locklock

Originally posted by MaxFigo at 2007-8-1 03:56 AM:
我會選擇4231
AC的4321聖誕...

４２３１唔係一定打三個防中既！
打三個攻中都可以。

　　　　　　　Kahn
　Jansen, Lucio, Demichelis, Lahm
　　Ribery,  Altintop,  Ze Roberto
　　Schweinsteiger Van Bommel
　　　　　　　Klose

艾天托可以打防中，羅拔圖又係可以打防中，列貝利就做派路角色！
前面三枝大柱頂住，後面打後排快攻！

還有今季迪米捷利斯好合希帥眼緣，因為一高一矮的後防才是最好的組合，
一個快，一個高，可以護補不足。雲派頓和盧斯奧係時候輪換了！

高路斯和東尼兩個同時在場上，可能會撞位。
所以輪換，或落後時才用雙塔戰術，都不錯。

其實當日馬生比羅拔圖走人，肯定係一個大錯。

最後普波斯基就最為鑑戒，因為希帥下半季都比足機會佢，
結局一次又一次另希帥失望，此子有迷失ＦＥＥＬ，看來要回復過來，
還有好長的路要走！

　　　　　　　　　　　人類出世也是一個離開也是一個

MaxFigo

Originally posted by locklock at 2007-8-1 12:21 PM:

４２３１唔係一定打三個防中既！
...

4231，肯定係踢兩個防中、三個攻中
踢三個防中o既係4321，即你而家極力推介o既呢個陣
講4231唔係踢3個防中，等於話442唔係踢3個後衛一樣....
請你搞清楚兩個陣式o既分別

況且，列貝利同派路絕對係兩種球員
搵個翼鋒黎踢防中....既浪費佢才華，亦會令攻守完全失衡

若然真係如你所講，再配上艾天托、薜羅拔圖的話
呢條中場線可謂全無防守能力可言
雖知薜羅拔圖係巴西踢防中只係客串性質，佢真正位置係左中場
一隊世界級球隊無一個正宗防守中場作為第一道防線，
結果只會同「銀河艦隊時代」o既皇馬一樣....

攻中方面，用上雲邦姆....
等於廢掉中場o既組織能力...

當今球壇，得中場得天下
失中場者，無論你前鋒有幾勁、後衛有幾強，都係無謂
偏偏呢條中場線，位置完全錯配，攻不銳、守不穩....


好彩拜仁o既領隊...係希斯菲特...而唔係....


[ Last edited by MaxFigo on 2007-8-1 at 08:16 PM ]

cwc_tkd

Originally posted by MaxFigo at 2007-8-1 08:13 PM:


4231，肯定係踢兩個防中、三個攻...

絕對同意, 睇到lock生個咁出色o既陣都有d興奮.
係帶起討論o既興奮!

第一, 雲邦美100%唔岩踢偏左o既攻中, 佢反而岩踢lock生係所講o既4-3-2-1中o既"3",佢o既踢法係o係中場掃蕩, head波, 同偶然o既後上射波, 上屆已經証明佢唔係波歷克o既接班人, 亦唔識組織攻勢.請唔係將佢放咁前, 咁會令佢冇晒作用.

第二, 列貝利踢"3" 入面o既右中場, 一定唔係佢最佳位置, 3人中場其實最好係2個踢法平均o既中場加一個斬柴佬, 例如英格蘭可以用夏格 搭 雙特, 攻守兼備, 非常全面. 我唔清楚列貝利識唔識防守或轉守為攻, 但以佢o係06 WC o既快翼踢法, 我相信佢最佳位置係左/ 右翼.

第三, 其實正如maxfigo兄所講, ze roberto 最佳位置係左中, 但佢踢法全面, "3" 入面左路位置佢都可以應付到,但我諗如果佢踢4-4-2 / 4-2-3-1 入面左路角色佢會發揮得最好!

其實拜仁打4-3-2-1 唔係唔得,
中場以前o既配搭最好係 :

艾天托 - 雲邦美 - ze roberto
    列貝利 - 舒維c迪加
           東尼 / klose
但咁就會變左好難同時出到東尼 & klose,

4-2-3-1可能會更有侵略性

       艾天托 - 雲邦美
列貝利 - 舒維c迪加 - ze roberto
           東尼 / klose

但亦會出現上述問題, 但比我揀我會揀klose, 因為佢踢開德甲, 踢到熟晒, 唔洗重新適應.
反面東尼就冇咁全面, 又要適應新環境.

4-4-2 亦係一個不俗選擇

列貝利 - 雲邦美 - 舒維c迪加 - ze roberto
            東尼 - klose
舒維c迪加 同 ze roberto 可因應戰術或場上情況互換, 而ze roberto 年紀漸大, 可以同艾天托輪流上陣, 如果艾天托上陣o既話, 左路就由舒維c迪加踢.

所以我諗4-4-2 係比較顯現到拜仁o既踢法, 又可以踢2翼, 雙中場中又可head波, 又可組織攻勢

[ Last edited by cwc_tkd on 2007-8-1 at 09:29 PM ]

johnlaisin

一日未打德甲一日未知會係點
老實講東尼+klose未必會好
兩位人兄當年拍擋都係快的技術型前鋒
如果打一前鋒又出邊個,計數用一前鋒就唔須要又買東尼+klose

cwc_tkd

Originally posted by johnlaisin at 2007-8-1 09:46 PM:
一日未打德甲一日未知會係點
老實講...

所以我都講左, 如果選我會選klose,
但要用4-4-2的話, 可能出晒2個都ok.
因為有2翼供應.

locklock

Originally posted by cwc_tkd at 2007-8-1 09:49 PM:
所以我都講左, 如果選我會選klose,
但要用4-4-2的話, 可能出晒2個都ok.
因為有2翼供應.

如果要出高路斯和東尼，只可以用菱型４４２，一定唔可以用平行４４２，
咁就會減弱防守力。因為德甲是奉行攻中戰術，差不多所有球隊都有一個攻中。
因此本人覺得希帥會先輪流用高路斯和東尼，唔會一齊出，所以４２３１和４３２１
機會會較高，始終今季唔係完全無歐戰打，只是打低一個層次，也有必要輪換。
如果東尼可以先拿隻足協盃，再下年拿隻歐冠盃，咁今日話佢傻過Ｄ人，就真係傻啦！

　　　　　　　　　　　人類出世也是一個離開也是一個

cwc_tkd

Originally posted by locklock at 2007-8-1 11:13 PM:

如果要出高路斯和東尼，只可以用菱...

請講出拜仁隊中正宗攻中的名字.
舒維c迪加? 普波c基? ze roberto? 列貝利?

其實最接近o既係艾天托,但佢o既打法可能會比較近似派路,自由球同傳送都幾好, 但身體對抗性冇施丹同托迪個d正宗攻咁好. 與格硬其打菱形, 不如搵個防中保護佢仲好!

cwc_tkd

Originally posted by locklock at 2007-8-1 11:13 PM:

如果要出高路斯和東尼，只可以用菱...

仲有, 人人都用攻中,咁咪仲易比人睇通! 你都識講希帥係戰術大師, 佢一定唔會蠢到成季都用攻中為進攻重點, 一定會因應球隊內部/外來因素作出改變, 咁先唔會比對手捉到路, 可能仲會殺對手一個措手不及添!

amigofans

老實講, 我一路無細心睇大家d排陣, 因為我一路既意見係拜仁根本係德國超晒班, 無咩好研究, 442也好4321又同4231都好, 都係唔殺晒唔該去死果種.....

但見阿mixi figo兄同阿周師傅都出手去傾, 又有少少興趣睇下, 點知一睇完真係嚇親.....

點解阿樓主講d咁既痴線嘢, 你地仲同佢玩架.....

4321, 搵3個攻擊球員去打防中, 然後將兩個攻兵去打攻擊中場, 我都係第一次聽....
如阿figo兄所講 4321, 個3果個位, 係代表防守掃蕩中場, 如馬基利尼or斯素高, 或墮後較炮既炮手, 如史高斯同派路, 鑑硬話薜羅拔圖, 列貝利同艾天扥打中場最後真係聞所未聞....

都唔洗分析咁多, 一個小學生球迷or只會打fm既機迷都會答得出你地, 攻擊中場同防中既分別, 仲有4321係咩一回事, 4231又係咩一回事.....

成日咁多分析咁多排陣, 以為你咩料, 點知.....

樓主你果個4321講出去只會笑死人....攪清楚係咩一回事先玩陣啦!!

如果希斯菲特真係同你同一思路就大件事啦, 唔再係咩"冠軍級思維"而係"降班級思維"啦!!

cwc_tkd

Originally posted by filter-052fans at 2007-8-2 12:02 AM:
老實講, 我一路無細心睇大家d排陣, 因...

我見maxfigo兄咁有心機教導樓主, 我咪多咀講左幾句囉..