|
- 帖子
- 46215
- 精華
- 0
- 威望
- 6
- 魅力
- 59262
- 讚好
- 22
|
1#
發表於 2016-4-29 08:52 AM
| 只看該作者
黎明演唱會中國製造出事
Made in 支那 
【今夜你會不會來】【本報訊】黎明原定昨晚在中環海濱舉行4D演唱會，闊別5年令中外歌迷引頸以待，食環署卻於開騷前約兩小時發稿，宣佈場地設施不符消防安全規定，拒絕發出臨時公眾娛樂場所牌照。黎明宣佈演唱會被迫取消，近4,000歌迷失望而回，有人當場落淚，網民群起譴責食環署「玩嘢」。黎明則解釋事緣中國製造的場地帳篷物料不符英國抗火標準，「是我們的責任！請不要說政府部門不是！」記者：白琳 戴彩煥 盧坤穎
「黎明Leon30th Anniversary Random Love Songs4D in live2016」演唱會原定於昨日至下月7日於中環龍和道海濱活動空間舉行，公開發售票價為980元至2,980元，首場4,500張門票整體售出約八成，粗略估計涉及約600萬港元。演唱會原定晚上8時舉行，6時起安排入場，大批歌迷一早手執閃燈牌等打氣道具到場外等候。
食環署突於下午5時45分發新聞稿，稱署方和相關部門前日及昨日到演唱會現場巡視，但場地設施仍未符合消防安全規定，故不能發出臨時公眾娛樂場所牌照。
黎明6時於fb宣佈昨晚演唱會取消及道歉，「因為消防條例話我哋嘅布料雖然係防火料，但唔係英國認可嘅規條」。黎6時半再現身場外，於正門及側邊鐵絲網位置手執大聲公，宣佈取消昨晚演唱會，並向歌迷道歉，「好對唔住，睇吓點樣安排第2日啦，退飛或者點樣……」。
黎明：唔關食環署事
大批歌迷圍着入口不知所措，現場響起噓聲，也有歌迷大叫「Leon永遠支持你」，更有人失聲痛哭。黎明上一次開演唱會已是5年前，今趟不少從海外和內地等歌迷專程來港捧場，大嘆失望。網上群情洶湧，怒斥食環署安排失當，黎明其後於fb進一步解釋布料是中國製造，與英國認可的不同，強調「唔關食環署事……希望大家明解，總之所有嘢我自己會去面對」。
晚上7時多仍有不少歌迷在場地外逗留不願離開，直到廣播稱黎明已離開現場，部份歌迷才肯離開，人潮至9時半才完全散去。
負責演唱會宣傳的馬天尼娛樂有限公司董事長孫敬安表示，今次是因天氣問題延誤工程，「如果早啲完成咗、食環署早啲check（檢查）到啲料唔啱規格，咁就有時間換番佢、改番佢啦，但係因為天雨問題，今日先check到唔啱，咁咪要停」，若堅持舉辦演唱會，「保險可能全部都唔得，為安全咁不如今日唔開住！」目前他未知承辦商有否足夠合規格防火布以作更換。
退飛安排未曾講
據知情人士透露，今次演唱會只有8天時間準備場地設施，但如此大規模的演唱會最少需時14天，加上天雨進一步延誤，帳篷至周二才架起，其後才搭起舞台等設施，黎明一直缺乏綵排機會，至前晚才在fb上載綵排片段。
主辦單位AMusic表示，已購買門票的觀眾須留意官方fb（http://bit.ly/1T6zBbT），稍後將公佈最新安排，黎明昨晚表示，今午4時公佈晚上會否繼續開騷。大批網民留言譴責食環署「玩嘢」，「我真係好憎食環署，好憎呢個政府……」，又有人揶揄政府為何不像特首行李事件般「特事特辦」，亦有人為政府護航，若帳篷不合規格或易生意外。 |
|
