曾經養過ge"寵物"前傳 之 霸王雞[216+]

wind69

一隻被權力沖昏了頭腦的雞

之所以叫前傳，係因為果時我都仲係手抱BB黎，到我識得四團走，已經進入狗狗年代。霸王雞ge事係我媽講番俾我知ge。初時覺得幾誇，但由於得到唔少長輩願意出庭作證，霸王雞理所當然的成為我家"寵物"史中的重要一員

先說說我兒時住ge地方，一間在山上的平房，就是大門前的園地也有千多尺，左邊有個魚池，魚池旁是養龜的地方，龜池旁是貓貓開餐ge地方。右邊有度矮閘，閘旁前方有一棵白蘭樹，另一面有棵柚子樹，園內還種左好多花和果樹，矮閘外是另一個較小的園，種了一棵好香ge桂花！近牆就是我媽設的紫羅蘭專區，對面是一棵柏！柏樹旁是一棵龍眼樹。經過就會去到大閘出口，為了保安理全個範圍屋都被低牆包圍著。可能大家會問係邊度！我只可以話係香港黎！不過果個山依家已經剷平左lu

入正題，那年代好多人會養雞，我家當然唔會例外，霸王雞就這樣加入我們的家庭，霸王雞係一隻公雞，我媽話佢第一日搬入黎已經做左雞中大哥！雞棚設在大閘以外的地方，跟各唐狗們聚集的地方得接近，日見夜見！雞犬雙方難免會為左爭地盤產生磨擦。

"你未見過一隻雞打贏六隻狗ge場面哩？" 我媽同我講.....

經此一役！霸王雞大勝！自此所有狗見到佢"o胡兩下"就急急腳走開，霸王雞覺得自己惡晒，之後甚至走入我屋門前被列為唐狗禁地的花園內

"沒法子捉到佢咩？"我問我媽

"無辦法！佢果時見狗追狗！遇人啄人！又走得快！夜晚仲會訓係棵柚子樹上面...."我媽繼續說....

霸王雞惡左大半年，無人埋到佢身，直至有一日，佢飛到樹上面一個比平時佢訓覺ge更高ge樹枝上面，扮雀仔飛落黎.......
這次扮雀仔事件，跌斷左佢一隻雞腳，呢個時候！打落水狗見得多！打落水雞未見過哩？
以往跟佢有牙齒印又無鬼用果班唐狗！就追住佢黎打！連平日隔離屋無乜兩句果幾隻都黎幫手！霸王雞身付重傷，且戰且退！最後逃入唐狗禁地避難，當佢以為安全ge時候！嘿！真係無運行，佢居然唔記得呢個世界有樣野叫主人！一手俾我老豆捉住...

未經審訊，就以莫須有之名被處以白切之刑

我媽話："用兩個最大ge碟都裝唔晒！"

"好唔好食"我問

"唔記得啦！淨係記得d雞肉硬到咬幾日都咬唔爛....."

o下...........

霸王雞被誅殺之後，就正正式式進入了狗狗年代


數下自己曾經養過ge"寵物"

[ Last edited by d228216 on 2006-8-2 at 10:04 PM ]