[分享] 請各位不要忘記「歌手」的定義 [B +]
甚麼叫「歌手」？有個型樣？夠靚女？得閒出黎做下show，識跳舞跳兩下，跳到自己唱歌都唱唔出聲既就叫歌手？定係拿住個無input既結他扮有型果D叫「歌手」呢？
我認為呢個問題值得真正鍾意聽歌的朋友自己去想下
大家覺唔覺而家香港D歌手開始反樸歸真，以前郭富城年代帶起邊跳邊唱新熱潮。
而家都有唔少歌手只唱不跳，其實歌手唱歌唱得好，駛鬼跳舞，扮哂潮識結他咩
「張學友」當年都無跳舞啦，我相信無人會話佢唱歌唔好....掛
佢又唔叫靚仔，果時都好多fans
邊同而家香港D人，太重明星形象啦，而家香港D歌星有D真係得過「睇」字
同埋D歌手唱歌D風格都唔同左
以前的歌手，用既詞，作既歌，大部份都有意義，
好似Beyond咁，有佢地自我風格的「Beyond式怨歌，愛與和平系列等等」
而家D歌手獨估一味~~~~愛情，相愛，失戀，三角戀..........
歌詞成日都係....「我愛你，你卻愛他」..「我忘不了你」....「我好想你」........等等
而家D歌，無咩內在意義，無內涵，歌手只有靠「賣弄歌喉」~~造成歌曲的高低音突然變化好大果D.......間唔中一、兩首高低音突變無咩所謂，首首都係咁就變得無新意。
睇下人地台灣D歌手「周杰倫」都唔叫靚仔啦，但唱歌都有獨特風格，唱快歌多，節奏明快，有D rock既味道都幾好
「陶吉吉」都唔靚仔啦，D歌好聽，係台灣都紅到
香港？？唉~~~就係因為某D人盲目追求歌星的外表......弄到現在樂壇「不值一哂」
香港的fans「醉翁之意不在酒」，根本就唔係憑歌星的唱腔，D歌好唔好聽，而係憑個歌手個look睇落去得唔得.........古語有云「金玉其外，敗絮其中。」
歡迎大家回覆一下，一起討論一番
[ Last edited by BeachBoy on 2006-9-27 at 04:15 AM ] |
發表於 2006-9-21 06:44 PM
| 
