連詩雅完美演繹港女十式

港燦男

白痴港女上身


一連兩集《跟住矛盾去旅行》完滿結束，當大家以為睇兩代女神係意大利點樣有矛盾，點知變成一個港女真人show。作為人母嘅葉蘊儀被歲月磨練得爐火純青，不時白眼連詩雅嘅港女行為，又遲到、扮cute、唔拎行李、扮ABC，總之港女應有條件，連小姐將佢完美演繹出黎，不過好彩佢係片尾講返句：「我覺得自己唔可以代表時下女仔性格！」以下港女十式你無理由唔識！
攬公仔扮Cute
今年28歲嘅連小姐，話自己每晚都要公仔陪佢瞓，由出發到上機都攬住隻Minion，真係好Q….扮嘢呀你。就算真係要陪瞓公仔，都唔使講到全宇宙都知嘅。
奉旨唔拎行李
佢除咗到機場個下推行李車畀攝製隊影，其餘時間不停玩電話，行李？有人會拎㗎啦！即使拎，都會扮到手無縛雞之力，全程依賴，獨立欠奉。
講過唔算數
出發嗰陣剛巧遇上某德國航空公司罷工，機位勁full，搞到佢哋可能無得坐business，除非佢哋兩位自己轉另一間航空公司。此話一出連小姐，諗都唔諗話其實分開坐無問題呀，雖說唔介意，但道出一句「咁係有得瞓同無得瞓嘅分別囉」，差在未講：「瞓得唔好拍唔到㗎喎 。」仲話自己可以影下飛機花絮，結果呢？「我全程瞓咗，只係影咗上機同落機情況。」分明為求目的不擇手段，講過唔算數囉。
不分輕重
明明之後會stay behind米蘭，大把時間shopping，但拍攝期間有正經事唔做，死都要跑去shopping；另一例子係落車掛住買嘢食唔記得拎喼，不過小編就覺得假假地，因為平時根本唔使佢拎，如果真係唔見個喼，你估佢會唔會立即怪罪於助手Kate姐？！
口裡說不行動卻很誠實
節目前講明唔介意住hostel，咩都無所謂，到真係埋牙就話：「再係咁我就走先」，仲恐嚇mode講：「如果你要我地住八人房，會發生咩事先？」係啦，神級港女明星！
愛名牌
見到兩個喼神就知啦，仲有一見到Rolex同Prada立即衝入去，貪慕虛榮短短兩集有得你睇。
驚驚小昆蟲
劇中有隻蜘蛛爬咗係連小姐衫上，佢立即高八度求救，其實你Fing一fing手，都可以fing走蜘蛛啦，唔使扮驚驚喎。
扮ABC
Well，作為ABC當然要中英夾雜啦，佢全程嘅English都好ABC㗎，but係街頭drawing個陣，有當地人ask佢畫個陣，佢立即口窒窒咁「呀呀呀，Just for Fun」。不特止，佢仲將「朝氣勃勃」同「陽光普照」mix埋做「陽光勃勃」，仲有「面懵心精」變「心精厚面」，well人哋鬼妹仔，Chinese唔好，好Normal 啫！
例遲
節目入面佢兩度遲到，首次係博洛尼亞火車站迷失於朱古力節，由原本20分鐘變成咗兩個鐘，另一次則係迴旋木馬前，要前輩葉蘊儀等佢㖭，港女係例遲，港女明星更加要例遲。
扮大食
唔知點解好多港女人前人後嘅食量都好唔同，連小姐係朱古力節到喪食朱古力、雪糕，比人覺得自己天生麗質食極唔肥，可能佢返到去要節食幾日同做十幾個鐘運動先減到架！btw，佢高八度話「朱古力士多啤梨呀~~~」，好難頂。
By the way你覺得連小姐去到米蘭會點樣處理葉蘊儀送畀佢嘅Minion朱古力？唔知有無人係佛羅倫斯垃圾桶搵到呢？良心當狗肺亦係港女一大絕技！

港燦男

高八度講野最惡頂   

sarmsan

好標準

重口味

又英又中最難頂

港燦男

又英又中最難頂
重口味 發表於 2016-4-28 12:33 PM

床上最標準

sarmsan

典型