陋巷污水捕捉貓影 《街貓》逆境求存

ellen520

今年書展有關動物嘅書好多，其中一本叫《街貓》，它係香港城市中貓嘅寫照，作者係資深港聞版攝影記者葉漢華。一張張相片，可愛嘅貓咪與髒亂環境成強烈對比，實在令人唔忍心。

葉漢華表示：「早期係咁樣諗住睇吓有咩得意嘢。後尾撞到好多貓啦,咁早期都係影得意……大頭咁樣。開始留意多少少環境，有時佢哋同環境元素都幾得意，有時喺畫面上，有時見到光影啲，呢啲都得意嘅，線條上嘅嘢可能係美學上影相多啲。」

影咗10年街貓，開設了「捕貓捉影」FB專頁，開過展覽今次挑選了170幾張相片，結集成書，附上文字令照片更有真實。葉漢華曾天真咁想，如果人們遇上街貓時，假如睇過佢呢啲相，會唔會記起牠們生活艱難，然後不趕盡殺絕呢？

http://hk.apple.nextmedia.com/supplement/retails/art/20140717/18802581