請幫小弟解一點愁....

hwkeung

不廢話, 小弟愛上一個交往了兩個月的妓女, 怎麼辦?


她有一個原因十分需要錢, 如果我每個月可以給她某個金額,
就願意不做這個工作跟我在一起, 其實那個金額本人都應付得來,
現在還未開始『包養』她, 本人素來對感情都十分認真,
由其本人是雙魚座的關係, 我是那種今天比昨天更愛妳的男孩子,

對上連續有兩次感情大創傷, 令我對女孩子失去全部信心,
第一次是追求了一個女孩子兩年, 被拖(玩弄?)了兩年,
第二次是等了一個一腳踏兩船的女孩子一年, 我就是那第二條船,

我對女孩子沒有信心, 女孩子都會說不要一竹篙打一船人,
但每次那女孩最後都會變成那船人, 然後送我一張好人卡,
而且響我人生最失意最倒霉最低潮的時候離開,
我更浪費了整年時間, 成年酒醉人生行屍走肉以淚洗面,
最後才能從谷底走得返出來......

今次第三次難度仲要更加提升, 是一個歡場女子,
其實她對我很好千依百順(大概是歡場女子的入門基本功吧?),
她不是每次駛錢都要我支付, 亦不會跟我計較金錢,
大概這招就是以退為進吧, 真是相當成功 ,

其實講真, 女仔要真係呃一個男仔(我)真係睇唔穿,
到底有什麼方法試一試是真心定假意?
到底男士們換轉係你的話, 你地會點決擇呢?
到底女士們(如果有的話)妳地有冇咩意見呢?

negator

你未聽過一句說話叫"歡場無真愛"咩???

hwkeung

原帖由 negator 於 2008-9-10 05:07 AM 發表
你未聽過一句說話叫"歡場無真愛"咩???

呢句聽過又唔代表d乜野, 一般女子o既真假我相信都幾易分,
但係佢真係做得好真, 而且我話鐘意佢,
佢仲用返你呢句話質疑我.

自由神

原帖由 hwkeung 於 2008-9-10 05:30 AM 發表
呢句聽過又唔代表d乜野, 一般女子o既真假我相信都幾易分,
但係佢真係做得好真, 而且我話鐘意佢,
佢仲用返你呢句話質疑我.

非也.....若果唔係你都唔用頭2次咁......

會員們聽你一段小描述，真係好難幫你分佢真假
不過都係果句，而家2個月姐
你唔好太急進，日久見人心

kakeidevil

又有師兄沉船

睇下自己講既野...

原帖由 hwkeung 於 2008-9-10 05:30 AM 發表


"現在還未開始『包養』她, 本人素來對感情都十分認真"

咁樣算係感情??
只係你一廂情願認真地『包養』佢咋....

你話佢對你好好,如果你梗要比個理由自己,一千萬個都有！

再答你問題...

原帖由 hwkeung 於 2008-9-10 03:31 AM 發表
到底有什麼方法試一試是真心定假意?    日久見人心！
到底男士們換轉係你的話, 你地會點決擇呢?    出黎玩只係為Happy,happy完就算！

切記：

歡場出身莫問因，
相遇只為尋開心；
你要身時佢要金，
莫想得身又得心！

不過講到尾感情係你兩個人既事,如果你個人接受到佢曾經做呢行,佢又唔介意既.....你去啦 !
沉要沉得開心，笨要笨得甘心！

Azuma

Brother

我都跟我的女朋友分手了3個多月

我跟她在一起4年了

我一直都覺得自己負出比佢多

而我一直都充當一個好好男友

最後都係被人遺棄

所以我可以明你現在的心情

.................................................................................................

歡場女子

比起你同我看人生百態更多

佢地明白她跟你和所有的男人一樣都是一宗買賣

佢地唔會係買賣到負出任何感情

因為她們明白你們只是來尋歡不是尋配偶

找到一個好碼頭就上岸

他們知道你心靈或身體上的需要

但這是他們做這門生意的本能

並不是出於一份真心

你現在渴求填補心靈的東西她能一一提供

最後

希望你明白

她給你的

是服務

你給她的

是金錢和感情

你的戀愛感覺是一場假象

最後受傷害的也只會是你自己

極樂

愛情係盲目....你又點分得出真假呢?!

不過你引述佢一句話: 如果你每個月俾某個金額佢...佢可以唔做...

佢好明顯只為錢而同你一齊~~


你話你頭兩次感情失敗......
如果你今次都"中"個頭埋去.....
咁你既失敗原因係: 自已攞黎!

自由神

原帖由 極樂 於 2008-9-10 11:34 PM 發表
愛情係盲目....你又點分得出真假呢?!

不過你引述佢一句話: 如果你每個月俾某個金額佢...佢可以唔做...

佢好明顯只為錢而同你一齊~~


你話你頭兩次感情失敗......
如果你今次都"中"個頭埋去.....
咁你既失敗原因係 ...

好恨心

hwkeung

我問佢:『可唔可以為左我而家即刻唔做份工?』
佢答我:『而家真係需要錢, 唔做份工, 還可以做什麼?』

有時真係唔知佢地o既出身原因堅定流,
但偏偏我成日都好易信人, 深信對人好,
人地自然會同樣咁對返你, 但唔信人又係唔得,
做野搵錢都無咁複雜, 兩人相處真係唔知點先得,

好人難做, 對別人善良成日變成對自己殘忍.

自由神

原帖由 hwkeung 於 2008-9-11 12:36 AM 發表
我問佢:『可唔可以為左我而家即刻唔做份工?』
佢答我:『而家真係需要錢, 唔做份工, 還可以做什麼?』

有時真係唔知佢地o既出身原因堅定流,
但偏偏我成日都好易信人, 深信對人好,
人地自然會同樣咁對返你, 但唔信人 ...

好人同“水魚”係一線之差
兄弟你要好好諗清楚