trista_cheong

Originally posted by specificness at 2007-7-25 11:10 AM:


你地講緊唔同既野，一位講心態，...

講得好！完全認同


其實依家d o靚仔好似越黎越冇赤子之心呢樣o野................. 全球化﹑科技發達﹑同時更應有更好ge教育制度﹐否則呢d 細路仔點可能分辨﹑選擇﹑或過濾媒體或網絡上林林種種ge資訊？

trista_cheong

好耐無見~

我都好同意 , 好似我室友一句 : 你覺得 , 墮胎有甚麼有問題呢???
都令我好驚訝 ...
昨日又有人傾 , 有女仔為保持陰道夠窄 , 而剖腹生子
其竟然無人提及剖腹對女性的傷害 ...
這對底是無知定無人性???

係呀~ 甘仔有冇掛住我呀?

你問ge 問題﹐我自己就有呢d 睇法

1.墮胎
墮胎唔好講bb呢個生命先﹐對女仔本身會造成好大傷害(身心)﹐總而言之如果係因為未成年墮胎可能仲係情有可願(但我prefer母親會o個種產子再俾人供養ge做法)﹐又或者係強姦或亂倫又或者係妓女﹐就冇辦法；但對於正常ge一對黎講﹐一個成年女人應該為佢ge 行為負返起應有ge 責任(當然男方唔肯負責任又係另一d 問題)﹐當然﹐男方ge責任一樣大。

其實大體黎講﹐我覺得有得生梗係生o左佢


2.為保持陰道夠窄 , 而剖腹生子
其實現代人對於靚呢樣o野﹐我一向覺得太扭曲... 尤其係香港紐約呢d 大城市﹐永遠都係想將自己保持係bb 岩岩出世未經世事咁靚

當然貪靚係人之常情﹐但係…… 有時見到d 人提倡ge o野好似有d 違返自然﹐例如o個d 咩粉紅乳暈霜﹑股溝淨白素﹑產子後要fit到好似未生過﹑仲有陰道收窄手術... 何必要將人自然ge 缺陷好似一個機械人咁包裝到咩暇疪都冇？咁係咪有d自欺欺人?

好啦離o左題﹐講返剖腹產子呢個問題﹐無論順產定係剖腹﹐都係每個人ge選擇不同﹐甘仔﹐每個人ge選擇唔同﹐係基於不同ge個人需求﹐你要尊重每個人ge選擇。
有d 女仔盆骨太窄﹐或根本冇力去"痾"個bb出黎﹐咁剖腹都冇計；如果只係為o左唔想陰道較闊﹐咁都冇咩問題﹐因為代價係剖腹﹐係身上開一刀ge嚴重傷害。
甘仔你覺得﹐為o左陰道夠窄而唔自然生產係可能無知或無人性ge 事﹐你有你呢個strong point係好好；但係我就覺得﹐社會對一個產過子ge 女人ge 眼光(嚴重挑剔身材﹑或取笑肚皮鬆馳﹑陰道太濶老虔婆等) ﹐甘仔你又知幾多？男人天性愛年輕貎美ge 女人﹐當女人年華已去﹐就深知年輕時ge優越條件不再存在。
一個女人29歲同30歲﹐好大分別；一個女人結婚定未結婚﹐有仔定冇仔﹐社會或異性所看待ge 眼光自有不同﹐因此自然一個女人心理上都會有所變化。乜鬼男女平等吖﹐你睇o下d 乜週刊取笑d 女星d 咩就知啦～

好啦又離題﹐總而言之﹐我覺得順產定係剖腹其實冇邊個會好d﹐生仔根本就係全天下最辛苦最痛ge 事﹐睇下邊一種對呢女仔傷害最小ga je~(或又者好似你上述所講﹐想保持年輕同陰道keep 住窄~ )
話時話﹐有d 女仔順產又好容易﹐一黎盆骨大好生養﹐個bb 又細粒........

trista_cheong

Originally posted by 我愛章小慧 at 2007-7-25 11:53 AM:

咁我又唔覺 , 始終陀足10個月架~~
借肚生子就無姐 ...
講真 , 劏肚呀大佬 , 你會唔會得閒比人劏一次???

唔通你以為順產對個女人傷害唔大? 都係睇人ga ja.........

trista_cheong

Originally posted by specificness at 2007-7-25 11:57 AM:


謝謝！我其實一直都好擔心呢樣野...

講得極好~~其實我真心覺得﹐係呢個年代要確立自己ge價值觀﹐建立完整ge 人格﹑有人品修養﹐甚至有創作力同執行力ge 人越黎越少；更何況下一代？

我覺得人文科學同藝術教育﹑仲有品德教育先係我o地最需要ge o野﹐可惜越黎越多人覺得﹐呢d o野搵唔到錢﹐有乜鬼用？

其實藝術﹑品德同人文科學真係咁冇用咩？如果一個人ge教育只為出社會賺大錢﹐咁不如一出世就掟佢去學投資仲講咩道德同修養?

係呢個資訊過多又正確性難以稽考ge年代﹐一個人冇選擇ge 能力﹑冇決定ge 能力﹑更冇屬於自己ge 框架﹑只係被動咁接受同吸收傳媒灌輸ge資訊.... 當一個人缺乏獨立思考﹑缺乏決定同選擇ge能力﹐當然唔會有d 咩出人頭地之日。難道只能倚賴奇蹟出現?

諷刺ge 係﹐偏偏係創作力令一個人突圍而出﹐或係係某一行業有出人頭地之日；無論係工程定企管﹐講ge o野當然係可執行ge 創新﹐要ge 係新鮮ge 觀點同獨立見地。即係話想要賺好多好多好多錢﹐或想成功﹑出人頭地﹐可能人文品藝先係最後出類拔萃ge 黑馬。

究竟資訊發達培養o左更多人云亦云ge 人﹐定係更多有獨特眼光﹐明白自己所需ge 人？呢樣ｏ野﹐實在無法參透…


小妹ge 思考能力實在冇specificness 咁有厚度同深度﹐陋文還請specificness 多多包涵~~~~

trista_cheong

Originally posted by 我愛章小慧 at 2007-7-25 12:08 PM:

大咩???自然生產架 ... 打個比喻
d...

好呀﹐其實我媽媽正係o個d 順產完就嘭嘭聲落地湊so蝦o個d............ 因為盆骨大好生養

trista_cheong

Originally posted by specificness at 2007-7-25 12:10 PM:


講得十分不錯，我年紀真...

甘仔唔係d隨便"甘"拜下風ge 年青人黎ga~~

specificness你都知佢有幾creative ga la~

trista_cheong

Originally posted by 我愛章小慧 at 2007-7-25 12:26 PM:

我覺得同敎育次序有d關係 ...
好似...

所以d 男男女女未培養成熟ge 人格﹐只會令仔女受傷害

通常仔女有d 盲點都係上一代ge盲點﹐一個人要擺脫自細ge 家庭環境ge 束縛﹐要非常努力。

唔好講d 靚仔靚妹﹐你身邊ge 大人﹑所謂ge 成年人﹐又有幾多真係夠成熟穩重？

有時見到d 新聞話咩斬細路﹐even 只係o係街邊狂鬧狂打細路﹐等等等﹐總而言之﹐細路ge 心智成熟又係一個問題﹐心靈受到傷害﹐又好容易大個成為傷害其他人身心ge人囉。

trista_cheong

Originally posted by 我愛章小慧 at 2007-7-25 12:26 PM:

我覺得同敎育次序有d關係 ...
好似...

啊!回應返你個order 問題﹐呢樣o野真係好緊要﹐做o野都要分次序先後


我覺得無論中式教育又或係西方教育都唔夠ga la ﹐應該係中西結合﹐互補長短~

trista_cheong

Originally posted by 20001160 at 2007-7-25 01:37 PM:
大家意見太好啦
把我近排正在思考的...

太好啦﹐20001160 ﹐我終於幫到一個年青人去思考同啟發呢個問題

其實依家d 後生仔(包括我)﹐絕對係講多過做﹐失約多過準時赴約﹐

最重要係到o左做一件未做過ge o野﹐因為唔識諗未識決定﹐就因為恐懼或逃避而選擇唔去做.... 因為似乎呢個社會俾年青人ge 自由度好似好大咁。


如果自己都唔心水清﹐又何來充沛ge精力將任務完成？

trista_cheong

Originally posted by specificness at 2007-7-25 01:50 PM:


絕對同意版主。姑且以商界的成功...

specificness 完全講中point~~~~

如果話俾d 後生仔知想o係商界成功應多讀d 人文科學﹐而唔單只係日日睇股票股市金融﹐我諗俾人殺死都似～

講真呀﹐呢ｄ問題好值得深究﹐因為愛情﹑工作﹑成就﹑人生﹑夢想..... 等等﹐都係有關聯ge o野﹐所以我都好希望擴展呢個版﹐一齊同大家討論呢d 問題。

呢d 問題現實上男人同男人之間好似有d 就住就住(我覺得ja )﹐咁係網上一齊分享就冇問題啦~



其實依家再冇人講過"夢想"呢兩個字﹐大家都好似對呢d 咁不切實際ge o野不屑﹐好似好天真咁............... 唔通有夢想﹑有理想係依家呢個年代真係有問題？



以後ge 世界趨向係需求一d 有創意ge﹑有執行力﹑有交際能力ge ﹐o個d 機械式ge 工作﹐越黎越多人識﹐社會未來ge 棟樑應該係可以更有獨立ge觀點﹐更清楚自己能力﹑興趣﹑本位ge 人才~~