coolala2005

Originally posted by night at 2006-3-8 22:18:

如果買右翼我就唔想買佢
不如買個真係右翼咪仲好

有乜好心水~~~~

Originally posted by brightman at 2006-3-8 23:21:

simao, 講左好耐但係開價太高買唔到..

simao........都唔記得佢係乜水lu~~~~

coolala2005

Originally posted by 細驚 at 2006-3-9 01:01:


遲左留意
依家先買

遲到好過冇到~

利物浦必勝~~~

coolala2005

前鋒唔生性衛冕夢碎
利物浦謝晒周日難拆「廠」10/03/2006
       
「英超雙雄」利物浦與阿仙奴於歐聯十六強次回合命運各異，「紅軍」利物浦主場○比二不敵賓菲加，宣布冕失敗；反觀「兵工廠」阿仙奴則做番齣好戲，主場○ 比○賽和皇家馬德里，總比數贏一比○打入八強。兩隊周日晚又會在英超對決，成為今輪最矚目重頭戲，利物浦若要重建信心，首要條件係四大前鋒高治、摩連迪斯、施斯及科拿重拾射門鞋。

首回合落後○比一 o既利物浦，返回主場向賓菲加大舉進襲，無奈前鋒高治、摩連迪斯多番錯失良機，加上欠缺球運，兩次射中門柱，後備入替o既科拿又食「詐胡」，導致輸波收場，賓菲加憑沙保沙及米高利各入一球，兩回合計總比數贏三比○進身八強，爆出小冷門。

利物浦落敗，再次暴露出前鋒入球能力不足o既問題，陣中四名前鋒高治、摩連迪斯、施斯及季中加盟o既科拿，踏入○六年十場聯賽都未入過波，四個加埋全季合共亦僅取得十一個入球，其中科拿更多次食「詐胡」，回歸利物浦後仍未開齋。

相反，阿仙奴射手亨利，單計聯賽已經射入十七球，雙方前鋒攻力可謂差天共地。

利物浦領隊賓尼迪斯對歐聯出局感失望：「我犯唔少錯誤，加上前鋒未能把握機會，落敗只能怪自己，但歐聯出局並唔係世界末日，黎緊仲有多場硬仗要應付，我希望黎緊周日對阿仙奴，球員可以收拾心情，調整番好狀態。」

「兵工廠」今季聯賽每場平均失○點七九球，較上季○點九五球有好大進步，以利物浦o既薄弱攻力，要攻破阿仙奴呢條防線唔容易，周日o既英超大戰有好戲睇！

[ Last edited by coolala2005 on 2006-3-10 at 11:11 PM ]

coolala2005

謝拉特忍無可忍
暗寸一班射手冇料到  10/03/2006

利物浦歐聯十六強慘被賓菲加淘汰，宣告衛冕失敗，前鋒入球能力嚴重不足，成為「紅軍」的致命傷。賽後隊長謝拉特對出局極為失望，終於忍唔住投訴前鋒把握力低，希望球隊可開設「射門訓練班」，等佢額外加操！
       
籲加設射門訓練班
       
首回合落後一球，利物浦於次回合必定要盡快收復失地，方有反勝機會。「紅軍」開賽後瘋狂搶攻，但高治、路爾斯加西亞近射先後失諸交臂，摩連迪斯則成為隱形人，而後備入替的施斯同科拿亦毫無貢獻，「紅軍」鋒線全面死火，成為出局關鍵。

隊長謝拉特是役有水準演出，多次為隊友鋪橋搭路，自己亦有埋門，但孤掌難鳴下未能挽回敗局。球隊十六強即告出局，謝拉特感到非常氣餒，終於忍唔住投訴前鋒隊友唔爭氣。

謝拉特話：「今晚球迷冇得頂，對我作出十萬分支持，但如果落後一球，就一定要盡早扳平先有勝算。係開賽後二十分鐘，我有兩、三個入球良機，但射極唔入令球隊開始憂慮。到最後一球都入唔到，實在令人沮喪。幾個前鋒明顯冇晒信心，球隊一定要想辦法改善，我諗球隊有必要開番個『射門訓練班』，等佢重拾射門觸覺！」

coolala2005

Originally posted by night at 2006-3-10 23:11:
利物浦想用 sinama + 錢買...

臭馬比拿美?~~~~

coolala2005

四大死火前鋒逐個炳  10/03/2006
       
施斯
       
年　　齡：25歲
國　　籍：法國
轉會費：1,400萬鎊
聯賽上陣：25場入4球
歐聯上陣：13場入6球
簡　　評：長期列於後備，亦不擅長踢右翼位置。空有飛快速度，但埋門把握力欠佳。
死火指數：★★★★
       

高治
       
年　　齡：25歲
國　　籍：英格蘭
轉會費：700萬鎊
聯賽上陣：24場入4球
歐聯上陣：8場入0球
簡　　評：身材高大但頭槌威力一般，身材瘦削、速度欠佳令入球本錢大減。
死火指數：★★★★
       

科拿

年　　齡：31歲
國　　籍：英格蘭
轉會費：免費
聯賽上陣：5場入0球
歐聯上陣：2場入0球
簡　　評：埋門觸覺仍在，但高峰期已過，活力不足，頻頻食詐胡，擺明冇運。
死火指數：★★★★★
       

摩連迪斯

年　　齡：30歲
國　　籍：西班牙
轉會費：630萬鎊
聯賽上陣：21場入3球
歐聯上陣：10場入3球
簡　　評：長期狀態低沉，速度體力在退化中，另踢法過柔，難適應英超節奏。
死火指數：★★★★★（5★為最高）

coolala2005

Originally posted by night at 2006-3-10 23:18:

臭唔臭係一回事...
佢都唔錯既

但佢成日發皮4........
不過佢正正係而家利物浦所欠缺o既o個種前鋒~~~~

coolala2005

斑馬豪擲6.2億搶謝拉特C朗   10/03/2006

今季意甲整體大局大定，祖雲達斯、AC米蘭近日已開始展開下季組軍工作，不過兩隊的收購目標明顯完全唔同。祖記防線持續穩定，教練卡比路打算在中前場加碼， AC今季識攻唔識守，收購名單上絕大部分是中後場球員，相信兩隊在周日的大戰後，高層會更加清楚球隊究竟需要邊一類球員，原因是高手過招，最易暴露弱點。

祖雲達斯準備掀起「黃金革命」，打算動用六千七百萬歐元天價（約六億二千萬港元），強搶利物浦隊長謝拉特、曼聯快翼基斯坦奴朗拿度過檔合組「黃金中前場」，下季索性變陣四三三挑戰各大錦標。

據知祖記計畫將三十三歲的尼維特踢出正選陣容，開價三千萬歐元收購利物浦靈魂謝拉特，夥拍艾馬遜、韋拉組成「黃金中場」，成事的話肯定是全歐洲甚至全世界最強。前線方面，查斯古特將會擔任正中鋒，迪比亞路在左路策動攻勢，祖記高層甚至希望以三千七百萬歐元，羅致曼聯翼鋒基斯坦奴朗拿度出任右邊翼鋒。

意大利傳媒指出，祖記為籌集足夠資金收購「C朗」，可能會將米高利、禾柏圖、米蘭迪等外借球員一次過賣走，「C朗」本人亦承認曾經被斟介：「現在有兩份邀請擺在我面前，一份來自華倫西亞、一份來自祖雲達斯，不過，我的首選是留在曼聯至二○一○年約滿。」假如祖記成功撬走謝拉特及「C朗」，下季有可能將陣式由四四二改為四三三。

coolala2005

Originally posted by night at 2006-3-10 23:44:

我地正欠缺kuyt啊

我o既意思係快速突破and埋門把握力強o既前鋒~唔係講比拿美呢個人~
講真我唔係好想佢黎~因為分分鐘佢又係操練當中同隊友開片~~~~

coolala2005

Originally posted by abc123aa at 2006-3-11 00:04:

可能走去打謝拉特

可能比人圍毆就真~然後又轉會去第二度~~~~