<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |
返回列表 回復 發帖
想下淝水之戰後既北方局勢

以前睇書就話淝水之戰後 , 前秦好快就崩潰 ,
取而代之既係後燕  後秦等等 ... 但E+就覺得無咁簡單
事實上 , 前秦係淝水之戰後 , 其實仲存在左11年 ,
而且好似同後秦  西燕等打得好甘 ...

以下係我既稍為整理 :
淝水之戰後 , 隴西鮮卑既乞伏國仁首先割據 , 建立西秦 ;
之後慕容垂係河北  慕容泓係河東分別建立後燕 ;
而苻堅派姚萇陪同氐軍平亂 , 但氐軍戰敗 ,
苻堅因此記恨姚萇 , 姚萇因此叛變 , 殺苻堅自立建立後秦
... 而呂光則借口回路被所阻 , 而就地自立為後涼

不過苻堅死後 , 其實前秦勢力唔算少 , 不過分在4地 :
鄴城的苻丕  苻登  苻纂  呂光 ...

其實如果4支氐軍結合在一起 , 即使不能重新統一北方 ,
要收復關西唔係無可能 ...
不過 , 苻丕好快就敗於慕容垂 ;
苻纂被下屬殺死 , 他們敗於姚萇後 , 就投降給後秦 ;
苻丕死後苻登登基 , 但廔敗於姚萇 , 其勢力最後亡於西秦

不過小弟有少少好奇 , 除左慕容垂係關東獨立發展 ,
關西既前秦  後秦  西燕都一直互撕 ... 有無大大可以 ,
講下大概既局勢係點???
同埋點解劉勃勃一家 , 又唔玩一份 , 要等到後秦強大完 ,
比北魏打巢後 , 先開始爭霸???
係前秦既敗亡過程中 , 東晉謝安北伐既重要性又有幾大???
小弟岩岩詳細少少咁 , 睇左前秦後期  後秦  西燕三國歷史 ,
E+做一個正正少少既撮要 :



1,首先是慕容##起事建立後燕 , 之後河東既幕容泓跟住起事 ,
建立西燕 ... 苻堅派姚萇同兒子平亂 ,
幕容泓大敗秦軍  殺苻堅兒子 , 亦因為咁苻堅記恨姚萇 ,
姚萇先起事建立後秦

2,慕容泓因內亂被殺 , 慕容沖繼位 , 之後一舉入長安 ,
苻堅等出逃 , 為後秦將領吳忠所捉 , 之後姚萇就殺了苻堅 ...

3,與此同時 , 苻丕係東面受慕容##  東晉夾撃 ,
一度受緩於東晉 ... 之後和慕容##競爭 , 又阻擋了西燕東歸
後被慕容永打敗 , 最終落難時死左晉將之手

4,慕容沖派高蓋攻打後秦大敗 , 統治集團起了東歸之心 ,
就殺左打算堅守既慕容沖 ... 一輪內亂後 , 慕容永繼位東歸 ,
西燕趨向穩定 , 卻出現和慕容##之間的 "法統之爭"

5,打敗西燕後 , 姚萇便正式稱帝 ... 苻登也在苻丕死後登位 ,
而另一支前秦軍被西燕攻擊 , 但苻登不敢援手 ,
最終全軍投降姚萇

6,西燕後燕最後在392年開戰 , 最終以後燕吞併西燕結束

7,前後秦一直在關東對戰 ... 姚萇死後 , 姚興打敗了苻登 ,
苻登在出逃時 , 亡於西秦



這是十六國後半期(前秦分裂~北魏統一)的前段撮要 ... 睇得出
後秦前期並不強 , 所以先等西燕  前秦互隊 ,
西燕東歸後才變前後秦對隊 ... 後秦之後仲降服左西秦 ,
基本回到了苻堅之前的前秦領土
小弟最近又睇左綠軍既90年代資料 :

--90年 BIRD 同 MCHALE 都有20分以上 ,
也即是 Danny Ainge 所說 , 可以把他們交易出去既限期

--91年 BIRD 同 MCHALE 還算可以 , 驚喜既係 Reggie Lewis
己經上升到球隊第二主力 , 平均18.7分

--92年 Reggie Lewis 己經升上球隊得分王 , BIRD 還算可以
但 MCHALE 己經徹底滑落 ...

--93年 BIRD 榮休 , Reggie Lewis 維持上年既得分

--94年 Reggie Lewis 離奇去世 , 綠軍正式進入黑暗時期

--95年加入了 Dominique Wilkins , 但佢當年岩岩也大滑落 ,
得分由24.4滑至17.8 ; 南斯拉夫名將 Dino Radja 上升至17.2

--96年 Dominique Wilkins 離隊 , Dino Radja 也上升至19.7
外加98.8籃

--97年 Dino Radja 和球隊鬧不愉快 , 成積大降至14.0分 ,
Antoine Walker 被選中 , 首季即17.5分

--98年 Antoine Walker 上升至22.4分

--99年 Paul Pierce 被選中 , 組成2000年代前期綠軍雙雄
前涼(320年-376年)君主頭銜列表:
涼州刺史 301年1月-376年8月
涼州牧 西平公 314年2月-376年8月
涼王 323年8月-328年12月
假涼王 345年12月-349年9月
涼王 349年9月-354年1月
涼王(帝)354年1月-355年9月
涼王 355年9月-359年6月

西秦(385年-400年,409年-431年)君主頭銜列表:
單于385年9月-387年3月
苑川王387年3月-388年6月
河南王388年6月-389年1月
金城王389年1月-394年1月
河南王394年1月-394年6月
梁王394年6月-394年12月
秦王394年12月-400年7月
秦王409年7月-411年1月
河南王411年1月-414年10月
秦王414年10月-431年1月

北涼(397年-439年)君主頭銜列表:
涼州牧、建康公397年5月-399年2月
涼王399年2月-401年6月
張掖公401年6月-412年11月
河西王412年11月-431年9月
涼王431年9月-433年4月
河西王433年4月-439年9月

後涼(386年-403年)君主頭銜列表:
涼州刺史385年9月-386年12月
涼州牧、酒泉公386年12月-389年2月
三河王389年2月-396年6月
大涼天王396年6月-403年7月

南涼(397年-414年)君主頭銜:
西平王397年1月-398年12月
武威王398年12月-401年1月
河西王401年1月-402年3月
涼王402年3月-404年2月
涼王408年11月-414年6月

而西涼既銜頭 , 其實一直只是涼公
睇返十六國歷史 , 其實十六國時期中有十一 , 即 :
五燕二秦二趙一成一夏(包括西燕) ... 佢地係各個時期 ,
頭銜上唔係自己自立稱王 , 就係自稱同帝差異不大既 "天王"
甚至真係稱帝 !!! 這些相對很好理解

剩下有王號既四涼一秦 , 小弟發現原來睇到好多野 ...
他們既王號 , 全部都係受 "秦" 政權所封 , 唔理係前秦後秦
因為無論前後兩秦 , 都係爭緊同一個 "秦" 政權既正統 ,
所以四涼一秦都一直襲封下去 ... 即使 "秦" 政權滅亡 ,
都繼續沿用下去
(西涼既銜頭 , 其實一直只是涼公 , 係由東晉所封)

前涼既例子比較有趣 , 佢被封為涼王有兩段時間 :
323年--328 345年--359年 , 前者由前趙所封 ,
後者為前秦所封 ... 不過同時 , 也採用東晉既官號 ,
即為涼州刺史  涼州牧  西平公 , 可以話佢係玩緊兩面手法

北涼係另一個從於兩代既封王 ... 之前一直用 "秦" 的封號
431年的涼王和439年的河西王 , 就北魏的封號 ,
他是十六國中唯一受封北魏既國家



睇睇下 , 北涼享國42年 , 兩年係建康公  兩年係張掖公 ,
封涼王就係共得4年 , 但封河西王就共25年 ...
咁點解史家要稱佢為北涼 , 唔係稱佢為河西國呢???

仲有呢 , 後涼享國17年 , 酒泉公做左兩年 ,
三河王做左7年3個月 , 但大涼天王只係做左7年1個月 ...
點解史家要稱佢為後涼 , 稱佢為三河國???
點解法國大革命後 , 政府軍會聽革命政府既命令???

明明革命軍係政府軍面前 , 係叛軍來喎 ...
而且各國仲有因為咁 , 要討伐革命政府 , 點政府軍仲要聽命令???
實力分析 : 唐詩詠奪得50周年視后之原因

首先 , 係分析之前小弟希望大家 , 能理解一點 ...
大台其實係一個商業機構 , 頒獎禮即使唔符合 "民意"
但基本唔會違反 , 基本商業運作原則

如果大家同意 , 咁即係大家至少唔會反對 ,
對於大台來講 , 唐詩詠奪視后 , 至少唔係斃多之選

咁我就同大家分析一下 , 唐詩詠自身既利多因素 :

1,唐詩係兩年前開始比人翻情史 , 多次被渣男分手 ,
都從無埋怨過對方 , 甚至為對方說好話 ,
賺得 "最GF-able女友" 之稱 , 係大陸都有少數人 ,
稱佢為 "中國好女友"

所以就在近兩年 , 我地開始見到佢有電視廣告出現 ,
證明佢既商業價值正式被開發 ... 趁此勢頭 ,
再為佢加冕 , 可使其商業價值最大化 !!!

2,唐詩今年己經36碎 , 其實要比兩界視后定欣仲老 ,
一般花旦既風光歲月 , 好難到38碎之後 ...
你可以想像一個38碎既  "最GF-able女友" 嗎???

即係話 , 佢既商業價值可以最大化既期限 ,
最多都係得呢兩年 , 如果今年再唔佢裸視后既話 ,
呢D商業價值就會付諸流水 ...

根住係講對於大台而言 , 其他選擇既斃多因素 :

A,頒比宣萱 ... 首先 , 佢本身就唔係大台既親生女 ,
而且捧一個48碎既女人 , 對一間電視台而言 ,
除左賺得 "公平" 二字 , 其實真係無利可圖

而且由2011-2017年 , 整整7年間 , 大台最明顥既問題
就係花旦年資太深  年紀偏大 ...
大台己經開始年輕化既方向 , 又何必呢個時候 ,
再出一界熟女視后???

B,頒比水魚/雞芯/菜絲 ... 其實只要唔係觀眾大熱 ,
頒比邊個 , 邊個都會比人插 , 所以頒比佢地 ,
其實就係害佢地

事實上 , 呢個先係頒比唐詩真正首要條件 ...
如前所述 , 大台開始冒求年輕化 , 但正正因為咁 ,
佢地更加唔希望 "愛你變左害你" , 好似當年比黎姿
咪害左黎姿羅 ...

至於阿田同定欣 ... 我從來都覺得 , 佢地兩個只係
余黨迫走五大之後 , 新人同有線幫又未能接棒 ,
余黨迫於現實而重用既過渡性人物

尤其阿田 , 佢本身雖然係余黨一份子 ,
但己經40碎 , 就算無得唔用佢 , 都要開發下其他人

最後 , 又講下有關大台黨爭既問題 ...

其實 , 小弟唔係好知除左余黨 , E+大台有咩其他派系
但係我可以肯定 , 唐詩就係余黨中人 !!!
唐C最好既FRI , 唔係水魚就係阿田 , 佢仲多謝埋阿田
... E+唸返轉頭咁唸 , 其實佢同洪仔拍施 ,
就係入黨儀式 , 向余大媽投誠 , 進入余黨核心 ...
唐C最好既FRI , 唔係水魚就係阿田 , 佢仲多謝埋阿田
E+唸返轉頭咁唸 , 其實佢同洪仔拍施 ,
可以話係妥身於余黨 , 向余大媽投誠 , 進入余黨核心
事實證明此策略行得通~~
返回列表 回復 發帖
<<新主題 | 舊主題>>
娛樂滿紛 26FUN » 港男俱樂部 » [真‧頑童俱樂部] 延續篇2008 -- ∞ | 快啲入嚟繼續呱呱嘈啦 |

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。