Erocky

係咪專制? 係咪過份?

如果您老婆／女朋友調轉向您列舉番您呢ｄ規條，
咁您咪認真諗下佢專唔專制、過唔過份囉～

如果您覺得好有牢騷、好唔合理、好多辯駁既話，
咁呢ｄ都會係您老婆／女朋友所感覺到既～

我覺得做男生既，千祈唔好話：
「係咁架啦，做女人天生係要對男人千依百順、溫柔體貼、花容月貌、賢良淑德....」
......好多男人都會覺得係應該，但女人就會話唔係好公平～

相反，做女生既，亦千祈唔好話：
「係咁架啦，做男人天生係要對女人千般呵護、細心周到、健碩肅瀟、運籌帷握....」
......好多女人亦會覺得咁係合情合理，當然男人又會話唔係好公平～

其實以上哪一種說法都好，确實對其中一方都唔係好公平，
因為呢ｄ咁既想法同印象，到底係邊個、係幾時定下既呢？
事實上，根本無「明文規定」男女雙方必須係咁樣～

唔同既人、唔同既時代、唔同既觀念，都有唔同既想法同印象，
所以一方覺得理所當然，一方會覺得無理專制～

咁其實，如果自己唔加咁多界限0係度，
談情說愛會唔會輕鬆ｄ同開心ｄ呢？
做到呢ｄ既，固然係好開心；
但係做唔到既，亦都唔代表呢段感情有缺憾！

我覺得呢，「愛」人，
並唔係要將對方改造、變成同自己一樣既形狀，
而係互相影響、互相包容、互相共處。

人，一定會有不同性格、不同想法，
要佢改造到同您一樣，根本無意義，
佢又唔開心、您又辛苦～
更何況，呢種係「愛」咩？

如果調番轉，對方係都要改造您，
您都唔開心啦，係咪？

「改造」－唔係「愛」，係「自私」！

樓上有ｄ朋友都講得0岩，
其實一個伴侣，只要您真心鍾意佢、佢真心鍾意您，就已經好足夠～
如果佢真係鍾意您，想做ｄ野令您開心，
咁您唔使講到出口，佢都會盡力做到您所想既野～
反之，您都會咁做～

所以，點解唔可以愛得悠然一ｄ、輕鬆一ｄ呢？
咁樣，我諗雙方都會相處得舒服一點～

我唔係女仔，更唔係話要幫著女既一方，
我只係想講句忠懇ｄ既說話～

樓主您專唔專制、過唔過份，
其實您自己心裡有數～

重要既，唔係「對方能夠為您做幾多」？
...而係，到底「您能夠為對方做幾多」？

希望幫到樓主、或者係有需要既朋友～ ^_^