想呻下

yeung hiu he

各位版主, 版友, 小弟想係度呻一下, 希望可以容許我這樣做!
不容許的可以立即delete!

星期四是我女友生日, 本來開開心心, 我準備好所有野, 包括禮物, 晚飯,生日蛋糕以及一束鮮花, 心想她生日比她一個大驚喜, 點知為左準備咁多野超左自己的預算用多左, 原本諗住整個計劃都是四千左右, 但是買左以下物件就超哂資

禮物: 一條不夠一卡的鑽石手鏈 - 3200
一束花 : 400
蛋糕: 270
晚飯 : 600

我自己份人工只有萬三, 每個月都要比家人五千, 另外同女友儲起三千, 餘下的就自己洗, 但因為我每個月都要還卡數, 所以個個月頭我都用哂所有$$, 之後成個月就靠女友啦, 今個月我又洗哂d $$, 準備她生日, 還咭數, 比家用, 儲$$, 一下子已經無哂份糧! 有時出街食飯都要女友比, 之後今日同女友講起, 她知道我用哂成份糧, 係度發哂脾氣話我又用哂, 咁她生日無意思啦, 最後咪又係她比番$$, 我好傷心因為我一心為她生日去準備, 我都不知道會超哂資, 但她只覺得我份糧一個星期內便用哂, 而成個月就好似她貼我咁, 我都唔好受架, 我一個男人要用女友的$$, 她完全唔理解我, 還要去怨我, 真是好不開心, 難道今次又是我錯!
最估唔到的她可以講得出如果係咁她不稀罕我為她準備生日, 寧願我儲番d $$, 我這一刻心碎, 原本做咁多野都係為她開心, 她居然咁講野, 我真是好唔開心, 真是為她做咁多野都是浪費心機!

Sorry, 有點長, 版主/友如覺得無聊,請幫忙delete! 另有任何不便之處, 敬請原諒!

[ Last edited by yeung hiu he on 2008-7-8 at 11:17 PM ]

yeung hiu he

唉, 我都知自己大哂左! 但是每個月扣除家用同友友果筆,
餘下既真是唔知去左邊度, 好似有賊打劫我一樣, 但自己
諗諗下發覺自己係洗在1) 還卡數(每個月都是千五左右),
2) 增值八達通 3) 出街食下飯(同女友) 4) 有人生日等喜慶日子..
我自己係有打算過每個月自己儲多五百至一千左右, 但是奈何
我好多野一個拖一個月, 咪搞到現家的狀況囉!
睇怕到年尾, 我都要過住d 負債的生活!
另我會好好珍惜我女友, 因為她都算係為他人著想的女仔!
我無野架啦, 之不過昨晚聽到個電話想呻一呻jer!
點都好啦, 感謝各位版主/友聽我這個無聊人呻苦!

yeung hiu he

Originally posted by trista_cheong at 2008-7-9 05:20 PM:



極度同意slwong3 ﹑infjlam 同...

好多謝版主trista_cheong以及各版友的忠告,
我會好好珍惜我女友, 更會為左我地的將來
盡快還清我的債務, 今日是我女友生日啦,
剛剛同她家人一齊過, 個270蚊的蛋糕她成家人
都好鐘意, 我女友更加是甜上心頭, 因為個蛋糕
係我專登去訂的, 點都好啦, 今日才是她正日,
我都要準備埋今日要做的野, 希望今年生日是她其中
一個最開心的生日!