ThomasKoon

終於都同佢講咗bye bye.....任何形容詞，都形容唔到我有幾唔捨得佢.........

ThomasKoon

呢個世界，原來真係細得好誇張....
話說我個妹佢今日同個fd，2條女搭機去上海，再轉去哈爾濱，咁我自己未去過，就諗住喺whatsapp啲group度，問下有冇fd去過啦.....咁其中有1個group, 成班仔其實係打某隻手遊識嘅.....當中有2個都去過，仲俾咗啲意見，同埋有個仲俾埋一個喺當地從事導遊嘅朋友嘅聯絡電話，話有需要可以提供協助....

咁好啦，講下講下，我就俾咗張相班fd睇....唔睇好地地，一睇就嚟喇...首先有個fd問我，佢係咪有個家姐，仲問我佢係咪讀緊U..我問佢點解咁問，佢話唔肯定，但可能係識嘅.....之後另一個fd直頭私人whatsapp我，問我個妹係咪喺邊度邊度做過嘢，同埋喺某間U讀緊書....原來呢2個fd都識得我呢個掛名阿妹，之前做過同事......仲要已經識咗幾年....

之後我同呢個fd, 圍繞住我阿妹嘅事，喺whatsapp傾咗2粒鐘.....我好多年冇試過同男仔fd傾計傾2個鐘.....

ThomasKoon

尋晚同個fd傾計嗰陣，講下講下，佢問我其實係咪未死心，仲話男未婚女未嫁，其實冇嘢係冇可能......當時我好肯定咁答佢“唔係”，但佢話感覺我係.....我同個fd講：我同佢嘅緣份，最多只係而家咁樣“有緣相識，同埋有兄妹嘅名份”，其他嘢唔可能有，而且你（我個fd）都識講，覺得佢同男朋友係打風都唔打甩，我亦都唔想佢有咩壓力，而且搞咁多嘢盞兄妹都冇得做，所以我至斬攬，將對佢嘅愛，由男女感情嗰種，變做阿哥錫阿妹嗰隻，咁佢仲舒服，對大家都好.....之後我個fd話“都啱 gei, 既然決定咗，就乜都唔好諗”.....


其實之後我都有認真諗過呢個問題.....我問自己，其實想點.....最後俾自己嘅答案：我只係想見到佢開心，知道有個愛佢、可以令佢幸福嘅人喺身邊，我呢個做阿哥嘅，已經足夠....

ThomasKoon

下晝同個fd whatsapp, 本來係講緊買聖衣神話figure, 咁我打算入神射手+神獅子，個fd問我點解，我話射手係本命，當然必買，另外獅子亦都冇理由唔買。佢串我“冇理由唔買？都話你有嘢㗎啦”。我當然知我個fd暗示乜，因為我契妹係獅子座，所以佢覺得我因為咁而想入手..咁其實我想入神獅嘅原因，係因為射手座同獅子座係兄弟（有睇聖鬥士星矢嘅師兄就會明），所以我覺得應該買晒2兄弟...(去到呢度，當然又再講起佢啦.....)
我：話買隻公仔啫，又關佢事....
fd：你問自己啦...
我：有又好冇又好啦，總之而家咁樣，一定係對大家都最好
Fd：咁你覺得佢對你點吖
我：咪咁囉，但一定唔係愛
Fd：兩睇啦
我：何解
Fd：如果你覺得自己比任何一個人都對佢更加好，咁佢真正嘅幸福喺邊，仲係未知數
我：咁講啦...第1，我知佢真係好愛佢男朋友。第2，我同佢係2個世界嘅人，最重要都係嗰個問題，我同佢只係幾個月，根本同佢男朋友冇得比....
Fd：第2點唔明
我：簡單啲講，我襯佢唔起
Fd：佢有咩咁高不可攀
我：我唔會比到幸福佢，keep住而家咁，都仲可以關心下佢，所以我唔想搞咁多嘢，佢開心就OK.......
Fd：如果真係決定默默支持佢，咁就算啦，用時間去沖淡一切
我：咁你明點解我放棄啦.....搞到兄妹都冇得做，我仲傷心.....我諗咗好耐，呢個係最好嘅解決辦法.....所以點解我冇表白過，但佢feel到，咁唯有認...但當然啦，選擇咗做佢阿哥，就有好多嘢都唔講得....
Fd：都話你有嘢㗎啦....你咁樣自己辛苦..
我：為咗佢值得....要完滿解決，最好就係我自己一個人辛苦...
Fd：唉...

ThomasKoon

上星期日晚，同佢whatsapp嗰陣，知佢又唔舒服（我話又，係因為佢真係成日都病）.....咁我問過朋友，話女仔嘅體質普遍係較容易唔舒服，如果係小病，問題都唔太大，不過如果想調理身體，可以試中藥...咁我星期一朝早就whatsapp佢，提議佢考慮試下中藥啦，順便問下佢好啲未啦，點知我個msg係早上8點幾起身send俾佢，但佢到星期二下晝，都竟然冇睇（期間佢係上線過）..咁我到夜晚，突然有個想法，就係佢已經唔再需要我呢個“阿哥”，咁我到夜晚，決定send whatsapp同佢講拜拜，而且唔會再“哦”佢...我send完俾佢，就冇再理whatsapp....佢10分鐘之後覆msg俾我，但我冇理..呢個時間係大約星期二晚上11點半...佢嘅msg我一直堅持唔睇...因為我知道睇咗，好可能會忍唔住搵返佢....

ThomasKoon

整整1個星期，都忍住唔睇佢嘅msg, 更加唔好講覆佢，點知有啲嘢原來係冇得避....
咁我而家返荃灣啦，星期一因為要攞貨去咗沙田，點知喺商場同佢撞到正....禮貌上都傾咗一陣，但工作在身，都唔可以傾咁耐，於是約咗夜晚whatsapp再講.....

當晚whatsapp傾咗1個鐘，大家好似之前咁傾偈.....我仲好鐘意佢，但我自己嘅感覺同之前好唔同...

ThomasKoon

無計喎，你放唔低。雖然你地好有緣。但年齡問題嗎？
自由神 發表於 2017-1-25 09:31 PM

講年齡，我同佢有啲距離，雖然佢冇話過介意（佢都多都係當我阿哥，咁一定唔介意gei）......再講，我同佢都可以話兩個世界嘅人......佢就大學生，我就勉強叫做中五畢業......而且最重要係佢有個感情好好、行咗4年幾嘅男朋友....

ThomasKoon

感情無話2唔2個世界既。最重要係佢咩心態，同有無feel.

4年幾男友又如何?佢之前咪同你曖昧……
自由神 發表於 2017-1-25 11:17 PM

咁講啦.....首先佢點諗、有冇feel, 我唔知；第2，佢同我嘅關係，談唔上曖昧，最多只可以話係好朋友，加上我知道佢好愛佢男朋友，佢哋而家感情亦都好好...雖然將來嘅嘢冇人知，但我都曾經試過俾人搶走咗個女朋友，嗰種難受嘅滋味我好清楚，所以呢啲嘢我唔會做...我淨係想佢開心，只要佢男朋友錫佢、俾到幸福佢，就算我永遠只可以做佢阿哥，我都冇所謂...

ThomasKoon

你做阿哥都開心就唔會而家咁啦…
想你好炸……
人就一世，女就得一條。
我覺得佢明知你對佢有意，而佢又有男友都仲同你甘熟絡，佢都唔似無感覺喎 ...
自由神 發表於 2017-1-27 05:44 PM

既然唔可能同佢一齊，做佢阿哥，起碼仲可以關心佢...
我冇講過，但佢feel到我鍾意佢....佢有冇感覺，我唔知，亦都唔敢諗...

ThomasKoon

咁，唯有祝你早日可以將對佢既愛情變做友情啦！
加油!
自由神 發表於 2017-1-28 10:52 AM

Thanks BROS......新年快樂、心想事成