<<新主題 | 舊主題>>
娛樂滿紛 26FUN » Sports討論版 » 09/10年度最神奇領隊投票
返回列表 回復 發帖

09/10年度最神奇領隊投票

單選投票, 共有 7 人參與投票







您所在的用戶組沒有投票權限
本帖最後由 amigofans 於 2010-4-30 01:57 PM 編輯

好不容易各大聯賽一季又到尾聲, 今季主流強隊未見突出, 反而各大聯賽既次級勁旅通通升lv發威...不少被看淡既球隊, 靠著領隊既神奇領導下發光發熱, 以下6位領隊係咪大家心水? 定有咩補充?



雲尼亞里 (羅馬)

於今年9月接替被炒既史巴利提, 係佢帶領下羅馬成績穩步上揚, 成為威脅一隊獨大既國米之唯一對手,
並且殺入意大利杯決賽, 當中作客殺敗舊東家祖雲達斯, 算係替佢自己爭番一口氣...




摩連奴 (國際米蘭)

唔洗多講, 呢位言論出位既牙擦教練永遠係香港球迷既寵兒, 但佢唔係得把口, 今季歐聯, 意大利杯皆殺入決賽,
加上聯賽仍然坐係Driver Seat, 以佢能殺敗巴塞既功力, 今季國米3冠絕非天方夜譚...




鶴臣 (富咸)

相信如果季初同大家講, 富咸會殺入歐霸決賽, 一定會被人恥笑, 曾經何時創下歐洲最差作客成績既富咸,
係佢領導下, 由一支護級分子, 變成可以殺敗曼聯, 利物浦, 祖記等傳統勁旅既巨人殺手...





麥卡倫 (川迪)

貴為英格蘭上最差領隊既佢, 繼當年帶米度士堡贏到聯賽杯後, 重彈舊調將川迪推到荷甲冠軍既主動位置,
係餘下一場只要作客贏到NAC, 就會為川迪自1926年黎首次聯賽冠軍...




哈利列納 (熱刺)

大器晚成, 絕對可以用黎形容哈利列納, 由韋斯咸青年軍到之後佢既一眾收購, 足以顯出佢非凡既相人能力,
今屆熱刺又再穩步上揚, 當中主場分別殺敗阿仙奴及車路士, 表現令人咋舌, 餘下3場只要再贏一場, 歐聯入場券就已經手到拿來...




雲高爾 (拜仁)

情況如鶴臣既富咸一樣, 季初會有幾多人睇好拜仁可以入決賽? 除左國米, 拜仁亦係另一支3冠既叫糊球隊,
係歐洲打滾多年既雲高爾, 藉著豐富經驗今季歐聯多場傑作, 漸將拜仁推番上歐洲一線頂峰...


以上咁多人, 當然係富咸果個堅la!  國米, 羅馬, 拜仁, 實力有返咁上下, 成績好唔會係驚喜, 至於麥卡倫, 幾有料大家都知, 只係荷蘭波水準低d 佢至發倒圍, 其實列納都係一個好領隊, 但要揀最好, 真係唔夠學神好, 正如皮旦王所講, 蔗渣ge價錢, 燒鵝ge味道!
返回列表 回復 發帖
<<新主題 | 舊主題>>
娛樂滿紛 26FUN » Sports討論版 » 09/10年度最神奇領隊投票

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。