Villager

我覺得：

1.朗尼同C7呢件事，朗尼係慘，不過唔代表佢嘅衝動係啱。佢今次係衰衝動。

2.C7都可以為國家做D啲咁令人不滿事，點解朗尼唔可以為國家忍咗啖氣佢？結果葡萄牙贏波，C7係衰都有人撐。但係朗尼呢？又有邊個會話朗啱？啲球迷分分鐘會好似當年嬲碧咸咁嬲朗尼！作為重要前鋒紅牌出場，英格蘭得分能力被嚴重削弱，仲要九人應戰。英格蘭在法定時間內未能得分，朗尼要負上一定責任。不過英格蘭始終係輸在十二碼，所以又唔可以賴哂朗尼。

3.費Sir應該只會叫朗尼同C7講和，至多咪整圍和頭酒？最惡劣都只會收起C7唔用，費Sir唔會因為咁踢C7走。因為費Sir踢唔踢走C7只會視乎利益而定，冇$$賺嘅一定唔踢，C7咁有用！不過，如果踢C7走係有$$賺，費Sir實踢C7走！當年費Sir夠唔老like碧咸啦，但係因為碧咸有用，所以留住碧咸。等到一有機會，就踢走碧咸同時搵番筆！不過，其實分分鐘係C7主動話要走都未定！

事成年人做大事，根本好多時都係與虎同行，咁今係戰友，聽日係仇敵，冇永遠嘅朋友，冇永遠嘅敵人，一啲都唔奇。朗尼係好叻，好有才華，不過太孩子氣，冇經驗。令好多人失望、傷心。結果將奪得世界盃嘅夢想比咗C7。不過，朗尼仲好後生，希望佢喺呢未來四年會變成一名有成熟心態同大將之風嘅前鋒。可以喺下屆世界盃完成奪標夢想！