「雞林盟主」之戰

audurey

1987年11月，KFC遠渡重洋，踏足中國，在北京開設了第一間KFC餐廳，正式向中國高手挑戰。

當時中國雞林中不乏絕頂高手，例如江蘇常熟叫化雞、河南道口燒雞及山東德州扒雞等，但可惜各門各派只顧眼前利益，而且更低估對手，所以沒有派人出嚟應戰。

期間上海某暴發戶竟然不知天高地厚，強自出頭，在1991年底成立「榮華雞」，接受KFC的挑戰。

KFC所用嘅武功，就係山德士上校所創嘅獨門內功心法QSC policy (quality, service & cleanliness)，再加上現代管理中嘅市場計劃；而榮華雞用嘅，就係鼎鼎大名嘅姑蘇慕容家傳絕學「以彼之道，還施彼身」(簡單啲嚟講，即係抄襲)。

榮華雞打住「弘揚國貨」嘅口號應戰，KFC賣炸雞，榮華雞又跟住賣炸雞，KFC每開一間分店，榮華雞就在隔鄰開一間分店，同KFC打對台。

初度交鋒，相方互有輸贏，但在久戰之下，榮華雞開始內力不繼，最後榮華雞落敗，從此絕跡雞林。

audurey

中原雞林，人才濟濟，但竟然輸咗俾番邦炸雞，真係奇恥大辱，不過只可以怨自己唔爭氣。

[ Last edited by audurey on 2007-3-29 at 10:24 PM ]

audurey

唔單只模仿洋快餐，本土名牌都有人抄襲，而且更以非法手段欺行霸市，其中一個受害者就係天津名店「狗不理」。

由於「狗不理」知名度高，所以有啲無良商人就喺「狗不理」附近開咗幾間冒牌狗不理，而且仲大膽到派人走去「狗不理」店堂裡面拉客，有次「狗不理」嘅經理忍唔住出去理論，竟然畀班無良商人打到頭破血流。