[外幣投資] [焦點討論] 論人民幣升值：人民幣並非無風險

笨小孩

香港人總係鍾意一窩蜂做同一件事…

小孩並非外匯專家，但早在大半年前，小孩已經同個FD「旺角巴菲特」講人民幣一定會持續升值，至少亦會升至八字頭，甚至到80蚊，當時港元兌人民幣96蚊，旺角巴菲特聽完當然係半信半疑，甚至當我係發UP瘋。因為旺角巴菲特經常來往內地，人民幣有實際需要，我當然極力游說佢買番D人民幣，可惜佢直至今年初見人民幣真係升左先買番少少(大約93蚊左右)，但佢仍同我講人民幣唔會升咁快，唔洗買咁多…我無言…呢幾日佢同我講佢終於相信了，好後悔之前唔入多D人民幣…


後知後覺

自06年底07年初人民幣升穿100元開始，內地開始唔收港幣，人民幣注定要升值，政策上已非常明顯。但中國政策一向以經濟穩定為首，人民幣升值只會循序漸進，慢慢升值。07年由100元升至94元，一年升值6元，平均每季升值不足2元，但今年第一季已由94元升穿90元，一季升值4元，速度明顯加快。人民幣升值步伐突然加快，有多個特殊原因。首先，美國受次按影響，多次減息，實行弱美元政策，美元乏值，令人民幣升值加快；另一方面，內地通漲嚴重，加快升值亦對減低通漲有利。


人民幣並非無風險

當人民幣升穿90元被傳媒廣泛報導時，市民才一窩蜂買入人民幣，市場有一種錯誤的信息令市民認為投資人民幣是毫無風險的。

好多人現階段入人民幣是在賭人民幣高速升值，連商品大王亦話人民幣可升值幾倍。但實際上是大錯特錯，人民幣無可能無止境升值，中國政策亦不允許。

人民幣升值過急，或過度升值會影響中國出口，不利中國經濟發展。

熱錢過度流入中國，令人民幣資產過度升值造成泡沫，這亦係中國政府唔想見到的。

美元弱勢是令人民幣近幾個月升值的主要原因，近期全球各國包括歐洲國家不滿弱美元政策，相信美元無可能無止境乏值，隨著美國已沒有太多減息空間，若次按問題予緩，美元作為全球主要儲備貨幣，一定導致美元兌各國貨幣升值，亦促使人民幣升值步伐明顯減慢。


小孩言論好似睇得好淡，其實唔係，因為我見有人唔係投資人民幣，而係賭人民幣升值，甚至借錢去買人民幣，最後可能鑄成大錯。相信人民幣今年仍會持續升值，全年大約8-10%，是全年計，今年第一季已經升了5%。而09年升值步伐可能會減慢，2010年或者已沒有升值空間，界時若人民幣乏值會帶來重大危機，難以想像所有人拋售人民幣以及人民幣資產的情況…


唔知大家會唔會因為港元乏值，人民幣升值，而買入人民幣，其實若有實際需要(經常出入內地)，現階段仍可以買入人民幣，但如果你係想炒人民幣升值，並不建議，人民幣投資亦只可以佔投資組合中的一部分。


或者大家會有不同意見，歡迎發表！

大家又對港元乏值，人民幣升值有乜睇法？

以理性討論為主，有POINT有分加+

rfky

其實我有少少唔係好同意, 今年既情況應該會幾特別, 如果一年要將人民幣升值某個百分比, 今年應該先快後慢既一年, 假設一年要升值百分之十, 今年第一季已經升左接近五個百分點, 如果假設係存在既話, 相對上下半年人民幣既升值壓力會冇咁大, 始終以穩定為大前題既中央政府如果可以做到係奧運前後期間冇亂子就最好, 所以係外圍調整既情況下, 政策市既中國基本上出招踩一腳已經好容易收效, 甚至乎我會覺得係比外圍重差, 睇下第一季A股同H股係比出面重差就知, 所以人民幣都可能係係第一季美國不斷減息既情況下, 順理成章加快少少升值, 舒緩升值壓力, 打擊通脹, 打擊過熱經濟, 我唔敢百分百肯定, 不過今年真係有可能先快後慢

至於下年或者2010年, 我都唔係好識睇, 美元會唔會見底回升好視乎本土經濟, 但係不論美元走勢如何, 長遠黎講人民幣都要升值, 最起碼都唔會係而家既一對七, 所以而家追人民幣好似比一對八個陣冇咁吸引, 但係長遠我覺得風險都係唔大, 當然你個句好啱, 炒就梗係唔好啦

笨小孩

Originally posted by rfky at 2008-4-11 12:33 AM:
其實我有少少唔係好同意, 今年既情況...

係呀，今年上半年人民幣升值速度會加快，但下半年有機會放緩

chong2002

唔係咁識投資,黎學野 + 轉貼新聞^^"

人民幣首度破「七」大關
(星島) 04月 11日 星期五 05:30AM
(綜合報道)



(星島日報    報道)人民幣對美元    中間價昨日首度「破七」，收報六點九九二零，進入「六」年代，改寫了匯改以來新高紀錄，人民幣匯率走勢日益牽動全球經濟的神經。

　　中國政府在九四年結束了匯率雙軌制，將人民幣官方匯率與外匯調劑價格正式並軌，實行人民幣匯率釘住單一美元的浮動匯率制。以○五年匯改前的人民幣兌美元八點二七六五比一計算，目前人民幣兌美元累計升值超過百分之十六。今年以來，人民幣兌美元升值步伐進一步加快，人民幣對美元已創下三十一個歷史新高，累計升值百分之四點三。

　　人民幣兌美元自上月底升近七算關口時，曾一改早前快速爬升的態勢，出現了數日的反覆，在美國    財長保爾森上周訪華期間更保持穩定，直至今天才一舉突破，再度印證了中國通常會在重大政治會晤期間維持匯率穩定的觀點。

　　或掀出口企業結業潮

　　中國發展戰略專家武建東指，人民幣升值是中國政府用升值辦法來應對通貨膨脹，下一步是否像市場預期「破六」、「破五」，他指人民幣升值不宜太快，否則導致中國出口大受影響，同時也令中國加工出口企業大量倒閉。

　　中金首席經濟學家哈繼銘表示，人民幣升「破七」後，只會保持近期升值的速度，目前中國通脹壓力很大，今年二月份消費物價指數（CPI）達到百分之八點七新高，預料下半年人民幣升值速度放緩。他補充說，人民幣升值快主因是美元貶值速度快，美元大幅減息至二點二五厘，再減息就變成負利率，因而再減息空間很少，料美元下半年貶值速度放緩，故人民幣升值壓力得以紓緩。

　　專家料下半年速度減

　　哈繼銘指出，中國出口增長放緩，外部需求少，今年中國出口若以人民幣來作價折算，料比去年增長約百分之七，而去年出口增速超過百分之二十。至於人民幣升值對壓抑通脹效果，他認為短期不明顯，長期就明顯，因為企業出口合同在早期簽定，不會因此改變。他推斷若人民幣一次性升值百分之十，六個月內的通脹即時下降百分之零點四，兩年下降百分之二。

　　時富證券研究部董事羅尚沛表示，人民幣升值「破七」，今年內會否「破六」仍有保留，他認為中國政府不會讓人民幣過快升值。他又指，人民幣升值，對內地不同的行業有不同影響，部分企業明顯可因資產價格上升而從中受惠，如內房股和中資銀行股等；但值得注意的是，中資銀行持有不少外匯，該批資產會因此而貶值，尤其是該批資產為數多少還是未知數。至於最受打擊的首推紡織股及出口股，該類企業早已叫苦連天，因其產品價格大升而失去競爭力。

DILLDILLDILL

100蚊港幣換得果88蚊人仔, 真係越搞越唔抵.......
而家上面消費都有D貴, 連以下新聞都有講.......

遊 內 地 旅 行 團 加 價 5%【 本 報 訊 】 「 人 仔 」 強 勢 ， 港 元 望 門 興 嘆 ， 內 地 旅 行 團 已 加 價 5% ， 無 數 經 常 北 上 消 費 的 港 人 感 到 荷 包 越 來 越 縮 水 ， 到 深 圳 吃 喝 玩 樂 要 「 就 住  使 」 ， 不 排 除 以 後 會 減 少 北 上 消 費 。

北 上 消 費 覺 「 蝕 底 」
往 內 地 的 本 港 旅 行 團 不 論 長 線 或 短 途 ， 今 年 以 來 因 為 人 民 幣 升 值 而 齊 齊 加 價 。 香 港 中 旅 社 發 言 人 表 示 ， 九 寨 溝 、 雲 南 等 八 至 九 天 遊 旅 行 團 ， 今 年 內 已 上 調 約 5% 團 費 ， 「 短 途 已 經 盡 量 唔 加 價 ， 由 我  消 化 ， 但 長 途 成 本 較 高 。 」 康 泰 中 國 短 線 營 運 部 高 級 經 理 袁 志 新 稱 ， 短 線 旅 行 團 也 難 逃 加 價 命 運 ， 以 番 禺 兩 天 遊 為 例 ， 團 費 由 年 初 的 639 元 增 至 現 時 690 元 ， 升 幅 為 8% 。
每 星 期 風 雨 不 改 到 深 圳 消 費 的 廖 先 生 ， 以 往 每 次 大 約 消 費 600 元 人 民 幣 ， 多 數 是 飲 飲 食 食 ， 港 元 兌 人 民 幣 變 相 貶 值 ， 令 他 的 「 蝕 底 」 感 覺 非 常 強 烈 ， 「 以 前  張 金 牛 （ 港 幣 1,000 元 ） 兌 換 ， 隨 時 換 番 1,100 蚊 人 民 幣 ，  家 換 到 唔 夠 900 蚊 。 」 今 年 初 港 元 已 低 過 人 民 幣 ， 他 說 在 深 圳 食 肆 光 顧 一 碟 碟 頭 飯 只 需 25 元 人 民 幣 ， 當 時 等 值 26.5 港 元 ， 但 現 時 已 變 相 等 如 28 港 元 ， 「 小 數 怕 長 計 ， 諗 緊 以 後 少  北 上 。 」
人 民 幣 升 值 也 對 本 港 入 口 的 內 地 食 品 造 成 加 價 壓 力 ， 港 九 罐 頭 洋 酒 伙 食 行 商 會 副 監 事 長 李 廣 林 指 ， 罐 頭 與 蛋 類 食 品 今 年 以 來 已 漲 價 三 成 。

搞到上大陸消費都覺得冇癮, 乜都貴............
睇黎大家真係要去少D大陸, 令到大陸冇乜香港人上去, 到時大陸唔降價都唔得, 人仔自然冇咁高.

chong2002

其實依家用人仔買usd 係咪重好?
usd 應該會升上返去架bor...

笨小孩

Originally posted by chong2002 at 2008-4-11 10:56 PM:
其實依家用人仔買usd 係咪重好?
usd 應該會升上返去架bor...

其實唔啱，因為人民幣好明顯會持續升值，但美國弱美元政策亦好明顯，再加上減息因素，真係無法確定美元幾時升番上去，即使美元彈番上去，只會令人民幣升值速度減慢…

相比之下揸人民幣會較安全。

真係除非人民幣升無可升，有乏值危機，而美國經濟轉強，企業盈利上升，美國需要加息控制通漲，先需要將人民幣轉為美元。


而我的做法係將早前買落的人民幣換為港元再買人民幣資產，因為人民幣已經升值，而再升值空間未必太大。人民幣升值，人民幣資產應該升值，但人民幣資產如H股估值偏低，因為個市受次按影響跌左落黎…H股所賺的是人民幣，派息亦係人民幣，中國08年GDP仍會有不錯增長，加上人民幣升值，大多數中國優質企業盈利即使沒有07年強勁，亦唔會太差，股價加上股息，投資一年，要跑贏人民幣10%升值速度，相信唔會太難。

用港幣去買國企股其實好抵買，仲要如果H股股價低於A股的話仲抵。

但因為投資股市的風險遠比投資人民幣要高，所以未必人人可以承受得起

[ Last edited by 笨小孩 on 2008-4-12 at 12:20 AM ]

rfky

Originally posted by 笨小孩 at 2008-4-12 00:12:



其實唔啱，因為人民幣好明顯會...

係呀, 要跑贏通脤, 人民幣係一個幾好既選擇, 如果要跑贏人民幣, 咁就搵人民幣資產啦

笨小孩

http://www.26fun.com/bbs/viewthr ... p;page=1#pid2614218

小孩講野可能冇人信，或者可以聽下其他專家意見。

任 總 ： 港 加 息 壓 通 脹 難 見 效
20/04/2008

【 本 報 訊 】 金 管 局 總 裁 任 志 剛 表 示 ， 本 港 依 賴 進 口 ， 面 對 美 國 和 內 地 通 脹 上 升 ， 不 能 獨 善 其 身 ， 但  率 因 素 對 本 港 通 脹 的 影 響 並 非 太 大 ， 又 認 為 即 使 本 港 加 息 也 未 必 能 壓 抑 通 脹 。 至 於 內 地 透 過 行 政 手 段 控 制 通 脹 ， 成 效 較 市 場 手 段 顯 著 ， 但 影 響 難 以 預 測 ， 呼 籲 參 與 內 地 市 場 的 投 資 者 ， 要 留 意 風 險 。

不 宜 過 份 看 淡 美 元

任 志 剛 昨 日 指 出 ， 聯  制 度 利 多 於 弊 ， 不 可 因 為 短 期 通 脹 升 溫 ， 資 產 價 格 上 升 或 出 現 泡 沫 ， 而 放 棄 與 美 元 掛  ； 聯  制 度 可 以 穩 定 本 港 的  率 ， 對 本 港 的 商 業 和 進 口 都 有 好 處 。 以 目 前 本 港 的 經 濟 情 況 ， 不 一 定 需 要 跟 隨 美 國 減 息 。

他 又 提 醒 美 元  價 雖 持 續 下 跌 ， 也 不 宜 過 份 看 淡 美 元 ， 因 貨 幣  價 短 期 波 動 在 所 難 免 ， 而 美 元 會 維 持 作 為 全 球 儲 備 貨 幣 的 地 位 。

任 志 剛 又 指 出 ， 美 國 次 按 問 題 已 經 接 近 尾 聲 ， 但 因 次 按 引 發 的 信 貸 危 機 ， 及 對 按 揭 市 場 的 影 響 仍 未 明 朗 ， 難 以 預 測 美 國 次 按 危 機 引 發 的 影 響 會 持 續 多 久 ， 但 認 為 救 市 的 手 段 已 經 足 夠 。 對 於 聯 儲 局 應 否 出 手 救 投 資 銀 行 貝 爾 斯 登 ， 任 志 剛 認 為 ， 政 府 干 預 市 場 會 構 成 道 德 風 險 ， 但 大 型 投 資 銀 行 倒 閉 ， 會 嚴 重 影 響 市 場 情 緒 ， 政 府 要 平 衡 道 德 和 對 市 場 的 影 響 。


次 按 影 響 未 明 朗

另 外 ， 就 今 年 首 季 各 個 股 票 市 場 出 現 波 動 ， 港 股 亦 自 高 位 回 落 三 成 ， 任 志 剛 稱 ， 外  基 金 出 現 虧 損 在 所 難 免 ， 即 使 港 股 投 資 導 致 外  基 金 虧 損 ， 亦 會 繼 續 持 有 ， 因 早 前 承 諾 不 會 減 持 港 股 ， 並 對 本 港 長 遠 經 濟 前 景 及 股 市 有 信 心 。


減息潮快完美匯勁彈20/04/2008

市 場 憧 憬 信 貸 危 機 最 壞 時 段 過 去 ， 加 上 有 分 析 指 聯 儲 局 減 息 周 期 接 近 尾 聲 ， 美 元 出 現 強 勁 反 彈 ， 歐 元 兌 美 元 錄 逾 兩 周 最 大 跌 幅 ， 上 周 五 收 市 報 1.5817 ， 跌 0.92 美 仙 ； 而 美 元 兌 日 圓 則 曾 高 見 104.65 ， 收 市 報 103.67 ， 升 1.18 日 圓 。 另 紐 約 期 油 一 度 高 見 每 桶 116.97 美 元 ， 收 市 雖 回 落 至 116.69 美 元 ， 仍 創 收 市 新 高 。

ING Financial Markets 駐 紐 約 坐 盤 交 易 主 任 Matthew Kassel 表 示 ， 現 在 市 場 上 已 沒 有 人 預 測 聯 儲 局 本 月 會 減 息 0.5 厘 ， 加 上 兩 年 期 國 庫 券 孳 息 上 周 累 升 0.39 厘 等 ， 這 些 都 對 美 元 有 支 持 。


注：

任總、ING交易主任所講，美元作為全球儲備貨幣不能過份看淡美元，美元減息快完，使美元已出現強勁反彈。並非馬後炮，小孩早在10日前已指出該事實，大家可以留意第一個POST。

[ Last edited by 笨小孩 on 2008-4-20 at 01:56 PM ]

笨小孩

人民幣擴買賣差價，中國銀行研究員倡人民幣一次性貶值，市場對人民幣升值由樂觀轉為悲觀，預期人民幣升值速度將會放緩…

都係果句，已經講過好多次，人民幣升值過急有損中國經濟，小孩睇到，內地官員亦會睇到，任總亦提醒了大家，如果仍有人賭人民幣高速升值就真係抵死！

驀然回首，當時將人民幣換回港元，再買人民幣資產(H股)是一種明智的選擇。反而我唔明白點解香港的銀行搞咁多"人民幣一條龍"服務，將平民的銀紙盡入銀行家的手中，之前淨係SELL "I kill you later" 合約都賺唔少，連香港最有錢的人的財富都渣乾渣盡，難怪好多人話買銀行股穩陣，試想想佢地咁識「做生意」，想唔賺都難啦…

[ Last edited by 笨小孩 on 2008-5-8 at 12:30 AM ]