<<新主題 | 舊主題>>
娛樂滿紛 26FUN » 潮人特搜 » 哈利波特落戶大阪 亞洲麻瓜朝聖
返回列表 回復 發帖

哈利波特落戶大阪 亞洲麻瓜朝聖

哈利波特瘋魔全球,想親身感受魔法世界,就要去美國。但係七月第二個「哈利波特魔法世界」喺大阪影城開幕,對亞洲麻瓜嚟講簡直係一大喜訊!

大阪呢個哈利波特魔法世界耗時4年興建,耗資約34億,當然哈利波特電影中嘅場景都會一一重現。場內有機動遊戲、特色商店、餐廳等…經過肖像室之後,就嚟到校長室!終於見到三位主角:哈利仔、榮恩同妙麗,但“噓”一聲又唔見咗,見識到隱形斗篷嘅厲害!

終於到戲肉,4個人一架過山車卡,特點是吊腳式打橫行面向螢幕,配合4K高清影像技術,就好似身處影像中與哈利仔一起經歷整個小說系列的重要場口。

玩完機動遊戲,可以去活米村掃紀念品。想試吓魔法校園學生最鍾意嘅柏蒂全口味豆同朱古力蛙,就要去色彩繽紛嘅「蜂蜜公爵」。行到攰可以去「三根掃帚餐廳」食嘢,或者喺車仔檔買奶油啤酒,一邊飲一邊可以喺廣場欣賞青蛙合唱團表演,記得等到入夜欣賞埋城堡及活米村的夜景先走呀。

日本環球影城
地址:大阪府大阪市此花區櫻島2丁目1番33號
電話:(+81)5-7020-0660
網址:http://www.usj.co.jp/hk/harrypotter
注意:哈利波特園區每日限6,000人進場,額滿至止。
鳴謝:日航天地旅遊、日本環球影城

http://hk.apple.nextmedia.com/supplement/travel/art/20140728/18813662
返回列表 回復 發帖
<<新主題 | 舊主題>>
娛樂滿紛 26FUN » 潮人特搜 » 哈利波特落戶大阪 亞洲麻瓜朝聖

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。