airport

I grew up with Beyond's rock music~~~~~

lettwan

我都是聽你的歌長大的.

A-Z

Beyond是最好的~

attaboy

1987年大專會堂演唱會〈再見理想〉前言

「咁既時候我講D比較嚴肅D既野，Um，大家都明白到係唔同既時間同埋係呢個成長過程裏便我地都係度不斷咁變，每一個人都需要──去變下嘛？Um，細個我地好多既夢想，但係夢想就比較難實現D既，咁大個D我地(我地)諗到好多既理想去實現，但係理想呢樣野可能係係我地唔同環境裏便我地有唔同既諗法，Um，正如我地樂隊裡便既成員之一遠仔，同我地合作左差不多呢個既三年既時間長，佢有第二D更偉大既理想去做，佢同我地講話要離開我地，我希望遠仔係將來既日子可以得到更大既成就，我地一齊鼓勵佢好冇呀？

Um，OK，有人同我講，我個日落Loundge──好少去 Loundge既我，咁有個人係度唱歌，佢話『呢隻歌我一定要唱』，因為佢話『呢隻歌好可憐同埋好慘所以我要唱。』咁佢唱左隻乜野歌你地知唔知呀？個日唱個隻係夏紹聲既〈交叉點〉。咁我又好同意喎，呀，我覺得人地生活，Um，既日子裏便唔係要人可憐，唔係要話畀人知自己點慘。Um，生活裏便係好多小節都令我地好無奈，咁但係唔需要話畀人聽我地點慘、我地點可憐，個個都係咁過架啦，係咪？但係我好鍾意我地自己呢隻歌，因為我地呢隻歌話畀人聽我地唔係好慘，我地唔係要人可憐，我地只係話畀人聽生活裏便既一點點既無奈──有時都要忍受下架啦！歌名叫做〈再見理想〉......

attaboy

1992 年Beyond Live 1992演唱會〈再見理想〉前言

「咁呀大家覺得好奇怪，通常演唱會都有一D特別嘉賓做助陣．Um，咁Beyond 冇咁既大面子請到特別嘉賓。但係我地好開心好開心，搵黎一大班好特別好特別既嘉賓── 我地今晚既特別嘉賓，就係紅磡體育館裡便全場既觀眾！

Ae......我地Beyond呢幾年間經歷左好多野──從我地冇機會至到有機會，一路咁改變。我地有唔開心有開心既野， 但係都唔緊要，我地Beyond永遠會夾Band夾到的手指唔識彈為止呀，堅持我地支持樂隊既信念．希望大家都同我一樣咁諗法──一隻好舊好舊既歌，呢隻歌講出我地係早年既時間一D玩音樂既感覺──一種孤獨同埋落寞既感覺．但係今日我地再唱番呢隻歌，因為雖然今日有好多歌迷同我地一齊分享我地既音樂會，但係仍然有些事，有D時候我地仍然感到有D落寞同埋孤獨......」

attaboy

1992年商業電台演唱會〈遙望〉前言

「咁跟住落黎呢隻歌呢可能係今日演唱會既最後一隻歌，咁就呢隻歌呢就未試過正式現場唱畀大家聽。咁，唱呢隻歌我地諗起我地係日本錄音既時候既感覺。咁就其實我地走到咁遠錄音，Ａ其實都希望好多──即係為左好多既野 ──希望可以為我地既香港樂壇或者樂隊係出便爭光，可以做Ｄ為呢個香港樂壇有貢獻既野。咁但係數黎數去呢我地點解有咁既衝動或者有咁既勇氣可以走到咁遠去發表我地既音樂，面對外便一Ｄ，Ａ大家都知道好有水準既樂手，或者同埋Ａ一Ｄ好難打入既市場裏便，最重要都係因為我地香港裏便有一班好支持我地既歌迷，我地可以咁大膽去到咁遠同個便既人即係爭一日既長短，完全都係因為我地香港有一班好似你地咁好既歌迷係背後支持我地。成日都有人問我地，真係架，有人問我地：『點解，嘩！你去到咁遠，你怕唔怕啊？個便Ｄ人好勁下嘛？』我真係驚架，我好驚架，其實，即係你知日本仔好利害架。咁樣，Um，有一樣野好感動既就係：我地個時係日本錄緊音個時呢，呀，有好多香港既Fans寄左好多禮物，呀──個Ｄ即係好多手信呀寄畀我地，即係其實我心裏便係度諗緊──所以好多Fans驚我地去左日本唔返黎，其實我地點會唔返黎即，根本我地唔可能....唔捨....根本我地唔捨得你地！最大既問題就係：唔止唔捨得你地，我地能夠可以去到日本發展，或者我地可以有咁既勇氣去到日本發展都係因為你地一路咁支持我地，係咪？所以你地放心，Ａ無論去到幾遠幾遠，最後我地都係番黎呢度既，最後最後我地都係代表香港樂隊。我地既新歌，歌名叫做〈遙望〉......

attaboy

89年〈摩登時代〉

「即係其實我地玩緊一Ｄ好普通既搖滾音樂，只不過宣傳媒介佢地要形容我地既方式變左地下囉。」

90年〈成長９０〉

「我諗呀，如果冇音樂，死架啦我呀──我會死！」

「變節？其實我不嬲都係係度變緊架，下，不過個班話我地變既人佢地唔變之麻。其實最難受係個過渡時期，由所有人形容我地叫做Underground Band即係地下樂隊，到我地上左地面，即係佢地認為我地上左地面，Ａ即係出唱片，即個段時間受左好多批評同埋攻擊。」

93活出彩虹

「懂得尊重個音樂已經好夠，唔需要再明白乜係Jazz乜叫Rock，乜野Style既野。坐低，台上既人好靜去表演既時候，你用番好靜既心去欣賞；台上面既人好激烈既，用番好激烈既反應去面對番佢──咁就已經好夠。唔係一種反應：永遠都係係個台下嗌、叫，咁...咁樣就係影響左──我會覺得：你都唔知係咪聽歌既下！即，我畀唔到感覺你既咩？！」

「我唔想做一個A帶領人去行呢條路岩勒，呢條路岩勒...我地只不過將...呢樣係我地既心聲，我講出黎── 我而家對呢樣野有感覺，我大聲的唱畀大家聽！」

「音樂應該有好多種類，有好多唔同性格既野，好多品種，有好多色彩，有好多唔同感情、唔同文化係裏面既。即係音樂係藝術黎架嘛！包含好多A好虛幻既感覺係裏面──但係香港，頭先我講咁多樣野都冇！」

「即係我覺得每一樣野都係發自內心架囉，要感動人一定要感動到自己先！」

attaboy

「香港，冇樂壇個囉。」
黃家駒 - 1993年〈活出彩虹〉

wer

記得la

abcde1918

Originally posted by wer at 2005-10-23 11:15 AM:
記得la

記得咩??