cwc_tkd

選人真係有少少問題.
特別係唔選奧利古亞, 反而選左保路伊賓尼斯同祖安尼圖呢2個冇咁出名ge後衛.
可能佢地2個打得好好啦今季..但我相信奧利古亞會更適合入選..

中場方面, 我覺得古迪, 恩尼斯達,巴拉查都值得入選, 辛拿唔係西班牙人,唔知佢入選班球迷會點諗呢?? 不過佢今季搭住列基美打得非常好, 以實力計, 值得入選.!!

至於前鋒, 經過02世界盃同04歐國盃後, 會有更多球迷會更認為魯爾ge作用係接近零,連迪比亞路都好過佢~~前鋒選角唔錯,其實可以選埋米士達. 奈何佢今屆踢得唔夠維拿搶眼..

最有隱憂ge係中,前2線. 西班牙前鋒一向都唔係太出眾, 一出去大場合唔係腳軟就水準唔夠..
中場冇左3隻頂級翼(盧基, 維辛迪, 祖阿昆) 前2者傷左大半季, 後者今季表現平平. 令西班牙中場線速度, 技術, 入球能力, 創造力都大減, 唯有希望法比加斯,阿朗素同雷恩斯有意外驚喜, 沙維及時操返起啦.

我相信最好ge陣係4-5-1

                    卡斯拿斯

沙加度（沙治奧拉莫斯）　佩奧爾    馬真拿　佩尼亞

路易斯加西亞(祖亞昆, 入到ge話)  沙維(法比加斯) 艾比達(唯一正宗防中, 一定要用) 沙比阿朗素　       雷恩斯

                  費蘭度托里斯（維拿）

我諗西班牙咁ge人腳, 入到8強都要還神喇,
同埋比我係領隊我唔會用魯爾同犘連迪斯.
希望有咩講錯唔好插

[ Last edited by cwc_tkd on 2006-5-5 at 05:17 PM ]