[發財埋便] Feuosma足球基金!!!!!!!!!!!!

feuosma

Hello大家好…我係Feuosma…

從今日開始Feuosma足球基金將正式登場…
基金將從$10,000開始運作…所有賠率及波盤均以香港賽馬會作參考…
如果冇太大意外…我會努力希望能每日都出推介……
除左晌度比大家睇我既推介外…亦希望呢度會成為大家交流既地方…..
(locklock….9哥….小強兄….同其他有買波既版友….好希望可以晌度同大家交流下…..我都有好多野請教大家)…….

廢話少講…去片….

(1)        屈福特[0] 對 曼城[0] (平手盤)
屈福特@1.97 $500

可以話係無關緊要既一場比賽….. 屈福特上下都知道佢地未來既結局會係點…..奇怪既係最近呢幾場佢地可以話打出超水準….每場波不惜代價向前進攻….對佢地黎講護級既重擔冇左後冇曬壓力……佢地依家每場比賽都係享受…..
曼城亦都一樣….前晚作客輸比阿記前竟然作客三連勝….. 佢地同屈福特一樣護級既重擔亦都冇左….
晌呢幾場比賽入面屈福特顯示出黎既進攻力量比曼城優勝…..當然呢個係佢地不惜代價進攻既結果…..而佢地晌近幾場對比佢地強大多倍既對方亦能取得入球….今場取得入球(甚至不只一球)並不奇怪…但以曼城並不強既攻擊能否入波???我有d懷疑…..

睇番賠率…..係平手盤….. 屈福特今季只係勝出4次…..咁既賠率對於曼城黎講實在偏高….(對住隊包尾既….佢唔輸我都唔使輸錢咁著數?????)….對住一隊全季勝出4次既球隊…..即使作客亦應至少讓平半(除非係同屈福特同級既如錫非聯之流…….)…
呢場波…. 屈福特….

(2)皇家蘇斯達 [+0.25] 對 馬德里體育會 [-0.25] (馬體會讓平半)皇家蘇斯達@1.80 $500

又係一場賠率非常奇怪既比賽……皇家蘇斯達既護級機會老實講並不樂觀…..依家差尾四既切爾達6分…但只餘下8輪比賽….不過佢地近期既狀態很好…主場勝馬略卡利雲特貝迪斯…….作客和維拉利爾同輸比愛斯賓奴…..隊中攻擊源頭沙維奧狀態亦佳……
馬體會晌對上一場作客勝維拉利爾之前(果場大家都應該知咩事啦…..)作客4連敗……當然佢地輸既係西維爾同華倫呢d強大既對手….. 今場文尼捷無法上場將對中場既組織有影響……而佢地今季作客只輸5場…..係表現相當穩定既球隊…..

…但正因如此….今場既賠率對於馬體會黎講實在太高太高(幾乎仲要平手盤咁滯…)兩隊波聯賽相差既分數超過一倍…..排名差14,15位…居然開個咁既盤出黎….證明莊家對馬體會既信心好低……
呢場波…. 皇家蘇斯達….

(3)        AC米蘭 [-1.5] 對卡利亞里 [+1.5] (AC米蘭讓球半)
AC米蘭@1.95 $500
AC米蘭晌呢場比賽之後有場超超超緊要既歐聯等住佢地…呢場波安察洛堤將會收起部份主力…但唔緊要…仲有肥哨…..佢明顯晌AC既狀態好過晌皇馬好多(可見卡比路真係有d問題….)….下半季AC既表現好過上半季好多….最大既原因係季初因世界杯關係令佢地備戰不足……而並唔係征戰頻繁……
今場佢地仍要努力保住來屇歐聯既席位…….
卡利亞里今年既作客成績已經有更改善…..但面對狀態極佳既AC唔易避免大敗………
呢場波…. AC米蘭….

(4)        名古屋八鯨 [-0.5] 對神戶勝利船 [+0.5] (名古屋八鯨讓半球)
神戶勝利船@2.0 $600

今年既升班馬神戶勝利船表現到目前為止唔錯…..由馬略卡回流既大久保嘉人幾乎場場都有波入……. 勝利船6場聯賽入左11球……相反八鯨呢邊有正選門將楢崎正剛缺陣…..此外亦有不少傷兵…..佢地上場竟然輸比大宮松鼠呢隊幾乎全聯賽最差既球隊…..睇番外國網站佢地果場波對大宮松鼠竟然全場都冇mud威脅…..

賠率方面亦有問題….依家晌聯賽前列既八鯨主場對隊升班馬都有1.70主勝…..真係你買埋我果份…….呢場波…. 神戶勝利船….

feuosma

Originally posted by toro at 2007-4-21 01:11:
加分祝賀新張之喜

多謝曬你先膠蛙.........
晌度仲有少少野講......見到坊間好多所謂既分析.....都係好多時偏左晌球隊基本既因素如狀態、傷兵、比賽重要性......又或者係偏左晌純賠率既分析上.....在下則認為兩樣一定要夾埋一齊先可以作故準確既推測....所以我之後都會以呢個方向作預測......所以第時大家可能會成日見到我d有奇奇怪怪既推介架........

feuosma

揾錢真艱難.........首日小結餘....

(1)    屈福特[0] 對 曼城[0]     $500屈福特@1.97   $0
(2)   皇家蘇斯達 [+0.25] 對 馬德里體育會 [-0.25]    $500皇家蘇斯達@1.80   $+400
(3)   AC米蘭 [-1.5] 對卡利亞里 [+1.5]     $500AC米蘭@1.95    $+475
(4)   名古屋八鯨 [-0.5] 對神戶勝利船 [+0.5]    $600神戶勝利船@2.0   $-600

[ Last edited by feuosma on 2007-4-22 at 05:03 AM ]

feuosma

今日既比賽暫時出住兩場先...稍後再加.....

(5)        紐卡素 對 車路士[-0.5] (車路士讓半球)
車路士@1.5$1000

真係估唔到曼聯咁快又失分…..呢場波車仔上下肯定會付出200%既努力 (即使週中對利記…)因為呢個真係可遇不可求既機會……而晌呢個世上我睇唔到有邊一隊球隊可以阻止抱住必勝決心既車仔勝利……更莫講話攻不銳…守不穩…..近期狀態相當差既紐記…..呢隊野近呢兩個幾月既聯賽只係勝錫非聯…..呢場波真係講多都嘥口水……呢場波…. 車路士….

(6)        漢堡 [-0.5] 對 緬恩斯 (漢堡讓半球)
漢堡@1.65$500

今年既德甲真係……依家差唔多有10隊有機會降班……咁樣唔係競爭劇烈…而係代表成個聯賽水平都差…..今晚比勒費爾德多蒙特波琴三隊竟然一齊勝出(真係六合彩都冇咁難中….)….. 漢堡依家話就話排第9…但竟然只係高過護級線2分….今場對住後防極差既緬恩斯係最佳既搶分機會……緬恩斯近4場失左11球….而漢堡自從新教練史提文斯上任後大改進….近9場6勝2和1負…..只係輸比狀態顛峰既史特加….
睇番賠率方面漢堡勝只係1.65…..而同時另一場漢諾威對慕遜加柏既比賽漢諾威勝係1.75…..漢堡同緬恩斯既績分只係差5分…..而漢諾威同慕遜加柏就差10分…. 漢諾威勝出竟然仲冷d……唔駛問…. 呢場波…. 漢堡….

[ Last edited by feuosma on 2007-4-22 at 05:14 AM ]

feuosma

Originally posted by playbr2 at 2007-4-22 05:13:


1. 黑色点解???

2. 你毎次d錢都係慮積架可 ?!? 吾會話下次d錢又由頭黎過 , 永遠吾洗破產

1. 無輸無勝...
2. 梗係累積!!!!!...如果係咁玩有mud意思????

你仲未訓???...我依家訓啦....

feuosma

(7)        華域克 [-0.5] 對 威廉二世 (華域克讓半球)
華域克@2.0$400

今個禮拜荷甲相當多榜首及榜尾大戰…..呢場係其中一場….以下係荷甲榜尾形勢…
14 威廉二世 32戰30分 得失球 -31
15 荷華高斯 32戰 29分 得失球 -26
16 精英隊 32戰 27分 得失球 -22
17 華域克 32戰 26分 得失球-26
18 海牙 32戰17分 得失球-29
       
海牙已經肯定降班…..16同17位就要打附加賽…..同日仲有另一場荷華高斯對精英隊…而選呢場既原因係華域克近態較佳…近4場主場3勝1和入11球 (打和阿積士2:2)…對住同級既荷華高斯海牙鹿特丹斯巴達都勝出…..而威廉二世既作客成績實在太差…16場作客1勝4和11負失36球……對住同級既海牙精英隊鹿特丹斯巴達都輸….近態都差過華域克(呢個月兩連敗….合共失6球…)

不過荷甲從來都係相當難估….呢場波華域克賠率方面外國暫時平均為1.98…..與馬會開出相若….(另一場荷華高斯對精英隊馬會開盤亦與外國平均相若…)…可見其實連莊家本身對結果亦不太有方向….不過我始終唔放心荷華高斯同精英隊各取一分既可能性…..而華域克需分既情況係最迫切…而最主要係佢地近期晌主場打得好…..所以兩場護級大戰我選呢場….. 呢場波…. 華域克….
(呢場我雖然都有把握…但荷甲簡直係我既惡夢…….呢場波小注好d…..)

feuosma

哈...你班友仔...成日入黎搞搞震冇幫親.......今晚就勝比你地睇....

(8)        比拉馬 [-0.25] 對 科英布拉大學 [+0.25] (比拉馬讓平半)
比拉馬 @2.05$1000

又一場護級大戰…狀態方面…比拉馬近期只曾於作客時兩負士砵亭…..而近期雖只勝一場….但其餘對手均為賓菲加士砵亭波圖布拉加等勁旅….上場面對同級既塞圖巴爾即取勝…….主要原因為季中比拉馬引入幾名新球員加強攻擊力……成績亦同時好轉…..科英布拉大學近態就差…7場不勝……賠率方面…比拉馬全季只勝3場……科英布拉大學最近5場作客僅一敗….比拉馬聯賽積分及排名均低於科英布拉大學…但盤口仍為主隊讓平半…..
呢場波我都有信心……比拉馬……

(9)        曼聯 對 AC米蘭 (入球中位數2.5球)
細 @1.60$1000

意大利球隊最出名既就係佢地既防守……即使冇之前羅馬果場波…佢地晌歐戰作客時亦不主動進攻…入波亦甚少…(上輪作客拜仁焗攻當然例外…)今場波米蘭吸取左羅馬既教訓…..肯定不會和曼聯搶攻…..而今場波A米前線掛帥既基拿甸奴既表現亦…..近期A米晌意甲既入球力因冇肥哨晌度而好難出現…….曼聯方面…近期既入球可謂多羅羅….但大家要明白A米並唔係屈福特錫非聯同不自量力既羅馬…..曼聯球員依家當然比2年前成熟好多…..但佢地面對既尼士達同幫利拿都係國家隊成員……而曼聯近兩場既表現大家都見到…….

(我都考慮過A米下盤….不過我始終唔敢睇小曼聯….畢竟佢地比2年前強得多…..)

feuosma

晌度同大家講唔好意思…..一就係尋日既表現…..另外係今日既握介因時間關係較簡略……

見到大家好似對馬會既讓球盤 (俗稱亞洲盤...filter-074 Handicap…)好像不太熟悉…..而且kakei開既考眼光亦經常有讓球盤…….所以晌度作一簡單解釋…..可見下表…(讓球盤只有2個選擇….選中既當然得到該場既賠率…..下表主要為新手而設…..不過如果大家係赌開既下面所講既只係小兒科)…

我相信大家睇完可能都未必完全明……(因為要完全解釋清楚要打好多字…歡近大家發問….)

feuosma

今晚既推介尋晚出左......維持不變.....

既然有時間...晌度比大家睇一d關於歐聯既有趣賠率......(轉自某外國赌網gamebxxxxx......)

(1) 今年既冠軍會係邊個國家既球隊????

英格蘭@1.16...
意大利@4.50...

(2) 今年既冠軍會唔會係第一次攞冠軍????

係@2.85...
唔係@1.37...

(3) 決賽對陣係???

曼聯對車仔@2.50...
A米對車仔@3.50...
利記對曼聯@3.60...
A米對利記@4.10...

(4) 邊隊英格蘭既球隊會晌四強後行得最遠 (邊隊成績會最好)???

車仔@2.50...
曼聯@2.75...
利記@3.0...

(5) 利記同車仔邊個晉級???

車仔@1.65...
利記@2.15...

(6) 曼聯同A米邊個晉級???

曼聯@1.70...
A米@2.10...

(7)今晚曼聯對A米...

曼聯有波入@1.20...
A米有波入@1.55...
曼聯唔失波@2.20...
A米唔失波@3.50...

(8)明晚車仔對利記...

車仔有波入@1.22...
利記有波入@1.53...
車仔唔失波@2.20...
利記唔失波@3.50...

feuosma

Originally posted by 艾力克 at 2007-4-25 01:35:
無聊得黎又幾難估
係咪得車仔未攞過歐聯冠軍?

YES

你有所不知喇...呢d晌外國係一d都唔無聊同好正路既玩法黎架喇已經.....(因為外國既莊家推出既花樣多馬會好多好多好多...)
佢地有d真係笑死你.....好似今晚我晌外國既壇見到佢地討論得最多既以呢個....

全場兩隊合共換人次數係???
6次@2.1
少過6次@1.6

紅字係佢地班友仔既推介.....

[ Last edited by feuosma on 2007-4-25 at 01:48 AM ]