<<新主題 | 舊主題>>
娛樂滿紛 26FUN » 【飲食區】 » 多利民素食
返回列表 回復 發帖

多利民素食

多利民素食



其實我都叫做一個素食主義者,除咗海鮮,所有係地上走﹑係天上飛嘅動物都唔會食。
舊式齋鋪就真係越嚟越小,新式就一簍簍。
我都係鍾意去啲舊式齋鋪食素多啲。
今次我地去位於大埔嘅多利民素食。
其實多利民都開咗一段時間,以前佢係大埔大光里2號A地下,以前個鋪好細,要坐出行人路到0家。
可能大埔叫做多老人家,又多人信佛,每奉初一十五就一定無位坐。
幾年前就搬咗去大埔寶鄉街43號地下,而家都係初一十五無位坐,不過大家會坐得舒服啲,仲有冷氣嘆下。

內部



多利民有好多嘢食0家,除咗素嘅小菜,仲有客飯。

Menu



我都講過我唔臭米氣,客飯就一定會跟飯。
多利民可以唔嘍飯,就叫做「細餸」,被普通嘅餸細啲,料就一定唔會少。
是日叫咗 2 個細餸:脆皮素乳豬:外層炸脆咗,其實係豆乾。感覺真係好似火腩仔

                                                 脆皮素乳豬

芙蓉蛋:我好鍾意食蛋。呢個芙蓉蛋有芽菜﹑有蘿蔔絲等等,仲有素火腿,同普通嘅芙蓉蛋無咩分別。

芙蓉蛋



佢地嘅客飯係有例湯送0家,例湯就當然都係素湯啦:蕃茄花生眉豆素湯。

蕃茄花生眉豆素湯



一般人認為素湯就好似水咁,其實唔係0家,因為呢個素湯有好多雜豆,好好味0家。
是日客飯是咖哩薯仔素什排:咖哩雖然唔辣,但係好有咖哩味。什排有素豬﹑素雞同藕餅。我推介,佢地個藕餅好好味,正!

咖哩薯仔素什排



2 個細餸加一個客飯都只不過係 $80,平均 $40 一個人,抵食到呢。

2 細餸 1 客飯



多利民素食檔案:
地部:大埔寶鄉街43號地下
電話:2650 8225
My 食評:
環境:8分 (地方乾淨)
味道:8分 (唔用仿肉煮嘅素菜,其實好巧功夫0家)
價錢:8分 (叫咗 3 個餸,份量又 OK 多,如果淨叫 2 個客飯都只不過係 $34 一個人,晚餐叫抵食啦)
方便度:8分 (係舊街市隔離,好易搵)
多利民素食.jpg
內部.jpg
Menu.jpg
咖哩薯仔素什排.jpg
芙蓉蛋.jpg
2 細餸 1 客飯.jpg
脆皮素乳豬.jpg
蕃茄花生眉豆素湯.jpg
Always win win win @.@
素食其實都幾好,對身體有益!
Thanks for sharing
Thanks for sharing
返回列表 回復 發帖
<<新主題 | 舊主題>>
娛樂滿紛 26FUN » 【飲食區】 » 多利民素食

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。