[旅遊區] [自助遊火車之旅]-北京-聖誕老人村,外蒙古段 火車, 蒙古

DB-Bahn

前篇:
北京-二連浩特,中國段
http://www.26fun.com/bbs/thread-214297-1-1.html

---------------------------------------------------------
Part 1

[K3列車第10站-外蒙古扎門鳥德火車站---K3列車每周三2340到達/周四0120發車]

*外蒙古的時差與中國相同, 不過列車實際是不依時間表過關(同我地直通車一樣~)

----------------------------------------------------------
駛過中蒙邊景的牌方後, 列車就駛入火車站月台
在火車站月台每卡位置都有蒙古士兵站崗,
所以小弟都唔敢亂落車影相

外蒙古海關及邊防人員會上車檢查及收Passport...

之後列車在二連換走餐卡位置分開列車
再挾入蒙古餐車及2卡卧卡.

最後邊防人員派番Passport/回鄉咭後就開車...
----------------------------------------------------------------------------------------------

[K3列車第11站-賽音山达(Sain-Shanda)火車站K3列車每周四0451到達/周四0511發車]

....但因半夜時份無相zz_zz

DB-Bahn

[外蒙古喬伊爾(Choyr)火車站---K3列車每周四0844到達/0904發車

------------------------------------------------------------------

列車第2天早上已在外蒙古沙漠慢速前進,這因為外蒙古鐵道仍是蘇共所建既舊規格線路,
加上鐵道全線是單軌, 及一定要停無名中途站待對向列車埋站後才北上....
故列車只能以約60-80KM/H得駛....所以列車貫穿外蒙古都要一整天時間


在早上第一停站喬伊爾(Choyr)火車站, 有20min可自由出站觀光該鎮

....不過人影都無, 好有西部牛仔feel ]

列車離開喬伊爾火車站不久係沙漠行行下突然由晴天變風雪...


下一站
K3列車第13停車站......烏蘭巴托火車站

DB-Bahn

[外蒙古烏蘭巴托火車站---K3列車每周四1320到達/1350發車]
--------------------------------------------------------
係外蒙古, 不論路軌, 火車車頭, 車卡...全部都係前蘇聯規格/車型,

可能路軌仲係用木枕, 加上整體設施十分落後, 所以
列車係蒙古境內行駛速度十分慢, 極速應該連80都無~

不過論到首都烏蘭巴托火車站就真係連我都估唔到有免費Wi-Fi上網
....香港唔知幾時先做到

另外因烏蘭巴托-北京的直達火車計埋K3/K4每周只有2對,
加上近年俄羅斯封殺中国人在俄經營民間生意, 打擊一向用此列車"荷運"既走私客,

所以k3/k4列車一般只有烏蘭巴托-北京呢段塞爆客, 猶其一些去中國順道去外蒙的歐美遊客.
故列車在此站都落了大部乘客, 只有少數蒙古人上車.
另蒙鐵每周仲有一班列車由烏蘭巴托<>莫斯料, 大家有興趣可去做下成吉思汗 (不過要中方乘務員就要留7天等下班k3!! )

.....講回烏蘭巴托真系汽車聯合國 ，
美國車同蘇聯車同一時間出現，又有韓國日本車，歐洲車都有 。

vbvb

有時間 有錢 有機會 去玩玩

DB-Bahn

[蒙古宗哈拉(Zonhala)火車站---K3列車每周四1645到達/1705發車]
------------------------------------------------------------------
.....同房位蒙古女孩係烏蘭巴托落了車....之後到莫斯科我就一直獨佔間包廂...正
我個卡RW19祗係落淨我同隔離房對由新加坡出發用"全陸路方式回家"的英國情侶.

另外在該站上了對似係俄國(西伯利亞地區)的官員夫婦...
佢地有蒙古官員送上車之餘仲趁開車前係客車內開香濱歡送...


K3列車去到宗哈拉火車站剛好正日落西山

每當列車停站時, 乘務員都會把客車取暖系统燒淨的炭渣及收集的乘客垃圾掉在
月台廢紙箱, 不過去到呢個火車站就出現一群拾荒者向乘務員取走呢d垃圾袋,
有乘務員表示整袋都係炭渣, 但拾荒者同樣都唔放過.....
似呼向中國邊境與向俄羅斯邊境的蒙古地區生活水平都有不少分別~:

DB-Bahn

[蒙古達爾汗(Darhan)火車站---K3列車每周四1915到達/1920發車]
--------------------------------------------------

離開宗哈拉後就到晚餐時間, 因為蒙古餐卡只係營業至2000
不過蒙古餐卡的餐牌只有俄文, 蒙古文, 結果同厨房設"Meal...Cow...with Rice..coke"就嚟咗下圖碟野
由於餐牌只有蒙古幣價, d staff就用計算機轉番人仔價俾我睇....盛惠$48~
不過呢碟正宗"蒙牛飯"都ok, d牛扒夠"淋"又有肉汁, 唔差過香港d西餐廳~...

講番達爾汗(Darhan)火車站, 大家會留意站牌是"AapXaH",
其實進入蒙古扎門鳥德火車站後的站牌名只有俄文格式為主,
蒙古文為副, 唔會再有中文顯示~

DB-Bahn

[蒙古邊境蘇赫巴托(Suha-Bator)火車站---K3列車每周四2050到達/2305發車]

K3列車篇文終於去到蒙俄邊境....不過離莫斯科仲有N個火車站要停  ....

列車去到蘇赫巴托(Suha-Bator)火車站就進行脫卡程序及出境手續,
K3列車再次拉成2節, 拉走中间的蒙古餐卡及臥卡;

而蒙古海關及邊防人員會又上車檢查及收Passport及在
扎門鳥德火車站的入境報關文件/Arrive Card....

完成所有手續後, 海關,邊防人員及駐站士兵係月台就向正離開的K3列車"立正"揮手道別
之後列車就離開蘇赫巴托火車站, 繼續由蒙古柴頭拉往俄羅斯既多卓尔內火車站,
不過就係呢程由中國時區轉為莫斯科時區的"時光倒流"車程中,....
係我卡車內發生了"突發事件", K3列車要一度緊急停車, 仲機乎要"倒後反回蘇赫巴托火車站~! ,
詳情會在下站分解........[待續-本篇END]


下篇-北京-聖誕老人村,沙俄/滿清古邊界----貝加爾湖段

列車會以既莫斯科時間發車預定, 列車前往..
K3列車第17/18站-俄羅斯多卓尔內(Dozorne)及納鳥什基(Naushki)火車站
因氣氛緊張理由K3列車篇將會"飛站"至納鳥什基(Naushki)火車

DB-Bahn

本篇[完], 板友請看下篇..
沙俄滿清古邊界-貝加爾湖段

沙俄滿清古邊界-貝加爾湖段