<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
討論 : 中國南方人口(漢人內部)流動史

其實 , 有關中國南方民族流動 , 小弟之前都開過唔少POST討論 ,
好似彝族  緬族係分咩時間遷到雲南  緬甸 ,
漢人係幾時先係江西  湖南成為絕對優勢等(貴州應該係自清中葉苗亂之後)
不過我最近發現 , 我地好似無咩討論過 , 南方漢人內部的遷移史 ...

事關小弟岩岩睇左一個視頻 , 元末明初  明末清初出現過次屠蜀 ,
以及兩次 "湖廣填四川" ... 以至現今著名既川菜 , 其更應該稱為新川菜 ,
同舊川菜完全係兩回事 ;
古四川話 , 其實如廣東話  上海話一樣既方言 , 但現今既所謂四川話 ,
其實係西南官話 , 即官話既四川分支 ... 再直接D講 ,
就係同山東話  東北話一樣帶口音既普通話 , 佢地之間根本可以互相溝通

咁就可見四川係經歷過何等 "洗血式" 既人口重新注入拉 !!!

呢樣野又令我唸到 , 既然漢人成為江西  湖南  福建  嶺南等地既主流人口
其實都係要到唐宋既事 , 咁呢D地方方言又係幾時成形???
之前講過 , 每每北方有大動亂而人口南遷 , 其實只要岩岩過左動亂地方區 ,
難民就會停下來 ...
所以五胡十六國之際 , 主要難民都係停係四川  湖北  安徽  江蘇一帶 ,
而巧合既係 , 基本官話同南方言既界線一致 ...

事實上 , 湖北  安徽  江蘇一帶早在先秦時期 , 人口都己經唔可以叫少 ,
所以我認為 , 漢人去開發江西  湖南一帶既真正原因 ,
一方面係美國西拓運動咁既自願參與 ; 但另一方面因為東晉  五代  南宋等
北方難民遷入 , 而把一部份人口迫到江西  湖南 ...
同樣地如類推 , 到江西  湖南都人口過來時 , 人口才會迫到嶺南

從另一角度唸 , 中國自明朝開始出現大量海外移民 , 到清朝更是變本加厲 ,
以至現今係東南亞有近半億僑民 , 應該都係相同原因 ...
我猜測漢人大批移入嶺南  雲貴既時期 , 係同大量海外移民相同時間 ,
大概情況應該係咁 :
北方大動亂 > 遷往四川+湖北+安徽+江蘇 ;
湖北+安徽+江蘇+淅江人口過剩 > 遷往湖南+江西 ;
安徽+江蘇+淅江人口過剩 > 海外 , 湖北+湖南+江西人口過剩 > 嶺南+雲貴

如果咁睇 ,  "湖廣填四川" 亦變相舒緩左一次南方人口爆炸既壓力 ,
同時又令嶺南  雲貴開發時間 , 稍稍延後一丁點 ...
戰術討論 : 湖人係如何守死拓荒者???!!!
係季後賽開賽前 , 好多 "香討磚家" 都睇拓荒者黑八 ,
但除左第一場 , "黑八黨" 好似中獎咁之外 , 拓荒者就一輸到尾
連輸4場出局 !!! (有點點心涼 ^.^)

我一開始就唔睇好黑八 , 但也單單唔睇好而矣 , 無咩內容分析 ,
所以今次引用影片 , 分享一下湖人係如何守死拓荒者 :

其實湖人守死拓荒者既策略 , 可以話幾簡單 , 就係雙鎗運球的話
就係一過半場就釘防 , 一有單擋就包夾 ...
呢個策略大大減弱左雙鎗既攻擊性 , 亦做唔到直接致命既助攻 ,
只有任接球既隊友自己處理

就算係包夾形成 , 雙鎗就己經埋頭切入 , 除左同邊防守者跟防外
另一位都直接跑到低位 , 徹底閘死佢既切入空間 ...

除左雙鎗 , 湖人另一個防守陷阱就設計左比魯爾基奇 ...
對佢就唔用包夾 , 反而比機會佢多D單打 , 但就駐重兵係三秒區
唔比佢直接助攻籃底 ...
咁樣佢自己又無外線 , 佢就算爆入籃底 , 又會遇到重兵

最後解釋一下拓荒者點解會打得咁苦惱 ...
第一 , 其實拓荒者因為各種原因 , 其實有3名重要輪換不在席 ,
調度空間本來就唔大 ;
第二 , 魯爾基奇雖然算係有策應能力既中鋒 , 但無論自身移動  
還是接球即傳既反應速度 , 都同追夢GREEN差好遠 ...

第三 , 雙鎗係好強大既射手 , 但同樣都係持球形射手 ,
無球能力好一般 ... 只要湖人採取相對放棄其他球員既包夾戰術
就好大程度守死佢地 ... 但如果有無球能力 , 本身就好難被守死
而且又拉動到不停換防 , 就會有錯位單打機會

https://www.youtube.com/watch?v=Y1fyq0_DRac
高兄 , 小弟岩岩睇到一個視頻 , 唸到一個問題 ...

小弟查過維基 , 越南語為高棉語族 , 即係南亞語系一支 ,
應該同百濮同源 ;
而百越係屬侗傣語系 , 從語言來看 , 壯族同泰國既泰族 ,
應該係百越後代 ...

但係係維基中查越南歷史 , 佢地係視南越國為自己既趙朝 ,
南越國之前既甌貉  鴻龐都被視為越南史前史 ,
佢地根本都係係廣西 ...
甚至去到前李朝  吳朝 , 都有廣西一部份地方

咁即係越南人本來係係廣西一帶 , 係比人壓迫先去左越南 ...
但壓迫佢地既都唔係漢人 , 而係百越
(但百越自己 , 就係比漢人壓迫) ... 百越霸佔左嶺南上千年 ,
等漢人再次壓迫而來 , 先再遷到今天既泰國地區

咁理解岩唔岩???

https://www.youtube.com/watch?v=h7DU56teNkc
其實睇下面幅圖 , 我覺得有少少奇怪 ...
因為就算係 "湖廣填四川" , 明朝果次都離E+500年
加上地勢更加隔絕 , 晚明漢人開始大批既雲貴地區 ,
E+整個大西南都係官話區 ...

而#?所講 , 廣西係要到嘉慶年間 , 漢人先多過土著
(壯族仲佔30%左右 , 非漢人人口有38%) ;
貴州大概係苗亂後 , 以漢人為主(非漢人人口有36%)
點解貴州係官話區 , 廣西東半係粵語區???

而且 , 方言區反而係係較富有既江南地區 ...
或者會唔會反過來 , 富有既江南地區 , 因為有話語權
先保留到其方言呢???

https://lh3.googleusercontent.com/proxy/VapEtVkicHt8O9eqPYIcpzBdUQCFMK9q82_9SOL8cYlqL6So-7cSmQ99ws8WvW4gFQJYpfVaL-uYlQ
應該唔會架喎, 阿伯條野會有幾大呢??undefined
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。