[股票經營] 網龍8288

vicent123

有冇股友留意呢隻8288網龍, 業績增長強勁,
唔知佢網上的遊戲掂唔掂呢?因為我自己冇打開
game, 所以想打探一下, 我自己就返大陸見d網吧經常都
爆滿, 大部份人都在上網打機, 應該有作為吧!

笨小孩

Originally posted by vicent123 at 2008-4-20 01:15 AM:
有冇股友留意呢隻8288網龍, 業績增長...

網上遊戲仍有發展空間，但當中競爭亦非常激烈，如果睇好內地網上遊戲市場，金山軟件3888會較好，因為除了網上遊戲之外，金山還有佔龍頭地位的應用軟件開發和分銷，盈利增長會有較高保證。

但要留意兩隻股票成交量極低，股價可以大起大落，遇上市場氣氛逆轉會毫無防守性。另外，雖然兩隻股票業績增長強勁，但自從業績後亦有頗大的升幅，現價追入有風險，可待股價回吐後才考慮買入。

vicent123

非常細心的分析, 金山軟件我都有留言, 不過金山的賺錢能力好似冇網龍咁勁, 當然金山有其他軟件業務, 收入可能較穩定。

笨小孩

Originally posted by vicent123 at 2008-4-20 10:02 PM:
非常細心的分析, 金山軟件我都有留言, 不過金山的賺錢能力好似冇網龍咁勁, 當然金山有其他軟件業務, 收入可能較穩定。

因為ONLINE GAME去年增長強勁才導致網龍去年賺得多，但如果遊戲市場開始收縮，或有其它競爭者加入，業績太集中的網龍就未必能保持強勁的盈利增長甚至虧損，但金山軟件即使遊戲軟件增長放緩，仍有盈利有保證的應用軟件可以支撐整體盈利。

因此，相比之下網龍風險較高，但高風險同時意味高回報，自己衡量一下囉！

其實細細地玩下係可以既，但我始終比較睇好金山軟件3888！

[ Last edited by 笨小孩 on 2008-4-20 at 11:12 PM ]

笨小孩

仲有一點我一定要講，差d忘記講…

我好鍾意打機，尤其係電腦遊戲，玩過超過十隻online game，所以好有資格評論現時網路遊戲市場。感覺上現時太多online game，有d質素低劣，根本冇興趣玩，而我最近已經冇玩，亦冇乜興趣玩。

遊戲係人類消閒娛樂的一部分，但人類玩遊戲的模式可以不斷轉變。過去幾年好多人走去玩online game，但因為好多人沉迷遊戲，為打機而逃學、打機打到猝死、為了道具自殺的新聞不斷出現，社會對此類遊戲不太認同。最近，我比較鍾意玩wii，好好玩，相信會越來越多人玩。Wii有wii fit 可以做運動，可以減肥，wii又可以網上對戰，可以同世界各地朋友一起玩，可見網上對戰已不是online game的專利，而我更相信未來遊戲的大趨勢係走wii的路線，或更為人工智能的遊戲。

當然，電腦遊戲與電視遊戲可能係兩個不同市場，但對於我，一個電腦遊戲迷黎講，online game已失去吸引力，若有更新型的遊戲，一定會去試玩，所以我覺得online game市場遲早會萎縮，或者會被其它新遊戲取代。

[ Last edited by 笨小孩 on 2008-4-21 at 12:08 AM ]