<<新主題 | 舊主題>>
娛樂滿紛 26FUN» 測試區 » AIO2014tp2019 » 方力申股災勁蝕百萬「狂喊」
返回列表 回復 發帖

方力申股災勁蝕百萬「狂喊」

女仲高過男   

【太陽報專訊】恒生指數昨日猴年首個交易日大瀉,收市報18,545點,大跌742點,星級股民人心惶惶!方力申大呻帳面蒸發逾百萬元,損失一大筆「老婆本」,更直言:「傷心流淚!」至於莊思敏繼去年股災帳面蒸發七位數後,今次再蒸發廿萬,蝕完再蝕,拍戲時不禁「爆喊」!
昨日是大年初四,在喜氣洋洋的氣氛下,恒生指數卻急挫!今次股災令歌手方力申蝕入肉,帳面蒸發逾百萬元,昨日接受本報訪問時說:「損失咗七位數,我真係冇眼睇!我直情傷心流淚,但冇辦法,冇人會估到,我惟有繼續努力工作搵錢,暫時唔買股票啦!」
小方與女友鄧麗欣(Stephy)拍拖十年,惟遲遲未結婚,今次股災恐怕令小方損失大筆「老婆本」,婚期分分鐘要再Delay!小方又叮囑大家一定要忍手,切忌趁低吸納:「千祈唔好撈底,唔知個底係點,切忌撈底,等個市好番啲先買!」
陳庭欣唔再入貨
至於去年因股災影響,帳面蒸發七位數的莊思敏(Jacquelin),受過教訓後,一直未敢輕舉妄動。不過今次股災也令她帳面又蒸發近廿萬,昨日受訪時說:「之前買落嗰啲繼續跌咗啲,擺喺度唔郁咋!我持有四隻以上嘅股,帳面蒸發咗廿萬,但唔會放。我持有嘅都係細價炒股,早已中招,所以今朝見到個市跌到咁都冇乜反應。」不過蝕完又蝕,令她要靠拍喊戲澆愁:「今日咁啱開工拍喊戲,喊完出嚟舒服晒!」
原來Jacquelin常與好友陳庭欣(Toby)交流投資心得,Toby堅信「淡定有錢剩」,昨日她受訪時說:「有五位數股票,今年唔係猴年,係蟹年,由得佢擺吓。我都慣晒喇!我對於後市非常樂觀,由佢擺吓都有息收。我唔會再入貨喇!之前莊思敏同莊思明教路溝貨,趁低吸納,依家都唔會再喺佢哋面前講股票。」
朱慧敏有信心回升
而穩陣派的朱慧敏今次也難免有損失:「我買大藍籌,好穩陣。今次的確都有跌,帳面上都有蝕,但都有息收。」不過她相信股市會雨過天青:「前一段日子升咗好多,我都有啲斬獲,股市回一回都正常,唔會持續咁升,如果大家有多餘錢,可以分批咁慢慢趁低吸納!我對後市好有信心,唔止香港,全球經濟呢段時間都係低迷,唔會一直低,我好樂觀,我相信個市會先跌後升!」而李思欣則透露老公范振鋒今次有蝕五位數:「佢有玩少少,之前股災都已經跌咗啲又入多少少,諗住蝕少啲,點知都係蝕,前前後後都係五位數左右!」她又表示老公未敢「趁低吸納」,因擔心低處未算低!
0212-00470-001b1.jpg
女人大忌 = 生得醜

男人大忌 = 生得矮
6哥見工大忌 = 樣衰
6哥見工大忌 = 樣衰
地溝男 發表於 2016-2-13 01:25
你見過6哥
返回列表 回復 發帖
<<新主題 | 舊主題>>
娛樂滿紛 26FUN» 測試區 » AIO2014tp2019 » 方力申股災勁蝕百萬「狂喊」

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。