sonyguy

睇報導話佢比賽中途嬲到掟拍兩次...
無睇場波好難講係唔係真...
不過我覺得佢連賽後既訪問都不斷鬧...
就有d 唔夠風度...
比賽時控制唔到情緒可以接受...
但賽後訪問...仲鬧黎做乜鬼...
佢鬧到成個八婆咁...
唔夠大將之風~~!

sonyguy

在比賽中...即時既反應可以接受...
所以佢比賽中掟拍係無問題...
但賽後...仲鬧黎做乜呢?
加上佢仲有場季軍賽要打...
咁勞氣影響比賽心情啦...
...
另外我都好明白佢既心情...
但我講緊既係大將之風...
一個世界級既選手...
要有世界級選手既風度...
加上賽後你係咁鬧...有乜用呢?
既然無用...點解唔可以大方d 去接受訪問呢...
入到更衣室你鬧晒佢十八代都無所謂...
但對住鏡頭...有失大體囉!!
總結一句...
我想講既係...
唔係佢咁做岩唔岩...
而係佢應該可以做得更好...
可能只係對住鏡頭好無奈咁笑一笑...已經夠晒...
公平與否...大家心中有數!!

sonyguy

Originally posted by kakeidevil at 2005-10-15 11:27 AM:
我覺得佢做得啱wo!!!
唔公平既比賽打黎都冇義意
爭既只係得個銅牌,我就唔稀罕la

hm...會唔會有更好既方法...
比心機打埋場波去...
比你地睇到我係有實力贏...
贏完之後...先唔去拎個獎牌...

sonyguy

Originally posted by shaqkobe at 2005-10-15 02:27 PM:

如果設身處地去林。有邊個真係可以笑一笑就算。唔講名氣！只求金錢數十萬的獎金，一下子無左。真係可以一笑置之？？難~

=)
梗係難啦..
我由頭到尾都無講過易...
要做世界冠軍...在世界賽事贏波仲難啦...
佢地都做到啦...
相比做場戲...易好多啦...
要佢地做場戲...點都要做亦都應該要做...
因為出到黎比賽...
唔係代表你自己...
係代表你既國家...

咁樣做係好假架...
但呢個世界就係咁架啦...
你有乜唔開心就係咁鬧係咁鬧..
如果你地仲係讀緊書...
都還可以...
因為你身邊無乜人會害你...
但出到黎做野...
咁樣做咪蝕底囉...
睇今日報紙所知...
原來佢一早得罪左中國...
佢同中國既關係差到不得了...
點解會攪到咁差...
同佢唔識做人/做戲係唔係有關呢...
我個人覺得100%因為係咁...
我唔信係因為輸一兩場重要既波...
會激到中國咁嬲佢...
(詳情可以睇蘋果...落街食飯...一陣post果段野出黎...)