[愛情診療室] 真係無咩信心再繼續落去..

hing8420

我中四 識左個女仔 佢d性格係我理想果種 所以對佢有d好感
咁日日聊佢傾計啦 但每次傾計 唔知點解 我地好似唔同channel
除左我對佢有意 所以緊張個腦空白之外 即使我自然同佢講果陣 佢都好似無乜反應咁
之後我就開始緊張...就出現冷場.....我開始懷疑係咪我自己問題....
而家真係無咩信心搵佢傾計...但佢知道左我鍾意佢 唔知點 我同我班兄弟又好傾得上天落地都得
同佢個姊妹都傾到好多野 可能我開始發現 我鍾意所有野都直直接接講出黎 我表達能力唔係咁好
1.其實我係咪應該做番自己 唔去就個女仔呢??
2.點先可以唔咁緊張 對住鍾意個女仔果陣.....

cazykiller

講真,對住自己中意ge人緊張係人之常情
傾計又唔使就住就住ge,搵岩話題自然多野傾,你去睇下佢中意玩D咩or做D咩先,係果到入手
緊張呢方面就靠你自己,其實平常心就得,唔好當佢係中意ge人,當佢朋友咁先
最好如果女仔受幽默ge就加D幽默落去,笑笑下氣氛就自然輕落黎,就易傾好多
最後祝你成功啦@@平常心就得架啦@@

怪味雞

原帖由 hing8420 於 2009-6-21 01:16 AM 發表
我中四 識左個女仔 佢d性格係我理想果種 所以對佢有d好感
咁日日聊佢傾計啦 但每次傾計 唔知點解 我地好似唔同channel
除左我對佢有意 所以緊張個腦空白之外 即使我自然同佢講果陣 佢都好似無乜反應咁
之後我就開始緊張...就出現冷場.....我開始懷疑係咪我自己問題....
而家真係無咩信心搵佢傾計...但佢知道左我鍾意佢 唔知點 我同我班兄弟又好傾得上天落地都得
同佢個姊妹都傾到好多野 可能我開始發現 我鍾意所有野都直直接接講出黎 我表達能力唔係咁好
1.其實我係咪應該做番自己 唔去就個女仔呢??
2.點先可以唔咁緊張 對住鍾意個女仔果陣.....

冇得救
你同我一樣對住鍾意個女仔果陣就唔知up乜
對其他女仔就吹幾粒鐘刀冇問題
除非解決到對住鍾意個女仔果陣就唔知up乜既情況
唔係就冇得救

hwkeung

其實你以上講o既野就係最應該同果個女仔講o既野,
我寫包單, 你講左以上呢堆真個性俾佢知之後,
你一定唔會再見到佢時緊張.

kains

小朋友教返你兩招~
1. 做返個心理調整先，同自己講:我其實唔係咁鍾意佢
2. 唔好諗自己要點追佢，你只係想同佢做朋友
3. 你對佢有高度興趣唔代表佢對你都要有相同程度興趣，所以唔可以期望人地好Nice咁回應你
4. 樓上把打講得岩，了解佢喜好，咁就多D話題la
5. 唔好吹水唔抺咀，得閒用下個腦，諗下你點做會令佢覺得你同佢有緣份既(所謂既夾)e.g.共同喜好
6. 講野唔好咁白，記住"曖昧"二字
7. 你呢D末代會考生唔好淨係掛住追女仔ar! 學習先至係一生既功課ar! <- 過來人話既，唔信就算

[ 本帖最後由 kains 於 2009-6-21 10:44 AM 編輯 ]

selena127

做回你自己 , 我覺得這樣最好 !!

( 點先可以唔咁緊張 對住鍾意個女仔果陣 )

無乜可能唔緊張 , 因為你對住鍾意個女仔 !!

cyhchrisY

緊唔緊張只係一個病徵; 源頭正正係你所講'無信心...' 個''信心'''; 你可能要反思一下你地之間既信任, 信心建立响邊度, 從個嗰地方從頭出發.

愛唔一定引至緊張(對父母兄弟姐妹唔會緊張la 卦), 緊張亦唔一定有愛(對boss 說話緊張, 亦唔代表有愛)

eg. 如果本身感情深厚, 互相信任/欣賞; 呢d就會少咗好多緊張成份.  解決方法好多 (如樓上).... 最終目的當然係為咗加深了解, 增加信任.咩叫無得救? 幾乎等同廢話

[ 本帖最後由 cyhchrisY 於 2009-6-22 01:57 AM 編輯 ]

gingercat

原帖由 kains 於 2009-6-21 10:42 AM 發表
小朋友教返你兩招~
1. 做返個心理調整先，同自己講:我其實唔係咁鍾意佢
2. 唔好諗自己要點追佢，你只係想同佢做朋友
3. 你對佢有高度興趣唔代表佢對你都要有相同程度興趣，所以唔可以期望人地好Nice咁回應你
4. 樓上把打講 ...

果然係過來人心聲。
版主，追女切忌比個女仔影響你嘅理智，你要震定D。追女你要當自己係一件PRODUCT，個女仔客，你要SELL佢,賣野唔細咁緊像係咪
其實講野唔洗多，沉默D一係唔講一講要有point,咁個女仔先會對你有興趣，覺得你都嘅醒目。
溝女最重要係要另佢對你有興趣，講D佢有興趣嘅話題，問下佢野，細心D聽佢講，你唔好講自己，等佢問你先講。
自己起晒底牌比人睇，無晒神秘感佢唔會對你有瑕想的。