kakueeken

客觀原因係對手太強, 要連續作客3支西岸勁旅。
但換個角度看, 也可說是kings 太弱。 kings 唔係一支重建中的球隊, 他們的目標係冠軍, 就算對手再強, 3連敗都唔係可以接受。而且kings 唔止輸, 重要係對 dallas & spurs 都輸好多。

點解會輸咁多? 有人歸咎於防守差, 因為3 支球隊都係 kings 身上拿超過100分。不過我覺得kings 連進攻也失靈才是輸波的主因。3場波有2場得分唔過百, 過百果場係到左ot 先過, 而且命中率也只有4成左右, 究竟球隊發生了什麼問題?

如果獨立來看每一名球員, bibby & b.miller 命中率都過5成, 但2大主力 webber & peja 命中率卻低得可憐。 webber只有4成; peja 仲衰, 只有 32%, 3分球只有22%, 呢個就係他們成績不振0既往要原因。

webber 命中率低, 係因為太倚重中距離投射。如果他果日中距離投射唔係太準, 其實應該改變下打法, 多嘗試one on one。我見他係 rockets 一場, 有幾次one on one 都拿到分數或搏得罰球, 反而射波就成日炒粉。或者索性將得分重任交給隊友, 自己專心分波,搶籃板球 & 打防守。有一樣0野我想講好耐, 以前我嫌 webber 太過無私, 成日都交波, 唔嘗試自己進攻。但他復出之後, 唔知係唔係太急於證明自己係領袖, 我覺得他變得浪射, 應交都唔交。其實你係唔係領袖, 根本唔在於你係唔係得分王, 特別係對於kings 呢一類進攻點咁多0既球隊來說。在 divac 離隊之後, webber 對kings 最不可取代的作用是高位分波, 呢點甚至唔係 brad miller 都唔可以同 webber 相比。唔知大家仲記唔記得 "男兒當入樽" 呢套漫畫, 係故事最後一場比賽, 隊長赤木面對一個好強0既對手,根本入唔到分。跟住魚住同赤木都講話帶領球隊的方法唔一定要入分(大若意思), 希望 webber 呢位nba 傳球最好0既大前鋒早d 明白呢個道理。kings 以往之所以咁難防守, 唔係因為他們有 o'neal / kobe / jordan 呢d unstoppable 0既巨星, 而係他們每人都有優秀的射術, 而且往往能夠製造到 open shot/ easy chance 先出手。以往 divac 係呢方面貢獻良多, 而家 webber 需要完全填補 divac 的作用, 我相信他的技術係做得到, 問題係心態調唔調整到。

nba 最好的純射手 peja的命中率好低, 連好多 open shot 都把握唔到。如果係狀態問題, 我唔擔心, 因為打打下總會恢復。只係教練需要知道peja 只係一個好0既射手, 其他0既技術並不出眾。如果他唔準, 係唔係仲需要他打成 42分鐘一場? 點解唔搵 barnes 或者其他後備球員打多一陣? 一來等 peja 抖多d, 二來等後備做多 d dirty work, 將入分交俾其他球員。如果唔係狀態問題, 而係人事問題影響到他唔能夠投入比賽, 我希望kings 0既總管認真考慮將peja 交易出去,咁對球隊 & 球員本身都比較好。

唔好意思, 長氣左d。

blblblbl

Maybe they're just in a slump... just need time to shoot out of it...

but, maybe the departure of Divac is bigger than expected.

科

我都覺得問題係出現係WEBBER到
自從佢上年復出都宜家.......
我估帝王d得勝率都係5成左右
同上年季中既8成5相比實在差太遠啦

webber既命中率

93-94 GSW  .552
94-95 WAS  .495
95-96 WAS  .543
96-97 WAS  .518
97-98 WAS  .482
98-99 SAC  .486
99-00 SAC  .483
00-01 SAC  .481
01-02 SAC  .495
02-03 SAC  .461
03-04 SAC  .413
04-05 SAC  .400

4成已經係佢職業新低喇,唔通傷韌帶真係球員死穴?..........唉
另外,我覺得籃板能力偏低都係kings既另一弊病....

甘國武

[quotefrom="科"]另外,我覺得籃板能力偏低都係kings既另一弊病....

唉！連曾為kings fans的我也心酸....想當年webber是個籃板王....

kakueeken

我都覺 kings 的籃板能力好有問題, 即使他們的2名內線球員 webber & miller 其實都有平均搶下10個或以上籃板球的能力。但成隊波保護籃板球的意識不足, 成日都俾人搶好多進攻籃板, 輸好多冤枉分。要改善呢個問題, 除左灌輸多d 頂位意識俾球員外, 我覺得球隊應該簽番個好似以往 pollard or clark 一類可打4,5號位, 擅搶籃板的高佬。 雖然除左交易, 市場似乎沒有什麼好的 free agent 可以簽。

webber 受傷之後, 的確無可能好似以往咁一季搶13個籃板球做籃板王,不過起手選擇應該可以做得好d。

Webber 今日場波
第 3 節都未打完
已經triple double.........

Lap Hui

後備好似吾多得, 正選開始水準狀態下滑, 尤其係stojakovic,
佢D 3分波死晒火,  :x

kakueeken

kings 番到主場終於開齋勝回一仗, webber  有 "大3元", 21分11籃板, 11助攻, 另加3個封波, 無疑係呢場比賽0既 mvp。不過peja 的狀態依然低沉, 3分球6射只中1, 令人擔心。

不過接下來 kings 仲要連續作客季初狀態甚佳的超音速及鳳凰城, 希望他們唔好輸哂2場la。 我都想投訴下排賽序的人, 點解 kings 季初d 波咁難打? 咁多作客比賽?

科

今日kings終於贏作客第一場波
6個人得分雙位數,113比111贏suns
ok啦打得,不過同上次對火箭一樣,臨尾比人狂追
cristine最後炒左個罰球...優勢由3分變2分....嚇到我呀真係 8O
另外,唔知係咪格食格,我覺得bibby成日睇唔住nash :x

之後連續4場主場,希望追到5成得勝率先啦
現時成績係2勝4負

kakueeken

KINGS 今日係主場再下一城, 輕取 DENVER。
係第3節 webber 因為個犯而被迫坐在板凳席時, kings 的攻勢明顯流暢左好多,
往往都造到入顏色地帶取分, 外圍射波多數都係open shot,打番上季的節奏。

webber 仲未 "融入" 到球隊的問題究竟幾時先可以解決呢? 他復出已有好一段日子 la。