標題: 又到六四，偽人逐個吊 [打印本頁]

---

作者: 中出男    時間: 2014-5-26 09:49 PM     標題: 又到六四，偽人逐個吊

得罪六四髮線後退



梁朝偉日前接受《 B International》雜誌訪問時，提及六四事件，昨日鄭經翰與司徒華齊聲指摘偉仔。而記者昨日向梁朝偉求證他是否說過這些話時，他只是笑而不語。

梁朝偉近日為宣傳電影《英雄》不斷曝光，新一期南華傳媒出版的英文雜誌《 B International》更以他做封面人物，而偉仔在訪問中提及他在《英》片中的刺客最後沒有刺秦皇，是因為他渴望和平，不想引致天下大亂。該雜誌指偉仔在訪問中提及六四事件，他說：「六四事件期間，我沒有參與任何抗議活動，因為中國政府所做的事是對的－維持穩定，這對每個人都好。」

鄭大班：
證明佢政治不正確！
昨日《南華早報》亦引述了此段訪問，隨即引來頗大迴響，名嘴鄭經翰（鄭大班）和立法會議員司徒華均異口同聲指摘偉仔。鄭大班昨日接受電話訪問時說：「我個人好尊重梁朝偉言論自由，不過好多明星不問政事，六四陣好多演藝界人都有出遊行，但後來都轉晒。如果佢（偉仔）六四陣冇出遊行，咁佢人格始終比轉藝人高尚，起碼佢立場貫徹如一。但佢言論證明佢政治不正確，唔知自己乜。」
鄭大班續說：「我唔明點解佢重要提番呢件陳年傷痕出，因為講咁可能會影響觀眾對佢睇法，而中央亦唔會因為佢咁講就接受佢，我覺得佢冇政治智慧。如果梁朝偉想撈政治本錢，咁佢應該睇多書，了解多事物先。」

司徒華：
佢同周星馳搶生意？
而司徒華昨日接受鄭經翰主持的電台節目《風波裡的茶杯》電話訪問時，談及梁朝偉對六四事件的言論，司徒華表示對梁朝偉認識不深，他說：「我好少睇電影，亦未睇過佢電影，不過間接聽聞佢做無厘頭戲。」主持人聽罷即說：「個係周星馳，唔係梁朝偉。」
司徒華續道：「家佢咪同周星馳搶生意？全世界都有公論啦，佢家為自己電影上映，講呢咁說話，係非常非常之毀壞自己，即使係國內領導人

鍾鎮濤：
每人睇法可以唔同！
不過，作為偉仔好友的鍾鎮濤昨日接受電話訪問時則說：「平時我同偉仔好少討論呢問題，所以唔知佢點諗，呢件事件上，佢可能有自己體會，不過件事過咁耐，無論做得唔都過去，我應該睇目前同以後穩定先係最重要。至於我支唔支持偉仔講，我就覺得每個人睇法都可以唔同。」
此外，梁朝偉前日在上海為《英雄》做完宣傳後，昨日又與張曼玉、章子怡等人前往廣州舉行簽名會，可能偉仔亦知道重提六四事件十分敏感，所以昨日身邊圍大批保安，令欲上前採訪的記者無法埋身，在記者會上又不願談及《英》片以外的任何問題，神情亦不及早前在北京和上海宣傳時風騷。

梁朝偉早前接受本地英文雜誌《 B International》訪問，談及自己在電影《英雄》中的角色殘劍時，指殘劍雖是被派往刺殺秦王的刺客，但因殘劍認為秦王雖是暴君，卻是當時唯一有能力統一天下的人，所以殘劍寧願背負愛人及朋友的期望，最終都沒有殺掉秦王，而秦王終夷平六國稱霸中原，帶來和平。

對每個人都好？
對於電影中殘劍所承受的矛盾和壓力，梁朝偉自言甚有同感，他以六四事件作譬喻說：「（意譯如下）我同意這個信息，例如六四事件期間，我沒有參與任何抗議活動，因為中國政府所做的事是對的－維持穩定，這對每個人都好。」


圖片附件: 新-2.JPG (2014-5-26 09:49 PM, 115.9 KB) / 下載次數 0
http://www.26fun.com/bbs/attachment.php?aid=2666941&k=47062a4dcc5ec8f3972070902d8104ea&t=1763207564&sid=4Ez8SS

---

歡迎光臨 娛樂滿紛 26FUN (http://www.26fun.com/bbs/)

Powered by Discuz! 7.0.0