢話感覺我係.....我同個fd講:我同佢嘅緣份,最多只係而家咁樣“有緣相識,同埋有兄妹嘅名份”,其他嘢唔可能有,而且你(我個fd)都識講,覺得佢同男朋友係打風都唔打甩,我亦都唔想佢有咩壓力,而且搞咁多嘢盞兄妹都冇得做,所以我至斬攬,將對佢嘅愛,由男女感情嗰種,變做阿哥錫阿妹嗰隻,咁佢仲舒服,對大家都好.....之後我個fd話“都啱 gei, 既然決定咗,就乜都唔好諗”.....


其實之後我都有認真諗過呢個問題.....我問自己,其實想點.....最後俾自己嘅答案:我只係想見到佢開心,知道有個愛佢、可以令佢幸福嘅人喺身邊,我呢個做阿哥嘅,已經足夠....
下晝同個fd whatsapp, 本來係講緊買聖衣神話figure, 咁我打算入神射手+神獅子,個fd問我點解,我話射手係本命,當然必買,另外獅子亦都冇理由唔買。佢串我“冇理由唔買?都話你有嘢㗎啦”。我當然知我個fd暗示乜,因為我契妹係獅子座,所以佢覺得我因為咁而想入手..咁其實我想入神獅嘅原因,係因為射手座同獅子座係兄弟(有睇聖鬥士星矢嘅師兄就會明),所以我覺得應該買晒2兄弟...(去到呢度,當然又再講起佢啦.....)
我:話買隻公仔啫,又關佢事....
fd:你問自己啦...
我:有又好冇又好啦,總之而家咁樣,一定係對大家都最好
Fd:咁你覺得佢對你點吖
我:咪咁囉,但一定唔係愛
Fd:兩睇啦
我:何解
Fd:如果你覺得自己比任何一個人都對佢更加好,咁佢真正嘅幸福喺邊,仲係未知數
我:咁講啦...第1,我知佢真係好愛佢男朋友。第2,我同佢係2個世界嘅人,最重要都係嗰個問題,我同佢只係幾個月,根本同佢男朋友冇得比....
Fd:第2點唔明
我:簡單啲講,我襯佢唔起
Fd:佢有咩咁高不可攀
我:我唔會比到幸福佢,keep住而家咁,都仲可以關心下佢,所以我唔想搞咁多嘢,佢開心就OK.......
Fd:如果真係決定默默支持佢,咁就算啦,用時間去沖淡一切
我:咁你明點解我放棄啦.....搞到兄妹都冇得做,我仲傷心.....我諗咗好耐,呢個係最好嘅解決辦法.....所以點解我冇表白過,但佢feel到,咁唯有認...但當然啦,選擇咗做佢阿哥,就有好多嘢都唔講得....
Fd:都話你有嘢㗎啦....你咁樣自己辛苦..
我:為咗佢值得....要完滿解決,最好就係我自己一個人辛苦...
Fd:唉...
下晝同個fd whatsapp, 本來係講緊買聖衣神話figure, 咁我打算入神射手+神獅子,個fd問我點解,我話射手係本命,當然必買,另外獅子亦都冇理由唔買。佢串我“冇理由唔買?都話你有嘢㗎啦”。我當然知我個fd暗示乜,因 ...
ThomasKoon 發表於 2016-12-19 11:03 PM
so sad ar brother
上星期日晚,同佢whatsapp嗰陣,知佢又唔舒服(我話又,係因為佢真係成日都病).....咁我問過朋友,話女仔嘅體質普遍係較容易唔舒服,如果係小病,問題都唔太大,不過如果想調理身體,可以試中藥...咁我星期一朝早就whatsapp佢,提議佢考慮試下中藥啦,順便問下佢好啲未啦,點知我個msg係早上8點幾起身send俾佢,但佢到星期二下晝,都竟然冇睇(期間佢係上線過)..咁我到夜晚,突然有個想法,就係佢已經唔再需要我呢個“阿哥”,咁我到夜晚,決定send whatsapp同佢講拜拜,而且唔會再“哦”佢...我send完俾佢,就冇再理whatsapp....佢10分鐘之後覆msg俾我,但我冇理..呢個時間係大約星期二晚上11點半...佢嘅msg我一直堅持唔睇...因為我知道睇咗,好可能會忍唔住搵返佢....
1

評分次數

整整1個星期,都忍住唔睇佢嘅msg, 更加唔好講覆佢,點知有啲嘢原來係冇得避....
咁我而家返荃灣啦,星期一因為要攞貨去咗沙田,點知喺商場同佢撞到正....禮貌上都傾咗一陣,但工作在身,都唔可以傾咁耐,於是約咗夜晚whatsapp再講.....

當晚whatsapp傾咗1個鐘,大家好似之前咁傾偈.....我仲好鐘意佢,但我自己嘅感覺同之前好唔同...
1

評分次數

無計喎,你放唔低。雖然你地好有緣。但年齡問題嗎?
返回列表 回復 發帖
<<新主題 | 舊主題>>
娛樂滿紛 26FUN » 戀愛起義 » 戀愛版 Live Chat ~~ 得閒可以隨時入黎傾計!

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。