艾力克

5年拍20幾次拖, 好叻
但另一方面, 咪即係散左20幾次拖

雄性動物見倒雌性動物只要pat pat大就會同佢交配
你依5年時間, 真係冇乜時間係冇拍拖
咁係你好易搵倒你鍾意o既人(周街都係), 定一話你只係想搵個人陪你? 因為你內心其實好空虛, 所以你需要身邊o既人黎充實你o既生活?

你話你每一次拍拖都係真心鍾意一個人, 但每一次都係以性結束, 咁又衍生倒幾個問題...
1. 你鍾意一個人, 同佢一齊, 你係想佢開心, 生活過得好d; 定一話你係想佢令你生活過得好d?

2. 會唔會係你做左d咩暗示, 令佢覺得要用性先可以同你繼續一齊? 唔係o既話, 就可能佢都係一個出黎玩o既人, 諗住拍下散拖(你之前話左你係想拍散拖, 唔好話唔係);
如果兩個都係出黎玩, 咁就冇乜所謂; 但如果人地係認真, 做完就散其實係好hurt

3. 如果你認為性就係終點, 咁你一早咪唔知段愛情仲有d咩俾倒你囉
拍拖其實係享受個過程, 基本上你同一個你鍾意o既人一齊, 你已經會好開心 (你唔係o既話, 咁你當初點解會同o個個人o係埋一齊?); 另外, 有點需要糾正, 性並唔係一段感情o既終於, 而係一段愛情o既轉捩點, 亦即係你認定對方係適合你, 可以同佢一齊

4. 真心鍾意一個人, 其實真係好難鍾意倒第2個; 如果你女友乜都冇做錯, 仍然係你之前鍾意o個個, 但你都鍾意第2個, 咁問題好明顯就係o係你身上
你話可以兩個都係同時鍾意, 睇得小寶多咩?
我鍾意A, 我愛B, 我想同C一生一世, 我日日都掛住D...
如果兩個人都有feel, 實有一個你鍾意多d, 又可能某d日子, 你會想同某個人一齊多d

仲有好多野可以同你分享/討論