笨小孩

琴日講左格老，今日講下羅傑斯。

羅傑斯，好聽D講佢係商品大王，唔好聽講句佢係「商品大鱷」。

佢當然想港元自由兌換，然後將港元舞高弄低，從中賺取暴利！

人民幣係會升值，但人民幣很難以數倍幅度升值，因為係人都知中國以經濟穩定為首，人民幣大幅升值不利中國發展，亦不利中國出口，人民幣暫時亦欠缺自由兌換的條件。

同時，美元才是國際儲備貨幣，美元無可能無止境乏值，現時只係因為次按問題導致美國經濟轉差，美元弱勢亦無可避免，但次按無可能永世存在！當次按結束，美元作為全世界主要的儲備貨幣必然轉強，其它貨幣便有乏值危機。

美元乏值，股票下跌，同時導致資金流入商品市場，推高黃金、石油等價格，或者「商品大鱷」見到美元跌成咁已經開心死啦！

羅傑斯睇好人民幣，當然睇好人民幣資產，買入了大量A股，佢話「那些在2008年賣掉中國公司股票的人，將會像在1908年賣掉美國股票那些人一樣後悔，當時美國股市也經歷了大跌，可是所有買入的人都成了最大贏家。」 無可否認，人民幣升值，人民幣資產一定升值(H股亦會上升，只係時間問題)，近幾個月股市已經不理性下跌，當然是長線投資者最佳的入市良機，但好難想像國際大鱷會是長線投資者…