bbq12345

Originally posted by justhandguns at 2008-4-9 05:35 AM:
大膽d 講句...d 球證一定收左錢... x2

好多球證都唔鐘意Arsenal， Liverpool 同 ManU 通常都有着數。 睇黎Wenger又會上訴！

agree

zxc3201163

Originally posted by bigfish at 2008-4-10 01:30 AM:
我唔係阿仙奴球迷, 不過我客觀地覺得...

超....你又唔係淨係識用"輸波,羸風度"依招

amigofans

Originally posted by HansChan at 2008-4-9 08:01 PM:

咪就係講哩樣嘢!
乜嘢叫點解"...

首先你一開始就睇錯我寫既野, 所以你之後所有既立論都變得無晒意思,
奇就奇在d版主會比你4隻姆指, 呢點幽默亦同本sport版愈來愈冷清有極大關係,
不過此仍題外話, 先回應你及重申我論點一次...

我係話 "點解阿仙奴要追番和?" 而唔係 "點解阿仙奴比人追和?"
請攪清楚兩者既分別先...

我一直講, 阿仙奴當日作客要有如此劣勢, 皆因主場被對手摸和,
假設阿仙奴主場係贏左1比0或者2比1, 當晚作客晏菲路會係另一種形勢,
至少就算被反超前1比2, 根本唔需要急攻, 2比2之時更加係定過抬油...
當然如果你覺得阿仙奴主場係唔應該贏既, 就無野好講...

"個問題係因為自己主場得唔到甜頭, 作客果時唔可以輸,
正因為咁影響到個打法, 一定要狂攻求作客入球, 戰術上已經輸晒.."

呢樣野唔係我主觀既言論, 根本係客觀既事實,
一隊球隊只可以進攻唔可以防守, 戰術上仲有咩變化? 唔係輸蝕唔通好著數?
阿仙奴當晚係一定要有入球, 所以要進攻, 相反利物浦0比0都可以出線!

我好似一路都無話到雲加"戰略失誤", 呢點係你加上去既,
我只係話個形勢令到佢地一定要攻, 戰術上無變化係非常輸蝕..

我覺得球證既判決同門柱門眉, 或至一舊草頭一樣, 都係運氣使然,
明明自己可以踢好d, 但輸波要賴d唔係掌握係自己手上既事情, 好正面?

99年拜仁既古科輸角球, 仲要睇漏蘇斯黑查輸1比2, 賽後佢失控地飲泣,
你估佢係度怪責緊自己多d, 定怨緊無運氣幫助?

amigofans

Originally posted by woooot at 2008-4-11 12:36 AM:
I would say arsenal has been pure u...

你可以睇番曼聯今季, 有幾多次offside吹錯,
因為c7形象唔好, 有幾多球當插水無吹到12碼,

就算利物浦, 車路士被球證吹錯, 個file都有成尺厚....

HansChan

Originally posted by filter-052fans at 2008-4-12 09:52 AM:


首先你一開始就睇錯我寫既野, 所...

比賽可以俾你甘樣搬弄法......仲可以話係客觀的事實.....
ok啦!
總括黎講,你既立論係:
"強隊,主場, 唔贏=導致強攻=戰略錯誤=自己攞黎=唔駛理會外在因素=抵死!"
"你既主觀=全民客觀=好有意義!"

講真!以你甘既講法....唔係講緊比賽,係似啲講波佬做賽前分析,但又唔夠人pro喎,只係好似啲o靚仔甘 "嘩!C朗呀!贏梗喇!!"........

anyway啦!
阿仙奴我係覺得可惜!嗰晚我都睇得好肉緊,追成二比二時,我真係好佩服雲加同阿記各球員!但到球証吹十二碼,我係小晒咀....賽事完咗,係有啲失望添!因我覺得一場可以話今季最classic既比賽係有一個不知所謂既決定變得就算有機會我都唔會再睇既一場賽事!(我唔係因為利記贏,所以甘講!不過我唔介意你借題發揮)...
只不過路過此處見到啲廢話,話"要怪主場自己贏唔到導至身憾險境,所以與人冇尤!",然後話"好心你班友啦, 輸就輸啦!!"

但事實係"雖身憾險境,但將士及軍師用命,可惜最終球証弄人!"
我覺得真正去睇比賽係應該睇到後者.....而"嘩,c朗呀,勁呀!"然後去計數甘計場球賽既人會睇到前者!

最後!以本人之前既言論,即使有人話我睇錯佢既說話而發言冇意思......可以甘講既....但我亦知老兄你為人自我中心,所以之前一大段亦不失相對你冇理言詞既說話,可能我唔夠班令你睇唔出,以致"被追和"同"主場贏唔到"之間出現意思一點都唔相關(??!),
"阿仙奴除左怪欠運之外, 點解唔問下自己, 主場果場點解係1比1? 如果上星期主場贏既話, 相信而家出局既係利物浦!!"(大大隻字寫住"如果主場贏的話".....同"被追和,贏唔到"....甘冇關??"
所以你會覺得自己講既嘢同人match唔到....唔係唔係.....係我講既嘢同你match唔到先岩!

[ Last edited by HansChan on 2008-4-12 at 11:39 AM ]

amigofans

Originally posted by HansChan at 2008-4-12 11:13 AM:
比賽可以俾你甘樣搬弄法......仲可以話係客觀的事實.....
ok啦! 總括黎講,你既立論係:
"強隊,主場, 唔贏=導致強攻=戰略錯誤=自己攞黎=唔駛理會外在因素=抵死!"
"你既主觀=全民客觀=好有意義!"

"個問題係因為自己主場得唔到甜頭, 作客果時唔可以輸,
正因為咁影響到個打法, 一定要狂攻求作客入球, 戰術上已經輸晒.."

第一, 請問以上藍色字既有邊一樣野唔係"事實"? 又有邊一點係 "主觀"? 歡迎指出!!
等於"差包剪揼只可以出包", "捉象棋只可以進", "打卓球只可以pot波唔可以set q",
"請問只可以進攻, 戰術上輸晒" 點樣唔係 "客觀事實"??

我無講過"戰略錯誤", "自己攞黎" 同 "抵死" , 又係閣下自己無中生有,
呢個扣人帽子既係閣下討論既style?

但我亦知老兄你為人自我中心,所以之前一大段亦不失相對你冇理言詞既說話,可能我唔夠班令你睇唔出,以致"被追和"同"主場贏唔到"之間出現意思一點都唔相關

所以要消化別人講既野, 先作出回應係比較好, 就如你呢段野, 我真係唔明你up緊咩,
所以回應唔到...

最後重申一次我立場, 如下:

1. 我無講過阿仙奴出局係抵死
2. 球證電光火石間要作決定, 吹錯唔出奇, 當晚果球亦有吹錯既道理
3. 球證誤判, 係屬運氣一部份, 輸波總唔能夠次次賴"欠運"
4. fans替阿仙奴不值之時, 不可忘記其實出局同近黎既狀態有好大關係

HansChan

Originally posted by filter-052fans at 2008-4-12 12:46 PM:


試諗下如果上週係主場贏緊2比1或者1比0, 尋晚輸緊3比2, 洗唔洗出局?
仲洗唔洗成隊谷晒上去輸多球?

個問題係因為自己主場得唔到甜頭, 作客果時唔可以輸,
正因為咁影響到個打法, 一定要狂攻求作客入球, 戰術上已經輸晒..

以你第一句講既嘢,佢哋主場贏唔到就要出局(你反問人洗唔洗出局...)...成隊谷晒上去輸多球係因為十二碼令佢哋輸三比二,最後仲比人入多波!所以你既意思係阿記主場贏的話,就算佢哋被誤判輸球十二碼,三比二落後,佢都唔駛谷晒上去輸多球!我估我冇會錯你意啦!(唉.....你又認為你冇講過嘛!得!明的了!)

ok!
(1)做乜要分主客?!就係相方都有侵略同守住自己城池既場次...我唔同你講阿記主場應唔應該有球十二碼,總之就係主場和咗啦!甘有個甘既原因或情況,就要有相對既策略,如果唔係要個領隊做乜?甘因為要入球,所以要攻,哩樣嘢就係客觀事實,而唔係戰術上輸晒,邊個可以講?如果當晚阿記出線你還可以話佢戰術上輸晒??如果阿記當晚唔攻主守最後出唔到線,哩個叫戰術失當!唔係輸唔輸晒!戰術何來贏晒輸晒??係需要定唔需要!
(2)比賽! 比賽冇話應該贏定輸,阿記第一場冇甜頭,佢哋有兩樣嘢可以做...一係放棄...二係贏返反黎!佢哋當然選二啦,甘去攻囉!輸緊二比一,雲加調動...拍案叫絕,二比二!去到哩度,戰術客觀地講直頭可以叫成功!!之後失敗原因為乜?球証! 以你既講法係因為阿記首場自己贏唔到,所以球証一犯錯以致贏唔到,如果佢哋自己首場贏咗,就話之個球証既哩一個犯錯啦!之後你就推出你既"客觀學說戰術輸晒!"甘樣講唔係本末倒置係乜??一班波只可以跟據面前事實去做相對既嘢(第一場冇甜頭,第二場攻!)......一個甘既外在因素(球証),可以仲有咩嘢策略??所以我就講出之前講既"冇得乜嘢都問點解,有得問點解自己第一場唔贏"我話因為係比賽,唔可能甘樣去問點解,只可以以面前既情況做相對合適既嘢,甘先叫比賽!
所以我話阿仙奴可惜,但唔可以話認為球証既犯錯以致佢哋出局係"賴"...以你既說法佢哋主場贏可以"接受"球証犯錯既哩種講法,係你既"主觀"!我用"可惜"一詞,因為運氣我亦都講話係比賽之一!
(以閣下既為人定必會話自己冇講過可以接受球証犯錯之類既說話......唉.....大家都明你意思的了!!)
可能你唔明我講乜啦!
不打緊!
只係以你既說法,我去作出一個結論:
"主場,唔贏=作客狂攻=戰術上輸晒(哈!同戰術失誤係唔同o架!!學到嘢了!)=抵死"
唔係老作你,係你自己說話既意思!(我又會錯意了!唉!!)
"抵死"一詞,你話唔係就唔係囉!
你就講到"理所當然"甘喇!

你唔明人既說話,可以先諗諗自己係咪唔夠班...自己消化唔到!

"嘩,c朗呀!勁呀!!贏梗喇!!!!!!!!!!!!!!!!!"

[ Last edited by HansChan on 2008-4-12 at 01:41 PM ]

T14H

Originally posted by filter-052fans at 2008-4-12 12:46 PM:


"個問題係因...

戰術上係輸,係只可以進攻,
但都只係起佢地仲未入到波ge情況之下.
佢地仲要入到2粒啦.

球證有冇水準,的確可以話係運氣,
但亦都可以為人所控制,但話題咁敏感唔講啦.
但其實都可以改善,點解唔用科技支援下球證呢,
呀白生仲話球證判決都係比賽精彩ge一部份,
連最高級ge都講埋d咁無體育精神ge野,
都唔洗講求公平比賽啦,以後有人受傷都唔好旨意對面踢波出界...

amigofans

Originally posted by HansChan at 2008-4-12 01:30 PM:

試諗下如果上週係主場贏緊2比1或者1比0, 尋晚輸緊3比2, 洗唔洗出局?
仲洗唔洗成隊谷晒上去輸多球?

以你第一句講既嘢,佢哋主場贏唔到就要出局(你反問人洗唔洗出局...)...

我唔明點解我句野會被曲解成, "主場贏唔到就要出局", 又係你自己up, 真係荒謬絕論
簡單講, 我既意思係話, 如果第一回合贏到, 次回作輸緊3比2都唔洗谷上去輸埋第4球!!

回應你第一點, 分主客最大原因係商業因素, 唔係咩互攻互守自己既城池,
無人話主場一定要攻, 作客一定要守...

阿仙奴果晚當然唔可以輸, 而且仲一定要入到波, 所以只能獨沽一味進攻,
我就比喻為 "差包剪揼只可以出包" 一樣, 利物浦可以選擇 進攻 或 防守,
再配合不同既陣式同球員, 戰術上自己係變化較多, 正所謂可以睇形勢黎踢既主動波
阿仙奴無得揀, 只有進攻求入球, 戰術上唔係輸晒係咩? 唔通反而有著數?

回應你第二點, 我好似一路講緊既係賽前個局勢, 阿仙奴係戰術上已經輸晒比利物浦
我好似從來無提過當晚場波雙方戰術運用係誰勝誰負....

由我第一個post開始, 都無話阿仙奴抵死自作孽, 我係話利物浦根本唔係打得好,
輸果兩球尤如送大禮, 阿仙奴把握唔到對手既失誤比人入到2球, 自己有一定責任..

你問小弟夠唔夠班消化你既說話, 請先檢討自己既中文水平....

至於你多次打果句"c朗xxx", 請唔好誤導別人,
我雖係曼聯fans, 但絕對唔係c7放了屁也讚響既人,
我在此sport版讚美c7既post, 可能你反轉成個26fun, 都搵唔到一個半個....

amigofans

Originally posted by T14H at 2008-4-12 02:16 PM:

戰術上係輸,係只可以進攻,
但都只...

一d都唔敏感, 其實我無完全否定會有人作弊,
我既疑問係點解頂針對阿仙奴唔針對利物浦, 講到話用錢收買球證,
點解阿仙奴唔收買番d球證轉頭? 佢地無錢?

咁聯賽點解又12場贏得2場? 所有對手都有錢過佢地?

至於你講用科技呢一點, 其實你都明白...
攪個晶片足球都攪唔到, fifa班友鬼, 唔會攪到d咩出黎...
繼續害d球證比人問侯祖宗18代啦...