毒男話：唔係女神我唔會要，元老點睇?

電騙男

我身邊有個朋友差唔多三十歲人，淨係拍過一次拖，而嗰次初戀都係puppy love式中學時代拖下手仔，錫都未錫過，純過蒸餾水嘅愛情。然後往後十幾年點解無拍拖？除咗因為佢係一個小毒毒之外，更更更大原因係佢太高要求，想搵個女神般嘅女朋友⋯⋯
我真係唔知佢何以見得覺得呢個世界上係有樣靚身材正性格又好好，重點係仲要咁啱又會鍾意佢嘅女神。有時我好懷疑佢係咪網上裸聊被人綁架咗個腦喺網上世界，唔係點會做咗三十年人都唔化？
有次我好認真同佢講：「不如你降低下要求啦，你個樣同性格都唔差，係毒咗少少，但你肯去追女仔點都一定追到個嘅。」然後佢一臉不屑話我做咩要屈就自己，降低要求先？嗰啲咁易追嘅女仔要嚟都無用啦⋯⋯
正所謂「毒男最忌有自信」。我係好欽佩佢有驚人嘅自信心，同時我都終於明白一個人三十歲都仲未正式拍過拖，並唔係無原因嘅。自此我心裡封咗佢做毒男界嘅白雪公主，因為佢仲可以保持童心相信呢個世界有完美嘅白馬王子。（講漏咗個重點：佢身邊真係有個女神，佢暗戀人地好多年，追都唔敢追）
我唔係話毒男一定配唔起女神，你出街見到幾多靚女拖住個醜男你就知呢個世界真係奇妙處處通。我只係覺得做人最忌太不切實際，將擇偶條件set 到天比高，完全唔諗下自己有咩條件。自己喺度自命清高，高呼單身萬歲唔係女神唔要，其實無人會為你鼓掌，只會令自己錯失一個又一個嘅可能性。

電騙男

元老 = 百毒不侵

迦樓羅女王

2# 電騙男 非冰冰不娶？

電騙男

2# 電騙男 非冰冰不娶？
迦樓羅女王 發表於 2017-6-15 05:54 PM

非雪雪不娶