[2006-11-05每日精選]大家幫幫下個迷茫的人......

vandervaart

各位高手，大家好，我已經二十几歲人，連女仔既手都未拖過，一世人就系讀書，打機，作GYM。老實講，我樣唔錯，身材都幾fit，經濟都幾OK，女性朋友就大把，女朋友就零個。我自認無自信，次次連追都無追就自己宣布失敗..... 直到最近，我識左個女仔，我同佢好好傾，就算上MSN都可以繼續講幾個鍾，重要系十次有八次佢黎搵我，而且我地之間有D野，真系巧到我都唔信。依一次，我覺得機會黎啦，但系又唔系好知點“下手”，當然，睇戲行街吃飯當然要啦，但系重可以作咩？我又唔知咩時候表白，而且佢又幾正，我真系有D難以相信.......各位有何睇法？

[ Last edited by trista_cheong on 2006-11-4 at 04:35 PM ]

vandervaart

你知啦，女性朋友同女朋友系兩回事，唔一定要GAY先可以大把女性朋友，哈哈..... 聽落我好似有D自戀，不過俾大家一個衡量我個樣，如有得罪，請多多見諒...... 不過我很好奇，系唔系就直接表白，定會過一段時間？

vandervaart

真系估唔到會有甘多回覆，小弟先多謝各位了。我已經同佢出幾次過街，平時系大學都有見面。大家可能覺得奇怪，成二十幾歲人仲讀緊書？理由好簡單，因為我唔住系香港，教育制度有D唔同。我真系好驚佢又會成為我另一個好的“女性朋友”。至今我都未話有作出任何表示，最多有一次，我特登買佐佢鍾意既蛋糕，跑到佢屋企樓下，打電話叫佢落黎，但系我都系詐話岩好行過，真系失敗。。。。。

vandervaart

Originally posted by Lyon at 2006-11-6 08:42 PM:

知己知彼, 百戰百勝~~
...

我非常明白你一句說話，所以我都有同佢D朋友來往，收下料。奇怪既系，佢從來都沒拍過拖，佢今年十九歲，就快二十，我大佢3歲。所以，我地倆個都系”新鮮罐頭”，無辦法有前車之鑒。至於佢鍾意邊類型既男仔。。。。。韓國天王 RAIN 我真系R晒頭

vandervaart

Lyon兄既高見，我會銘記于心

似乎大家都認為一個女仔會同你單獨出街吃飯就至少知佢對你有好感，問題就系我經常都咁，但彼此都知系以好朋友既身份相伴，除了一次差D出事，我系有D擔心佢只當我系好朋友。。。。。。

唔知你認為我可以點樣進一步試探？

vandervaart

真係唔簡單，我這個星期四會同佢吃飯，等我去以各位既方法“刺探”下“軍情”，再向大家報告！至於有無其他男仔追緊佢，我就唔咪好清楚，但係有條友，見親我都好似面左左咁，莫非佢？！

vandervaart

好耐無向大家報告了。老實講，我都係未表態，都係日日同佢傾下，玩下SMS。我都話，依家係考試期間，都係無謂搞甘多野，免得我分心，佢又受影響，甘就真係玩完了。

佢几個晚上前，已經係半夜一點幾，佢就SMS我話佢壓力好大，0訓唔著，甘我咪SMS返安慰佢，佢就無REPLY。我都無再提起，怕佢尷尬。其實，我想問下各位女仕，如果你SEND甘既SMS，對方是否係你心內有一D D地位呢？ 你又會唔會SEND甘既SMS俾男仔呢？我真係驚佢又係另一個當我係“姊妹”