車仔出蠱惑陰巴塞

車路士同巴塞隆拿於下周四凌晨歐聯十六強碰頭，萬眾期待，莫連奴被指賽前出陰招，將史丹福橋球場變做「薯仔田」，要玩殘打地面進攻為主巴塞。

兩隊上屆歐聯十六強碰頭時，已經搞出好多風風雨雨，今次再度碰頭，巴塞就率先發難狂轟車仔出蠱惑。巴塞隆拿方面向傳媒透露：「我魯營個草地情況已經唔係好，但係同車路士相比簡直就好似地毯咁靚！我亦都知道車路士做乜，佢專登唔修補個球場，因為知道巴塞地面戰厲害，而車仔粗枝大葉踢法就唔會受影響！」

車路士過去四年都季中修葺草地，但係今季就遲遲未有行動，反而巴塞隆拿最近就用十三萬鎊去重鋪魯營球場個草地。曾在英超踢過兩年的巴西球星施雲奴亦發炮猛轟車仔：「英格蘭天氣凍，而且聖誕節又冇休息，草地唔好絕對唔奇，不過我聽到消息話車路士故意令到球場情況變到更加差勁，簡直離譜！」

Samsung有意贊助巴塞

雖然車仔同巴塞球場上多牙齒痕，不過佢有可能不久將來成為拍檔！有報道指南韓電子商Samsung同巴塞斟介贊助已經去到最後階段，每年一千五百萬鎊（約二億零二百五十萬港元）贊助合約即將達成，而Samsung本身亦係車路士贊助商（每年一千萬鎊）。

[ Last edited by a12 on 2006-2-15 at 08:43 PM ]

收藏分享讚好

回復引用

訂閱 TOP

返回列表回復發帖

＜＜新主題 | 舊主題＞＞

娛樂滿紛 26FUN » Sports討論版 » 車仔出蠱惑陰巴塞

重要聲明：26fun.com為一個討論區服務網站。本網站是以即時上載留言的方式運作，26fun.com對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。26fun.com有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。