shehboy

次按問題影響可以幾大無人知, 但無理由好似911黎得咁突然咁震撼, 但上星期尾波幅係拍住911. 所以我認同唔係咁簡單, 係有人借機玩野, 擴大恐慌, 利用反覆上落不斷獲利同低吸.

911發生時所有野都係問號, 航空業全面癱瘓, 係美國國難, 全世界擔心陸續有來, 甚至進入戰爭狀態, 次按問題再嚴重, 都無理由造成咁大,咁突然恐慌.

次按本質上是本土經濟問題, 911則是前所未見的國際政治危機, 性質,規模同速度都有好大分別, 所以如果今次唔係市場對次按反應過敏, 就係當年對911反應遲鈍.

就算次按影響美國消費力全面下降, 令本土經濟進入蕭條, 都要一個過程, 再影響到香港同中國就更間接. 無理由一下就蒲哂出黎.

好多人話次按會搞好耐, 咁而家套哂現既基金, 係唔係可以一路渣住啲cash做king, 唔投資番落個市度? 大陸有內需有奧運有房地產, 佢地係唔係可以咁穩陣, 忍手忍到次按問題搞掂哂至出手?

以上唔係想提出意見, 只係想提出問題.

不過有樣野唔到你唔信, d大戶真係好有黙契, 無論散貨同入貨都一定比老散快, 佢地話恐慌時, 唔好信哂, 佢地話信心回穩時, 亦唔好咁老定, 佢地有d係立心不良, 有d係講真話但估計錯誤, 而股海複雜之處正在於此.