英軍食糊靠碧咸 林柏特續當劊子手

andy020290

【明報專訊】在朗尼與奧雲同受傷患困擾下，英格蘭漸見還原基本步，借助隊長碧咸的右路「七旋斬」，以傳統英式兩翼傳中戰術攻堅。今晚迎戰牙買加，教練艾歷臣將沿用此進攻方程式。至於上仗友賽射失12碼的林柏特堅稱，他會繼續擔任英軍劊子手角色。

--now684台今晚9:00直播

自2004年歐洲國家盃射失2個12碼後，碧咸在國家隊的表現備受批評，傳媒、名宿和隊友紛紛指他根本不適合當隊長，去年開始更失去首選操刀極刑的位置，由林柏特取代。然而在周二晚贏匈牙利3﹕1的友賽，林柏特亦終告「宴客」。不過林柏特說﹕「我仍是英軍的劊子手。最近2個星期我為了提升狀態而棄練12碼，幸虧那是友賽，可讓我有所警惕。」他亦「力撐」教練艾歷臣近期的戰術和陣式，包括以加歷查和夏格維斯任防守中場，聲稱在此階段試陣無甚不妥。

艾歷臣另一試驗重點是重新依賴碧咸的傳中球，上仗便藉此由中堅泰利和「影子前鋒」謝拉特(網站 - 圖片)建功，也令人相信碧咸終回復佳態。艾歷臣指碧咸的助攻將是英格蘭於世界盃(網站 - 圖片)決賽周的主要武器，而在車路士(網站 - 圖片)屢次助攻建奇功的泰利也稱，碧咸的供應可讓自己盡展所長。於對匈牙利一役接應碧咸傳中，頂入成2﹕1的這名車路士隊長說﹕「碧咸是傳中球大師，世界上沒有人比他更出色。」另外由於加利尼維利輕微拉傷大腿筋，英格蘭今仗將起用加歷查或夏格維斯扼守右後防。

BBC網上免費睇波

此外，英國廣播公司（BBC）將於網上免費直播英軍在今屆世界盃的比賽。不過這項服務只限於英國互聯網用戶，而賽事會在BBC旗下的收費電視ITV同步直播﹔互聯網版本的直播內容，包括球賽旁述都跟電視版本沒兩樣。BBC於去年已曾在網上直播利物浦(網站 - 圖片)對聖保羅的世界冠軍球會盃決賽。


努力呀~碧咸~i love you

Ｌｕｎｇ～

總會覺得有時eng d進攻太單調.成日處於打悶波狀態

bigfish

其實林柏特都射失十二碼, 不如搵返碧咸射, 再唔係奧雲, 朗尼, 謝拉特同艾殊利高爾都得 ga

tomken

林伯特12碼好似無碧咸禁好

brightman

Originally posted by bigfish at 2006-6-3 08:52 PM:
其實林柏特都射失十二碼, 不如搵返碧咸射, 再唔係奧雲, 朗尼, 謝拉特同艾殊利高爾都得 ga

碧咸, 奧雲,  謝拉特

Kian76

Originally posted by bigfish at 2006-6-3 08:52 PM:
其實林柏特都射失十二碼, 不如搵返碧咸射, 再唔係奧雲, 朗尼, 謝拉特同艾殊利高爾都得 ga

碧咸射失過好幾次12碼，唔太信得過，而奧雲更加係出晒名射失12碼當飯食既，試過連續多場射失12碼，當年在利記都要急忙搵第二個人射12碼，最後搵左謝拉特黎射，點知又係射失......最後唔記得左係咪搵懷斯射，終於射得入......

朗尼就唔太有印象。

艾殊利高爾我末見過佢射唔知。

abc123aa

邊個射都會射失嫁啦...........

Kian76

Originally posted by abc123aa at 2006-6-3 09:43 PM:
邊個射都會射失嫁啦...........

例：

射失，一個射10球失一球，一個射10球失5球，邊個大問題？？

abc123aa

Originally posted by Kian76 at 2006-6-3 10:39 PM:


例：

射失，一個射10球失一球，一個射10球失5球，邊個大問題？？

o岩o岩高治都射失左個啦,射失的確係正常,唔需要因為林柏特射失一球而換人射

Kian76

Originally posted by abc123aa at 2006-6-3 10:52 PM:

o岩o岩高治都射失左個啦,射失的確係正常,唔需要因為林柏特射失一球而換人射

其實最重要係搵倒一個長期射入，極少射失既可靠球員去射，又或者邊個搏倒就邊個射。