dexter

嘩, 我晚晚都發夢, 仲要係以惡夢為主, 有d仲要係重複發過好多次. 依家唔得閒打咁多中文字, 今晚同大家share.

dexter

Originally posted by dexter at 2005-5-4 01:26 PM:
嘩, 我晚晚都發夢, 仲要係以惡夢為主, 有d仲要係重複發過好多次. 依家唔得閒打咁多中文字, 今晚同大家share.

細細個就開始發好多惡夢. 有d會有感覺, 有d都有logic, 有d會成日發好多次. 依家同大家share下有感覺同埋重覆發好多次呢兩隻先.

有一種夢會令我有感覺, 我成日都會夢見自己會昇起, 好似個氫氣球咁. 但升起既地方係o係室內, 所以會比個天花板頂住, 要好用力同個天花板抗衡. 但每一下用力推個天花板之後, 個人又會升番上頂..............

另一種夢係成日都發, 就係搭lift驚魂. 我由細到大都不繼夢見自己搭lift搭極都返唔到屋企, 有時會唔停自己o個層, 有時會去左地牢(但我層樓係冇地牢), 有時會出lift去左對面座樓. 亦都試過去唔到自己o個層於是索性照出lift行樓梯, 但都係行唔返自己想去o個層. 次次都搞到自己好驚...........

仲有其他類形既遲d再 share.

dexter

再續我既發惡夢分享, 上次講過d細個發既惡夢, 今次同大家share下近期小弟發過o個d啦.

其中一個係話有一日我o係旺角一d橫街行行下突然比狗追, 隻狗個款仲要係惡死o個種. 咁我就係咁跑, 總之就係有路就跑, 又亂衝馬路. 去到類似油麻地既地方比我撇nut左隻狗. 點知自己兜兩兜又比我撞番隻狗, 佢就見唔到我. 於是我就慢慢行開, 點之比佢發現左, 又要跑......今次仲跨, 跑到過海. 入左間郵局避下啦. 跟住個staff見到我手上封信個郵票就同我講真珍藏品, 因為係用一種叫做"開天恩"既絕種狗(唔知點解到依家我都記得)既骨灰製成, 我跟住就小到個staff 7彩, 就係因為咁我先比隻狗追............

另外早幾個月南亞海難後, 都發過一個天災既夢. 係o係自己屋企入面, 之前天文台都話會有地震, 預計會o係下午4點左右. 點知聽聽下收音機突然宣佈地震會o係下午1點發生. 跟住望一望隻錶發覺依家就係1點. 個人驚到只係識得嗌唔識講野. 跟住就聽到由遠至近既地震聲, 亦都慢慢feel到個地好震. 跟住就輪到我呀媽嗌. 我就即刻上前按佢o係地下, 因為下意識地震要扒o係地....

另外近期都夢見過有d導彈從天飛落黎跌正我隔離. 同埋都夢見比人逼我體內藏毒, 比人塞左兩包毒品入屎忽.......................

[ Last edited by dexter on 2005-5-6 at 01:02 AM ]