<<新主題 | 舊主題>>
娛樂滿紛 26FUN » 影音數碼講 » Plasma vs LCD
返回列表 回復 發帖

Plasma vs LCD

其實兩隻機技術唔同,各有優劣:
Plasma既優點:高對比、色彩豐富、反應快、黑位實、可視角度廣、大size價錢平。
LDC既優點:亮度高、解像度高、size多、唔會反光、省電、壽命長,唔會燒印。

不過隨著兩者技術不斷改進,e家都有省電過LCD既plasma,Full HD既plasma,同時亦好少機會燒印;亦有高對比同高色彩既既LCD同反應時間亦有改善。

回應返你,睇動作就應該係Plasma好d,因為反應快;
睇風景(靜止畫面)就應該LCD好d,解像度高同面畫穩定;
一般黎講就應該plasma熱d,不過都唔駛太擔心,因為新機用電量都低左。
而點解多左LCD少左Plasma呢,我諗最大原因係plasma最細都37吋,仲要得一款,42吋或以上為主,而香港地少人多啦,其實最多人買既就係32-37吋,擺房可能放26吋或以下添,咁42吋既plasma自然少左啦,同埋LCD大size又越黎越平喎,咁細size就LCD玩哂,大size又一半一半,自然係LCD多d啦。
再講講市場,台灣係有LCD panel廠既,但plasma panel就大多來自日韓,咁祖國牌子就更加會出LCD多啦!

你問我,我話兩隻都靚,睇你鍾意睇邊鍾感覺,同埋睇乜野brand乜野款,好多人話LCD一定會取代plasma我就唔多認同,好多plasma既優點都係LCD未追到既,同時plasma既死証都開始改善,同時好似pioneer、hitachi、panasonic都主力出緊plasma,pioneer直頭唔出LCD添,難不成佢會執笠,我話一定唔會!
以我個人黎計,我鍾意大size,以同樣size黎計買部頂級既plasma一定抵過LCD,同埋我都鍾意睇plasma既畫面,只要做好唔反光就得喇。

最後,我決定買部Pioneer 42" Plasma, 13,700 包埋一個80GB DVD Recorder
返回列表 回復 發帖
<<新主題 | 舊主題>>
娛樂滿紛 26FUN » 影音數碼講 » Plasma vs LCD

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。