娛樂滿紛 26FUN - Powered by Discuz! Board

標題: 港女八婆搭錯車，車長教路遭喝收聲，元老點睇? [打印本頁]

作者: 港燦男 時間: 2017-3-14 09:26 AM 標題: 港女八婆搭錯車，車長教路遭喝收聲，元老點睇?

臭西八婆

【filter-170東網專訊】香港被人寵壞的女子都一律被稱作港女，港女無論對象是自己男友、家人甚至陌生人，一不高興，便會亂發脾氣，行徑令人觸目。今日網上流傳一段在巴士上拍攝到的短片，片中收錄巴士車長向一名搭錯車女子解釋及教導其搭車的對話，片中女乘客疑因搭錯車心情欠佳，竟向細心講解的車長亂發脾氣，大喝：「唔駛你教，收聲喇！」結果遭大批網友圍攻，形容是典型港女。

事發是一輛由沙田美林邨開往黃泥頭的82K一輛九巴，據上載短片的網民聲稱事發於今早，當時車長在駕駛途中，一名疑搭錯車的女乘客問：「乜呢架車唔係去沙田火車站？」，車長解釋這路線並不經上址，更在到達總站前一度停車，着女乘客可在此處下車，橫過馬路轉乘另一輛巴士，不過女乘客卻不領情，晦氣叫車長：「開車啦！」

此時車長再解釋所行路線，惟女子似不甘心，質問車長所行路線：「點會咁行㗎，呢邊明明係出去嘛！」似埋怨巴士行駛方向「誤導」了她。此時車長正想建議女乘客可乘車輛，但對方語帶怒氣：「唔駛你教，收聲喇！」車長反駁說：「教你又叫人收聲！」女乘客愈說愈火滾：「係呀，你依家想點，叫你叫聲又唔收聲，依家邊個要你教！」短片在此結束，未知最後結局如何。

看過短片的網民一面倒圍攻這名港女。「車長真係好難做，自己搭錯車仲要鬧人」、「香港人變得咁冷漠就係多得呢班人，司機好心提醒佢，佢就咁樣回應司機。」
【更多即時新聞詳情請上東網新聞】

圖片附件: 58449a20e7b0d92d24fb4f8c358d4f61.jpg (2017-3-14 09:26 AM, 159.6 KB) / 下載次數 0
http://www.26fun.com/bbs/attachment.php?aid=2859839&k=e83ecee08b008715b98b28e27397eb04&t=1714730551&sid=EBySTA

歡迎光臨娛樂滿紛 26FUN (http://www.26fun.com/bbs/)