andyho

聽完任志剛、曾俊華撐東亞的發言，
令我想起回歸前國商銀行傳出倒閉前一刻。

當時港英政府財政司（好似叫翟克誠）話國商健全無事，
真正出事後當然唔關佢事，拍拍屁股走人。

[ 本帖最後由 andyho 於 2008-9-24 06:56 PM 編輯 ]

andyho

恐慌關鍵係，剛剛爆煲的迷你債券事件令人心寒，
金管局話即使銀行誤導，頂多口頭譴責，賠錢免問，並唔關佢事。
東亞單野即使明知係"流言"，又唔好怪責d婆仔反應過敏。

andyho

網友bobo21似乎100%相信官方發出的公布，例如任總呀，東亞你個寶呀講的說話。
我建議你翻看資料，睇睇當年百富勤臨倒閉前，該公司發出的聲明。
當時百富勤姓梁的總負責人怒斥全屬虛言，話要請私家偵探揪出造謠者，
結果點呢？無幾耐公司就倒閉。

官方公布咩你就信咩，老兄你到今日都未出事都算夠運了，要感謝上天。

[ 本帖最後由 andyho 於 2008-9-25 04:46 PM 編輯 ]

andyho

原帖由 打狗棒 於 2008-9-25 03:59 PM 發表
呢個時勢, 信賊都唔好信政府

呢句最啱聽！
任聰真係高人，昨日現身撐東亞，
但迷你債券苦主投訴金管局又唔見佢出來接信，
個政府幾有誠信幾問責，大家心中有數。

附帶一提，見到狗哥你在版務區開的thread，
唔好勞氣，凡事唔好有期望，無期望就無失望。

andyho

原帖由 打狗棒 於 2008-9-25 05:28 PM 發表

Andy哥, 我已經好耐冇回條契弟, 但係佢得寸進尺, 追住我嚟嘈, 版主又視若無睹, 惟有到版務區投訴;
佢已經有免死金牌, 講乜都列為「平衡言論」, 再係咁, 我都步您後塵, 多download, 少發言算了...... ...

我選擇多download，少發言，
因為透過網上論壇的經驗悟出一個大道理。

一班人最初講到好動聽，為人民服務，但當個結構成形，
本來「為人民服務」的人就會以無理的手段打壓異見者，
掌權人講的說話才是道理。中共如是，好多中國人的小圈子就如是，
以狗哥你的智商絕對明我講咩。

離題囉，講番東亞，最不知所謂見到一個阿伯大大聲支持東亞開新戶，
實際只存入剛剛十萬元，阿伯，你有吉士攞十萬去問東亞仲有無迷你債券賣丫笨。

andyho

原帖由 bobo21 於 2008-9-25 05:04 PM 發表
我認為多D認識金管局的日常運作, 現在金管局是如何監管每間HK註冊銀行及存款公司的每日運作, 不要麻木相信政府, 高官及坊間流言, 自己去認識多D(講我自己姐), 就較易了解事物原本, 不需要求天叫地, 就連賊要嘟信喇. ...

我明白你意思，但在財經市場中，事事懷疑似乎比較保障到自己。
有位外國交易員寫的暢銷書《黑天鵝效應》就指出"懷疑"的好處，以下節錄：

       所謂黑天鵝，是指看似極不可能發生的事件，它具三大特性：不可預測性；衝擊力
強大；以及，一旦發生之後，我們會編造出某種解釋，使它看起來不如實際上那麼
隨機，而且更易於預測。
　　為什麼要等到事情發生之後，我們才認得出黑天鵝現象呢？部分的答案是，在
應該注意普遍現象時，人們長久以來卻習慣注意特定事件。我們習慣注意已經知道
的事情，卻一而再再而三忽略我們所不知道的事情。因此，我們無法真正地評估機
會；我們很容易將事情簡化、予以敘述、分類；而且我們不夠開放，沒能珍視那些
能夠想像「不可能事物」的人。

[ 本帖最後由 andyho 於 2008-9-26 12:56 PM 編輯 ]

andyho

原帖由 d228216 於 2008-9-26 01:14 PM 發表


何出此言?
開新戶都唔算支持??
存十萬元唔算支持??
買迷你債券先叫支持??
買迷你債券好似支持雷曼多D播?

我諗香港地輕易攞出十萬存新戶既人冇10% ...

阿伯大大聲話香港保障十萬元存款，
自己就剛剛入十萬，立於不敗之地，擺明係姿態，
將自己成副身家放晒入東亞先真正叫做支持嘛。
如信東亞，應信埋佢個管理系統，問佢仲有其他無迷你債券賣，
我無講個係雷曼那隻喎。

[ 本帖最後由 andyho 於 2008-9-26 01:23 PM 編輯 ]