迦樓羅女王

高兄所講既問題 , 基本都係因為淝之戰而出現 ,
其實睇返苻堅 , 佢人生既高光期主要係政變登位  平五公之亂  滅前燕進佔漠北  滅前涼  豪取四川和部份荊州 ...
睇落都真係幾一時豪杰 , 但係睇返成個過程 , "滅前燕" 絕對係轉捩點
"滅前燕" 之後做既野 , 係佢既國力水平 , 其實係非常合理

問題係 , "滅前燕" 本身就係天降之福 , 唔係前燕迫反慕容垂既話 ,
前燕國力根本遠在前秦之上 ... 去到淝水之戰時 , 其實由對方到自己人
上上下下都想佢輸 , 根本無可能WIN到 ...
但呢個係我地後見之明 , 係當地計 , 隴西鮮卑乞伏氏  羌人姚氏等 ,
都係順從己久既手下 , 佢真正忽視既係慕容鮮卑

其中羌人姚氏係前秦擴張上 , 都出力唔少 , 話唔定正正因為咁 ,
苻堅當左佢真係手下 , 罵得就狂罵 ... 講真 , 自羌人姚氏都反埋果一下
前秦都注定左收硬皮

迦樓羅女王

唔會拉 ... 吹就係咁吹 , 但係人人都知當年法拉既 "便秘式演技" ,
如果咁都可以比佢 , 就真係民變都似 !!!
;P ;P ;P ;P ;P ;P ;P

好坦白講 , 我覺得法拉係幾醒 , E+後見之明知 , 果陣余黨開始來料
佢走左之後其他四花 , 其實都無好飯食 ... 胡楊鐘嫁人 ,
子珊出走 , 全部夾埋係兩年間發生 , 絕對唔係巧合 ...
擺到明係有人專登迫走D舊花 , 比位捧自己人拉 !!!

迦樓羅女王

講真 , 有時見到凱琳  千雪  佩玥佢地都幾激氣 !!!
佢地一個名氣高  一個觀眾爆燈  一個天份高到無人有 ,
結果就一個個走去嫁人生仔  去讀書  掛住溝仔 ...

佢地有無唸下 , 佢地垂手可得  而又輕易放棄既野 ,
係人地用左多努力先拿得到???
好似定欣咁 , 由<衝上雲霄>到<大唐>既婠婠 ,
都係令人眼前一亮 ... 但結果佢係大台捱左十年多 ,
先開始真正上女一 ;

又好似黃智雯咁 , 由出道第一個角色鵪鶉妹
到同阿姐對戲既諸葛蓉(<居家兵團>) , 再到關二嫂 ,
都係好評如潮 ... 但都要隔多五年之可以上女一

佢地又有天份  又努力 , 都要捱咁多年 ,
凱琳  千雪唔駛捱就咩都有 ... 係咪真係太易得到既 ,
會唔曉珍惜呢???

不過咁樣 , 我反過來開始明白 , 雞芯同水魚而立之年 ,
點解邁向不惑時仲會受捧 ...
我記得睇過一篇講日本AV既文 , 當中訪問一位行業人士
問佢點解日本咁盛行熟女AV , 答案你真係估唔到 :

佢話 , 咁多熟女AV係推廣出來既結果 ...
企畫咁鐘意推廣熟女 , 係因為好容易操作 , 同靚妹唔同
唔會因為一時貪玩就答應 , 但拍果日就放非機 ...
熟女好明白自己做緊咩 , 係好明白勒先會答應 ,
答應左就會好配合企畫既要求 , 係好好既合作對象 ...

(你亦都可以話 , 佢地亦都無咩好行)

其實擺係今時今日既大台都係 ... 雞芯同水魚 ,
基本要到34碎先受捧 , 佢地好明白到 , 佢地再唔搏既話
呢世就係咁 ... 尤其係雞芯 , 佢屋村出身  讀IVE ,
受捧又要遲過水魚 , 佢好明白唔係咁易有機會 ,
有一次都未必有第二次 , 所以會好努力咁捉緊機會

迦樓羅女王

高兄 , 想問下你劉勃勃同匈奴有咩淵源???

論地點 , 佢所在既河套地區 , 我無記錯既話 , 就係漢朝比南匈奴世居之地
而佢地係大半個十六國時期 , 都無離開河套地區 ;
論姓氏 , 劉勃勃係跟劉淵個姓 , 而係幾代人都係咁 , 反而係之後既赫連姓
先係原創出來 ... 即係話呢個淵源 , 唔係刻意形造出來

再者 , 匈奴鐵弗部同匈奴關係又係點???
我知道一定會有人咁答我 : 即係歸順左匈奴 , 但其實唔係匈奴既民族 ...
但係我又覺得 , 係蒙古統一之前 , 真正既 "蒙古" ,
其實有乞顏部  泰赤兀部  札答蘭部  主兒乞部四部 , 鐵弗部會唔會係咁???

就算鐵弗部唔係匈奴 , 佢地相比匈奴同羯族既關係 , 又是如何???
會唔會係劉淵 , 派係其 "龍興之地" 既駐守部隊 ... 咁好似解釋一D個情況

另外 , 劉勃勃其實有無刻意打住 "復興匈奴" 既旗號???
其實 , 匈奴自劉淵既前趙之後 , 己經沒落左近百年 , 係去到胡夏建立時 ,
"匈奴" 之名先重新出現 ...
(咁岩 , 佢地分別係十六國中 , 首個和最後一個建國的國家)

最後 , 小弟好好奇鐵弗部同拓跋鮮卑 , 到底有咩仇  有咩怨???
我睇維基 , 好似話劉勃勃之所以叛秦自立 , 都係因為後秦想同拓跋鮮卑結好
... 北魏強大起來 , 佢就要崛起去阻止北魏 ; 北魏當時主力吞燕 ,
胡夏就主力滅秦攻晉  收復兩京 ... 點解佢地會咁冤家???

迦樓羅女王

小弟之前覺得 , 十六國中二趙兩國 , 係爭取緊同一個 "趙" 政權既正統
就好似北朝分裂既東西魏咁 ... 其他好似五燕  前後秦都係

但小弟近日發覺 , 其實連西秦 , 都好似有想拿 "秦" 正統既著數 ...
係後秦亡國之前 , 無論西秦亡國前  復國後 , 西秦絕大部份時間 ,
其實都無稱 "秦王" ... 但由後秦亡國既417年 , 到佢自己亡國既431年 ,
就完全係以 "秦王" 自居

迦樓羅女王

想問下 , 各位版大點睇 TVB版 同 電影版 既輪迴式洗版???

由上年10月左右開始 , TVB版就出現輪迴式洗版 ...
即係大量POST係臨近鎖文期限 , 被重新推回首頁 , 現在去TVB版一看
可以見到原本兩個月既鎖文期限 , 竟然包攬左多達77頁既POST !!!

當然 , 亦好容易見一整頁  或者半頁都係同一個人既回帖 ...

TVB版版主唔係無做野 , 我見都 BAN 左好多呢D ACC , 但就一直無停
... 電影版我其實都好少去 , 但幾年以來 , 係果面出親POST ,
都一定不停比人輪迴式頂返上首頁

迦樓羅女王

高兄 , 小弟近日在重整緬彝語支民族既資料時 ,
發現兩族人既時形時期都頗早 ... 彝族係大理國既主體民族 ,
而大理國既前身 , 最早可以追至六詔 , 早在公元8世紀己係雲南成形
緬甸既第一個緬族人國家--驃國 , 就係公元7世紀建立 ...

兩族既基本範圍 , 係近呢一千二三百年 , 基本都無大改變 ...
從時間上逆推 , 即係話原本係雲南既緬族 , 肯定係唐朝建立之前 ,
己長期比彝族壓迫 ; 而係更早之前 , 彝族就係巴蜀地區 ,
受到漢人既壓迫

如無意外 , 呢個移民鏈大概就係十六國後期(至少係成漢亡國後吧) ,
到南北朝期間發生 ...
如果咁講 , 係晉朝爨氏等中南大姓治下 , 其實會唔會都係緬人???
秦漢既西南夷 , 係應該係緬人定係孟高人???

其實睇埋吐蕃既建立時期 , 都同緬甸一樣係係公元7世紀 ,
即係 "髮羌入藏" 都係發生係十六國至南朝 ...
睇來當時漢人對巴蜀  隴西有好大既開發呢 ... 定係 "髮羌入藏" ,
都有比隴西鮮卑等外族脅迫既關係???

不過唸唸下 , 彝族都幾慘 , 一早打下緬族落緬甸 ,
自己係雲南叫落葉歸根 ... 本來都無咩野 , 係到明朝開始加強管治
搞到明末清初既雲南亂事不斷 ... 雍正又搞改土歸流 ,
果陣緬甸又成晒形勒 , 走都無得走 , 迫住被漢人繼續打壓 ...

今日彝族佔雲南既總人口 , 都係得一成多丁點咋 !!!

迦樓羅女王

睇真D , 上一代花旦家境最差既 , 應該係阿佘同楊怡 ,
結果係佢果一代花旦中 , 除左佢地 , 其實就只有杏兒可以一登視后
(杏兒家境都唔算好好)

係五大之中 , 家境最好既應該係子珊同嘉欣 ,
但完全唔可以同凱琳  千雪呢D "千萬家財" 既花旦相比 ...
或者咁都解釋左 , 點解上一代花旦咁勤力 , 而呢一代花旦咁易放棄
根本就係一副 "都唔好玩既 , 唔玩拉" 既態度 ...

迦樓羅女王

自從發現原來睇返時序 , 可以整理出大概既民族遷移流程 ,
小弟又開始想睇 , 侗泰語族既遷移流程 ...

首先以小弟理解 , 侗泰語族早期應該呈沿海分佈 ,
最北應該係係浙江一帶 ... 好似話越國可能就係侗泰語族

小弟記得福建 , 其實去到東漢-孫吳先開始置縣置郡 ,
而孫吳打擊山越 , 都係第一次對福建開發 ;
同時 , 孫吳既交州為士變所控制 ... 一直到唐被 , 兩廣地區
都為馮氏及冼夫人控制 , 就算有民族流動 ,
應該係侗泰語族既內部壓迫

用返時間逆推法 , 泰國既第一個王朝--素可泰王朝 ,
係公元13世紀之建立 ... 所以估計 , 漢人對兩廣既大壓迫
南漢及宋朝時開始 , 儂智高應該壓迫下叛亂 ...
不過咁樣 , 都睇唔到漢人壓迫>壯族壓迫>泰人南移既流程

之後廣西無發生甘肅回變  貴州苗亂等大型屠殺 ,
或者明末清初雲南既亂事不斷 , 今壯族是第一大少數民族 ,
仍佔廣西1/3人口之多 !!!

迦樓羅女王

唸唸下 , 其實相比起謝安(怕佢成為下個桓溫)  劉裕(要返去篡位)既北伐 ,
桓溫其實先係最有機會統一果個 , 點解佢無咁做???

睇返各次北伐 , 謝安係趁淝水之戰後 , 前秦開始崩解而北伐 ,
果時關東有慕容部再次崛起 , 關西都有羌人姚氏強大起來 ... 東晉再北上
就真係要打真軍 ; 劉裕就係趁後燕  後秦接連大敗於北魏 ,
令兩國快速崩潰 ... 但同時兩國既後面 , 仲有北魏  胡夏兩國新興強國 ,
都唔係話咁好食

但係後趙因為冉閔之亂亡國 , 成個關西可以話完全權力真空 ,
之前影響力都唔見好大既氐人苻氏 , 因為無晒對手(羌人姚氏南投東晉)
輕輕鬆鬆就接收晒關西領土 ... 就算係關東 , 前燕都只係打到入鄴城姐 ,
點解桓溫唔試下打埋上去??? 至少都食埋關西先拉 !!!

唔通佢係唸住養寇自重 , 方便佢濫權 , 繼而慢慢篡位???