2016「寸王」王晶被網民吊鳩罷睇賭城風雲3

地溝男

年尾流流小心衰十一  


從導演王晶喺TVB《網絡挑機》中問一班Youtuber「賺唔賺到錢，買唔買到樓？」後，即刻引來一大班青少年人嘅不滿。不過王晶仍然繼續寸嘴，繼續喺微博還擊「我20歲成名，22歳買樓，25歳做導演，紅足四十年，今年賭城風雲2收十億人民幣，拿了三十年最賣座香港導演獎。我喜歡做的事全部成功。你地唔喜歡買樓可以繼續瞓帳幕！吹得我漲咩？」仲稱「生在今日我可能十八歲就做導演」呢番言論當然令到一班網民兼年輕人十分不滿啦！即刻紛紛表示要罷睇王晶套賀歲電影《賭城風雲3》。
有積極網民仲喺網上發佈一堆有標語創作嘅圖片，提醒市民罷睇王晶。亦有網民指將於2月6日（星期六）兵分六隊去到各大戲院呼籲市民參與抵制王晶。

而似乎今次各位香港市民亦終於頂王晶唔順。去到今日，《賭城風雲3》啲預售戲飛仲未賣得出，唔少場次仲要「一片綠油油」。

不過之前王晶出席《賭城風雲III》嘅首映時，被問及有冇擔心被香港網民呼籲杯葛罷睇佢套戲嘅時候，佢就回答話：「唉，總會有呢啲人。依家香港已經係一個嚴重分裂嘅社會。鍾意咪睇，唔鍾意都冇所謂。」到問佢擔唔擔心票房嘅時候佢就話:「香港嘅票房係內地嘅1/25，你話我會唔會擔心呀？」仲寸嘴到話：「舊年咪仲多人話唔睇我部戲，結果我咪又係第一！」